ਕੋਲੰਬੋ: ਰਾਜਧਾਨੀ ਕੋਲੰਬੋ ਤੋਂ 40 ਕਿਮੀ ਪੂਰਬ 'ਚ ਪੁਗੋਡਾ ਸ਼ਹਿਰ 'ਚ ਮੈਜਿਸਟ੍ਰੈਟ ਅਦਾਲਤ ਪਿਛੇ ਖਾਲੀ ਜ਼ਮੀਨ 'ਚ ਵੀਰਵਾਰ ਨੂੰ ਇਕ ਧਮਾਕਾ ਹੋਇਆ ਹੈ। ਪੁਲਿਸ ਨੂੰ ਸਥਾਨਕ ਨਿਵਾਸੀਆਂ ਨੇ ਇਸ ਬਲਾਸਟ ਦੀ ਜਾਣਕਾਰੀ ਦਿੱਤੀ ਹੈ। ਪੁਲਿਸ ਨੇ ਕਿਹਾ ਕਿ ਉਹ ਧਮਾਕੇ ਦੀ ਜਾਂਚ ਕਰ ਰਹੇ ਹਨ। ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਈਸਟਰ ਦੇ ਮੌਕੇ 'ਤੇ ਤਿੰਨ ਚਰਚਾ ਅਤੇ ਤਿੰਨ ਹੋਟਲਾਂ 'ਚ ਹੋਏ ਆਤਮਘਾਤੀ ਧਮਾਕਿਆਂ 'ਚ ਹੁਣ ਤਕ 359 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਜਦਕਿ 500 ਤੋਂ ਜ਼ਿਆਦਾ ਲੋਕ ਜ਼ਖ਼ਮੀ ਹੋ ਗਏ ਹਨ। ਮ੍ਰਿਤਕਾਂ 'ਚ 10 ਭਾਰਤੀਆਂ ਸਮੇਤ 34 ਵਿਦੇਸ਼ੀ ਹਨ। ਪੁਲਿਸ ਨੇ ਹੁਣ ਤਕ ਇਸ ਮਾਮਲੇ 'ਚ 60 ਸ਼ੱਕੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।