ਟੋਕੀਓ, (ਏਜੰਸੀ): ਇਕ ਨੇਤਰਹੀਣ ਜਾਪਾਨੀ ਮਲਾਹ ਬਿਨਾ ਰੁਕੇ ਹੋਏ ਸਨਿਚਰਵਾਰ ਨੂੰ ਅਪਣੀ ਪ੍ਰਸ਼ਾਂਤ ਯਾਤਰਾ ਪੂਰੀ ਕੀਤੀ। ਸਥਾਨਕ ਮੀਡੀਆ ਨੇ ਇਹ ਖ਼ਬਰ ਦਿਤੀ। ਯਾਤਰਾ ਪੂਰੀ ਕਰਨ ਦੇ ਨਾਲ ਹੀ ਇਹ ਮਲਾਹ ਵਿਸ਼ਾਲ ਮਹਾਸਾਗਰ ਵਿਚ ਜਹਾਜ਼ ਚਲਾਉਣ ਦਾ ਰਿਕਾਰਡ ਬਣਾਉਣ ਵਾਲਾ ਪਹਿਲੇ ਨੇਤਰਹੀਣ ਵਿਅਕਤੀ ਬਣ ਗਿਆ ਹੈ।
ਮਹਾਸਾਗਰ 'ਚ ਜਹਾਜ਼ ਚਲਾਉਣ ਵਾਲਾ ਪਹਿਲਾ ਨੇਤਰਹੀਣ ਵਿਅਕਤੀ ਬਣਿਆ
|
ਕੈਲੀਫ਼ੋਰਨੀਆ ਤੋਂ ਕਰਬੀ ਦੋ ਮਹੀਨੇ ਪਹਿਲੇ ਰਵਾਨਾ ਹੋਏ ਮਿਤਸੁਹੀਰੋ ਇਵਾਮੋਤੋ ਸਨਿਚਰਵਾਰ ਸਵੇਰੇ ਅਪਣੀ 12 ਮੀਟਰ (40ਫ਼ੁੱਟ) ਲੰਬੀ ਕਿਸ਼ਤੀ ਨਾਲ ਫੁਕੁਸ਼ਿਮਾ ਬੰਦਰਗਾਰ 'ਤੇ ਪਹੁੰਚੇ। ਸੈਨ ਡਿਏਗੋ 52 ਸਾਲਾ ਨਾਗਰਿਕ ਇਵਾਮੋਤੋ ਇਕ ਅਮਰੀਕੀ ਮਲਾਹ ਡਗ ਸਮਿਥ ਨਾਲ 24 ਫ਼ਰਵਰੀ ਨੂੰ ਅਮਰੀਕੀ ਸ਼ਹਿਰ ਤੋਂ ਰਵਾਨਾ ਹੋਏ ਸਨ। ਸਮਿਥ ਨੇ ਹਵਾ ਦੀ ਦਿਸ਼ਾਵਾਂ ਤੋਂ ਸਬੰਧਿਤ ਅਤੇ ਹੋਰ ਤਰ੍ਹਾਂ ਦੀ ਜ਼ਬਾਨੀ ਸੂਚਨਾ ਦੇ ਕੇ ਉਨ੍ਹਾਂ ਦੀ ਮਦਦ ਕੀਤੀ। ਇਹ ਉਨ੍ਹਾਂ ਦਾ ਦੂਜੀ ਕੋਸ਼ਿਸ਼ ਸੀ। ਇਸ ਤੋਂ ਪਹਿਲਾਂ ਇਕ ਵ੍ਹੇਲ ਨਾਲ ਉਨ੍ਹਾ ਦੀ ਕਿਸ਼ਤੀ ਟਕਰਾਉਣ ਤੋਂ ਡੁੱਬ ਗਈ ਜਿਸ ਕਰ ਕੇ 6 ਸਾਲ ਪਹਿਲਾਂ ਉਨ੍ਹਾਂ ਨੂੰ ਅਪਣੀ ਯਾਤਰਾ ਰੋਕਣੀ ਪਈ ਸੀ। ਕਰੀਬ 14, 000 ਕਿਲੋਮੀਟਰ ਦੀ ਦੂਰੀ ਤੈਅ ਕਰ ਕੇ ਅਪਣੀ ਕਿਸ਼ਤੀ ਨਾਲ ਫੁਕੁਸ਼ਿਮਾ ਪਹੁੰਚਣ 'ਤੇ ਸਵਾਗਤ ਕਰਨ ਵਾਲੇ ਲੋਕਾਂ ਨੂੰ ਇਵਾਮੋਤੋ ਨੇ ਕਿਹਾ, ''ਮੈਂ ਘਰ ਵਿਚ ਹਾਂ, ਸਾਰਿਆਂ ਦਾ ਸ਼ੁਕਰੀਆ।''