ਕਰੂੜਤਾ : ਦੋ ਬੱਚੀਆਂ ਨਾਲ ਬਲਾਤਕਾਰ ਕਰਨ ਮਗਰੋਂ ਪਾਪੀਆਂ ਨੇ ਕੀਤਾ ਇਹ ਘਿਨੌਣਾ ਕੰਮ 👎

ਬੈਤੂਲ ’ਚ ਨਾਬਾਲਗ਼ ਨੂੰ ਬਲਾਤਕਾਰ ਕਰਨ ਤੋਂ ਬਾਅਦ ਜ਼ਿੰਦਾ ਦਫ਼ਨਾਇਆ

 ਇੰਦੌਰ ਵਿਚ ਵਿਦਿਆਰਥਣ ਨੂੰ ਬਲਾਤਕਾਰ ਤੋਂ ਬਾਅਦ ਬੋਰੀ ’ਚ ਬੰਨ੍ਹ ਕੇ ਪਟੜੀ ’ਤੇ ਸੁੱਟਿਆ

ਭੋਪਾਲ : ਮੱਧ ਪ੍ਰਦੇਸ਼ ਵਿਚ ਦੋ ਧੀਆਂ ਨਾਲ ਬਲਾਤਕਾਰ ਦੀਆਂ ਘਿਨਾਉਣੀਆਂ ਘਟਨਾਵਾਂ ਨਾਲ ਔਰਤਾਂ ਦੀ ਸੁਰੱਖਿਆ ਨੂੰ ਲੈ ਕੇ ਕਈ ਤਰ੍ਹਾਂ ਦੇ ਸਵਾਲ ਖੜੇ ਹੋਏ ਹਨ। ਬੈਤੂਲ ਜ਼ਿਲ੍ਹੇ ਵਿਚ ਇਕ 14 ਸਾਲਾ ਨਾਬਾਲਗ਼ ਨਾਲ ਬਲਾਤਕਾਰ ਕਰਨ ਤੋਂ ਬਾਅਦ ਦੋਸ਼ੀ ਨੇ ਮਾਸੂਮ ਲੜਕੀ ਨੂੰ ਜ਼ਿੰਦਾ ਦਫਨਾ ਦਿਤਾ, ਪਰ ਲੜਕੀ ਦੀ ਕਿਸਮਤ ਚੰਗੀ ਸੀ ਤੇ ਉਹ ਬਚ ਗਈ ਅਤੇ ਦੋਸ਼ੀ ਨੂੰ ਗਿ੍ਰਫ਼ਤਾਰ ਕਰ ਲਿਆ ਗਿਆ।
ਜਾਣਕਾਰੀ ਅਨੁਸਾਰ ਇੰਦੌਰ ਵਿਚ ਇਕ ਵਿਦਿਆਰਥਣ ਨੂੰ ਕੋਚਿੰਗ ਜਾਂਦੇ ਸਮੇਂ ਉਸ ਨੂੰ ਅਗ਼ਵਾ ਕਰ ਲਿਆ ਅਤੇ ਫਿਰ ਉਸ ਨਾਲ ਕਥਿਤ ਤੌਰ ’ਤੇ ਸਮੂਹਿਕ ਬਲਾਤਕਾਰ ਕੀਤਾ ਗਿਆ। ਦੋਸ਼ੀ ਨੇ ਪੀੜਤਾ ’ਤੇ ਚਾਕੂ ਨਾਲ ਹਮਲਾ ਕੀਤਾ, ਉਸ ਨੂੰ ਇਕ ਬੋਰੀ ਵਿਚ ਬੰਦ ਕਰ ਕੇ ਰੇਲਵੇ ਟਰੈਕ ’ਤੇ ਸੁੱਟ ਦਿਤਾ।
ਬੈਤੂਲ ਵਿਚ ਪੀੜਤਾ ਫਾਰਮ ’ਤੇ ਪੰਪ ਲਗਾਉਣ ਗਿਆ ਸੀ। ਜਦੋਂ ਉਹ ਸ਼ਾਮ ਤਕ ਵਾਪਸ ਨਹੀਂ ਪਰਤੀ ਤਾਂ ਮਾਪਿਆਂ ਨੇ ਉਸ ਦੀ ਭਾਲ ਸ਼ੁਰੂ ਕਰ ਦਿਤੀ। ਜਦੋਂ ਉਹ ਲੋਕ ਇਕ ਝਗੜੇ ਵੱਲ ਚਲੇ ਗਏ, ਤਾਂ ਉਥੇ ਲੜਕੀ ਦੇ ਰੋਣ ਦੀ ਆਵਾਜ਼ ਸੁਣਾਈ ਦਿਤੀ। ਦੋਸ਼ੀ ਨੇ ਉਸ ਨੂੰ ਪੱਥਰਾਂ ਅਤੇ ਕੰਡਿਆਂ ਵਿਚਕਾਰ ਦਫ਼ਨਾ ਦਿਤਾ।
ਦੂਜੀ ਘਟਨਾ ਇੰਦੌਰ ਦੇ ਭਾਗਾਰੀਥਪੁਰਾ ਖੇਤਰ ਵਿਚ ਸਥਿਤ ਰੇਲਵੇ ਟਰੈਕ ਦੇ ਨੇੜੇ ਦੀ ਹੈ। ਜਿਥੇ ਵਿਦਿਆਰਥਣ ਨੇ ਪੁਲਿਸ ਨੂੰ ਦਸਿਆ ਕਿ ਉਹ ਪਟਨੀਪੁਰਾ ਖੇਤਰ ਵਿਚ ਕੋਚਿੰਗ ਲਈ ਜਾ ਰਹੀ ਸੀ ਤੇ  ਮੰਗਲਵਾਰ ਸ਼ਾਮ ਨੂੰ ਕੋਚਿੰਗ ਤੋਂ ਪਰਤਦਿਆਂ ਉਸ ਨੂੰ ਇਕ ਲੜਕਾ ਮਿਲਿਆ ਅਤੇ ਉਸ ਦੇ ਨਾਲ ਇਕ ਹੋਰ ਨੌਜਵਾਨ ਸੀ।
ਲੜਕੀ ਦਾ ਦੋਸ਼ ਹੈ ਕਿ ਦੋਵਾਂ ਨੇ  ਗੱਲਬਾਤ ਦੌਰਾਨ ਉਸ ਨੂੰ ਕੁੱਝ ਸੁੰਘਾ ਦਿਤਾ ਤੇ ਫਿਰ ਫਲੈਟ ਵਿਚ ਲੈ ਗਏ ਅਤੇ ਉਸ ਨਾਲ ਬਲਾਤਕਾਰ ਕੀਤਾ। ਜਦੋਂ ਲੜਕੀ ਨੇ ਪੁਲਿਸ ਨੂੰ ਦੱਸਣ ਦੀ ਧਮਕੀ ਦਿਤੀ ਤਾਂ ਉਸ ਤੇ ਚਾਕੂ ਨਾਲ ਹਮਲਾ ਕੀਤਾ ਗਿਆ ਅਤੇ ਬੋਰੀ ਵਿਚ ਬੰਦ ਕਰ ਕੇ ਰੇਲਵੇ ਟਰੈਕ’ ਤੇ ਸੁੱਟ ਦਿਤਾ ਗਿਆ।