ਵਾਸ਼ਿੰਗਟਨ : ਅਮਰੀਕੀ ਰਾਸ਼ਟਰਪਤੀ ਨੇ ਕਾਂਗਰਸ ਦੇ ਸੰਯੁਕਤ ਸੈਸ਼ਨ ਵਿਚ ਦਿੱਤੇ ਆਪਣੇ ਪਹਿਲੇ ਸੰਬੋਧਨ ਵਿਚ ਕਈ ਖੁਲਾਸੇ ਕੀਤੇ ਜਿਸ ਤਹਿਤ ਅਮੀਰਾਂ ਤੋਂ ਵਧ ਟੈਕਸ ਵਸੂਲ ਕਰ ਕੇ ਬੱਚਿਆਂ ਦੀ ਸਿੱਖਿਆ ਅਤੇ ਗਰੀਬ-ਮੱਧ ਵਰਗ ਦੇ ਪਰਿਵਾਰਾਂ 'ਤੇ ਖਰਚ ਕੀਤੇ ਜਾਣਗੇ। ਬਾਈਡੇਨ ਨੇ ਬਾਲ ਵਿਕਾਸ ਅਤੇ ਸਿੱਖਿਆ ਲਈ 130 ਕਰੋੜ ਲੱਖ ਕਰੋੜ ਰੁਪਏ ਦੇ ਨਵੇਂ ਪਲਾਨ ਦਾ ਐਲਾਨ ਕੀਤਾ ਹੈ। ਇਸ ਰਕਮ ਦੀ ਵਸੂਲੀ ਅਮੀਰ ਨਾਗਰਿਕਾਂ ਤੋਂ ਟੈਕਸ ਵਸੂਲ ਕਰ ਕੇ ਕੀਤੀ ਜਾਵੇਗੀ।
ਇਸ ਨੂੰ 'ਅਮਰੀਕਨ ਫੈਮਿਲੀ ਐਡ ਪਲਾਨ' ਦਾ ਨਾਂ ਦਿੱਤਾ ਗਿਆ ਹੈ। ਇਸ ਨਾਲ ਇਕ ਦਿਨ ਪਹਿਲਾਂ ਬਾਈਡੇਨ ਨੇ ਸਾਲਾਨਾ 75 ਲੱਖ ਰੁਪਏ ਤੋਂ ਉਪਰ ਆਮਦਨ ਵਾਲਿਆਂ 'ਤੇ ਲੱਗਣ ਵਾਲਾ ਟੈਕਸ 20 ਫੀਸਦੀ ਤੋਂ ਵਧਾ ਕੇ 39.6 ਫੀਸਦੀ ਕਰਨ ਦਾ ਐਲਾਨ ਕੀਤਾ ਸੀ। ਬਾਈਡੇਨ ਦੀ ਤਿਆਰੀ ਇੰਫ੍ਰਾਸਟ੍ਰਕਚਰ 'ਤੇ 165 ਲੱਖ ਕਰੋੜ ਰੁਪਏ ਅਤੇ ਕੋਰੋਨਾ ਸਹਾਇਤਾ ਫੰਡ ਵਜੋਂ 142.5 ਲੱਖ ਕਰੋੜ ਰੁਪਏ ਖਰਚ ਕਰਨ ਦੀ ਵੀ ਹੈ ਪਰ ਇਹ ਦੋਵੇਂ ਪ੍ਰਸਤਾਵ ਫਿਲਹਾਲ ਅਜੇ ਪੈਂਡਿੰਗ ਹਨ।