ਕੋਲੰਬੋ, (ਏਜੰਸੀ) : ਸ੍ਰੀਲੰਕਾ ਦੀ ਰਾਜਧਾਨੀ ਕੋਲੰਬੋ ਵਿਚ ਚਿੜੀਆਘਰ ਲਾਗੇ ਪੈਂਦੇ ਹੋਟਲ ਵਿਚ ਇਕ ਹੋਰ ਧਮਾਕਾ ਹੋ ਗਿਆ ਜਿਸ ਵਿਚ ਦੋ ਜਣਿਆਂ ਦੀ ਮੌਤ ਹੋ ਗਈ। ਇਹ ਧਮਾਕਾ ਦਖਣੀ ਉਪਨਗਰ ਦੇ ਹੋਟਲ ਵਿਚ ਹੋਇਆ। ਪੁਲਿਸ ਨੇ ਦਸਿਆ ਕਿ ਐਤਵਾਰ ਨੂੰ ਈਸਟਰ ਵਾਲੇ ਦਿਨ ਗਿਰਜਾਘਰਾਂ ਅਤੇ ਲਗਜ਼ਰੀ ਹੋਟਲਾਂ ਵਿਚ ਹੋਏ ਸਿਲਸਿਲੇਵਾਰ ਛੇ ਧਮਾਕਿਆਂ ਦੇ ਕੁੱਝ ਘੰਟਿਆਂ ਮਗਰੋਂ ਸਤਵਾਂ ਧਮਾਕਾ ਹੋਇਆ ਹੈ। ਪੁਲਿਸ ਦੇ ਬੁਲਾਰੇ ਰੂਵਨ ਗੁਨਾਸੇਖਰਾ ਨੇ ਦਸਿਆ ਕਿ ਸਤਵਾਂ ਧਮਾਕਾ ਚਿੜੀਆਘਰ ਲਾਗਲੇ ਹੋਟਲ ਵਿਚ ਹੋਇਆ। ਜ਼ਖ਼ਮੀਆਂ ਨੂੰ ਕੋਲੰਬੋ ਦੇ ਸਾਊਥ ਹਸਪਤਾਲ ਵਿਚ ਦਾਖ਼ਲ ਕਰਾਇਆ ਗਿਆ ਹੈ। ਧਮਾਕੇ ਮਗਰੋਂ ਚਿੜੀਆਘਰ ਨੂੰ ਬੰਦ ਕਰ ਦਿਤਾ ਗਿਆ।