😲ਗਵਾਚਿਆ ਕੁੱਤਾ ਲੱਭਣ ਵਾਲੇ ਨੂੰ ਮਿਲੇਗਾ 11 ਕਰੋੜ!🐕

ਇੱਕ ਵਿਅਕਤੀ ਨੇ ਆਪਣੇ ਗੁੰਮ ਹੋਏ ਕੁੱਤੇ ਨੂੰ ਲੱਭਣ ਵਾਲੇ ਨੂੰ 1.4 ਮਿਲੀਅਨ ਡਾਲਰ ਯਾਨੀ ਕਰੀਬ 11 ਕਰੋੜ ਰੁਪਏ ਦੇ ਇਨਾਮ ਦਾ ਐਲਾਨ ਕੀਤਾ ਹੈ। ਸਿਰਫ ਸੁਰਾਗ ਦੇਣ ਵਾਲਿਆਂ ਨੂੰ ਹੀ 2 ਕਰੋੜ ਰੁਪਏ ਦੇਣ ਦਾ ਵਾਅਦਾ ਕੀਤਾ। ਉਸ ਦੇ ਐਲਾਨ ਕਰਦੇ ਹੀ ਇਹ ਖਬਰ ਅੱਗ ਵਾਂਗ ਫੈਲ ਗਈ ਅਤੇ ਕਈ ਲੋਕ ਕੁੱਤੇ ਦੀ ਭਾਲ ਕਰਨ ਜੁਟ ਗਏ। ਕੁਝ ਦਿਨਾਂ ਬਾਅਦ ਕੁੱਤਾ ਵੀ ਮਿਲ ਗਿਆ ਪਰ ਉਸ ਤੋਂ ਬਾਅਦ ਜੋ ਹੋਇਆ, ਉਸ ਦੀ ਕਿਸੇ ਨੇ ਕਲਪਨਾ ਵੀ ਨਹੀਂ ਕੀਤੀ ਸੀ।

ਮਾਮਲਾ ਚੀਨ ਦੇ ਹੇਨਾਨ ਸੂਬੇ ਦਾ ਹੈ। ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਦੀ ਰਿਪੋਰਟ ਮੁਤਾਬਕ ਯਾਂਗ ਨਾਂ ਦੇ ਵਿਅਕਤੀ ਦਾ ਪਾਲਤੂ ਕੁੱਤਾ ਲਾਪਤਾ ਹੋ ਗਿਆ ਸੀ। 9 ਜੁਲਾਈ ਨੂੰ ਉਸ ਨੇ ਸੋਸ਼ਲ ਮੀਡੀਆ 'ਤੇ ਇਸ ਬਾਰੇ ਜਾਣਕਾਰੀ ਦਿੱਤੀ ਸੀ।

ਉਸ ਨੇ ਦੱਸਿਆ ਕਿ ਇਹ ਇੱਕ ਰਿਟਾਇਰਡ ਕੁੱਤਾ ਹੈ ਜੋ ਬੀਤੀ ਰਾਤ ਲਾਪਤਾ ਹੋ ਗਿਆ ਸੀ। ਜੇਕਰ ਕੋਈ ਉਸ ਨੂੰ ਲੱਭ ਕੇ ਲੈ ਆਉਂਦਾ ਹੈ, ਤਾਂ ਉਸ ਨੂੰ ਵੱਡਾ ਇਨਾਮ ਦਿੱਤਾ ਜਾਵੇਗਾ। ਕੁੱਤੇ ਬਾਰੇ ਅਹਿਮ ਸੁਰਾਗ ਦੇਣ ਉਤੇ 20 ਲੱਖ ਯੂਆਨ ਯਾਨੀ ਕਰੀਬ 2 ਕਰੋੜ ਰੁਪਏ ਮਿਲਣਗੇ। ਜੇਕਰ ਕੋਈ ਕੁੱਤਾ ਲੱਭ ਕੇ ਸੁਰੱਖਿਅਤ ਵਾਪਸ ਲਿਆਉਂਦਾ ਹੈ ਤਾਂ 10 ਮਿਲੀਅਨ ਯੂਆਨ ਯਾਨੀ ਕਰੀਬ 11 ਕਰੋੜ ਰੁਪਏ ਦਾ ਇਨਾਮ ਦਿੱਤਾ ਜਾਵੇਗਾ।

ਕੁੱਤਾ ਉਸੇ ਦਿਨ ਮਿਲ ਗਿਆ

ਯਾਂਗ ਨੇ ਕਿਹਾ ਕਿ ਤਿਆਨਲੋਂਗ ਨਾਂ ਦਾ ਇਹ ਕੁੱਤਾ ਪਰਿਵਾਰ ਦਾ ਕਰੀਬੀ ਮੈਂਬਰ ਹੋਣ ਦੇ ਨਾਲ-ਨਾਲ ਬਹੁਤ ਖਾਸ ਹੈ। ਉਸ ਨੇ ਦੇਸ਼ ਲਈ ਵੀ ਯੋਗਦਾਨ ਪਾਇਆ ਹੈ। ਉਸ ਨੇ ਚਿਤਾਵਨੀ ਦਿੱਤੀ ਕਿ ਜੇਕਰ ਕਿਸੇ ਨੇ ਕੁੱਤੇ ਨੂੰ ਨੁਕਸਾਨ ਪਹੁੰਚਾਇਆ ਤਾਂ ਉਹ ਨਿਆਂ ਲਈ ਸਭ ਕੁਝ ਵੀ ਕਰਨਗੇ। ਚੀਨ ਦੇ ਸੋਸ਼ਲ ਮੀਡੀਆ ਵੀਚੈਟ 'ਤੇ ਜਿਵੇਂ ਹੀ ਇਨਾਮ ਦਾ ਐਲਾਨ ਹੋਇਆ, ਕਈ ਲੋਕ ਕੁੱਤੇ ਦੀ ਭਾਲ 'ਚ ਨਿਕਲ ਗਏ। ਕੁਝ ਲੋਕ ਝੀਲ ਵੱਲ ਵੀ ਭੱਜੇ। ਉਸੇ ਦਿਨ ਦੁਪਹਿਰ 3.40 ਵਜੇ ਇੱਕ ਗਰੁੱਪ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨੇ ਕੁੱਤਾ ਲੱਭ ਲਿਆ ਹੈ। ਇਸ ਗੱਲ ਦੀ ਪੁਸ਼ਟੀ ਵੀ ਹੋਈ ਹੈ।

ਇੰਨੀ ਜਲਦੀ ਕੁੱਤਾ ਮਿਲਣ ਦੇ ਬਾਵਜੂਦ, ਯਾਂਗ ਆਪਣੇ ਵਾਅਦੇ ਤੋਂ ਪਿੱਛੇ ਹਟ ਗਿਆ। ਉਸ ਨੇ ਕੁੱਤਾ ਲੱਭਣ ਵਾਲੇ ਨੂੰ ਸਿਰਫ਼ 56000 ਰੁਪਏ ਦਿੱਤੇ। ਯਾਂਗ ਨੇ ਕਿਹਾ, ਉਸ ਨੇ ਸਟੰਟ ਦੇ ਤੌਰ 'ਤੇ 10 ਮਿਲੀਅਨ ਯੂਆਨ ਦੀ ਵਰਤੋਂ ਕੀਤੀ। ਉਸ ਦੇ ਦਾਅਵੇ ਦੀ ਕੋਈ ਪੁਸ਼ਟੀ ਨਹੀਂ ਹੋਈ ਹੈ ਕਿ ਕੁੱਤੇ ਨੇ ਫੌਜ ਵਿੱਚ ਸੇਵਾਵਾਂ ਦਿੱਤੀਆ ਸਨ।

ਹਾਲਾਂਕਿ, ਲੋਕ ਯਾਂਗ ਦੇ ਪਿੱਛੇ ਹਟਣ 'ਤੇ ਗੁੱਸੇ ਵਿੱਚ ਨਜ਼ਰ ਆਏ। ਵੀਬੋ ਉਤੇ ਇਸ ਹੈਸ਼ਟੈਗ ਨੂੰ 30 ਕਰੋੜ ਵਾਰ ਦੇਖਿਆ ਜਾ ਚੁੱਕਾ ਹੈ। ਇਕ ਯੂਜ਼ਰ ਨੇ ਕਿਹਾ, ਕਿਸੇ ਉਤੇ ਭਰੋਸਾ ਨਹੀਂ ਕੀਤਾ ਜਾ ਸਕਦਾ। ਦੂਜੇ ਨੇ ਕਿਹਾ, ਕੀ ਇਸ ਕਿਸਮ ਦੇ ਇਨਾਮੀ ਨੋਟਿਸ ਦਾ ਕਾਨੂੰਨੀ ਪ੍ਰਭਾਵ ਨਹੀਂ ਹੁੰਦਾ? ਜਾਓ ਅਤੇ ਉਸ 'ਤੇ ਮੁਕੱਦਮਾ ਕਰੋ!