ਫਿਰੋਜ਼ਪੁਰ : ਨੌਕਰੀ ਲਗਵਾਉਣ ਦਾ ਲਾਰਾ ਲਾ ਕੇ ਨਾਬਾਲਗ ਲੜਕੀ ਨੂੰ ਆਪਣੇ ਕੋਲ ਬੁਲਾ ਕੇ ਉਸ ਨਾਲ ਜਿਸਮਾਨੀ ਸ਼ੋਸ਼ਣ ਕਰਨ ਵਾਲੇ ਦੋਸ਼ੀ ਵਿਰੁੱਧ ਥਾਣਾ ਸਦਰ ਪੁਲਸ ਨੇ ਪਰਚਾ ਦਰਜ ਕੀਤਾ ਹੈ।
ਇਹ ਵੀ ਪੜ੍ਹੋ : ਰੋਜ਼ੀ ਰੋਟੀ ਕਮਾਉਣ ਗਏ ਨੌਜਵਾਨ ਦੀ ਬਹਿਰੀਨ ‘ਚ ਮੌਤ
SI ਅਮਨਦੀਪ ਕੌਰ ਅਨੁਸਾਰ ਪੀੜਤ 17 ਸਾਲ ਦੀ ਲੜਕੀ ਨੇ ਬਿਆਨ ਦਿੱਤਾ ਕਿ ਅਮਿਤ ਕੁਮਾਰ ਉਰਫ਼ ਮਨੁ ਲੁਧਿਆਣਾ ਦਾ ਰਹਿਣ ਵਾਲਾ ਹੈ ਜਿਸ ਨਾਲ ਉਸ ਦੀ ਜਾਣ-ਪਛਾਣ ਹੈ ਅਤੇ ਅਮਿਤ ਕੁਮਾਰ ਨੇ ਕੁਝ ਮਹੀਨੇ ਪਹਿਲਾਂ ਉਸ ਨੂੰ ਲੁਧਿਆਣਾ ਕਿਸੇ ਦੁਕਾਨ 'ਤੇ ਨੌਕਰੀ 'ਤੇ ਰਖਵਾਇਆ ਸੀ।
ਇਹ ਵੀ ਪੜ੍ਹੋ : ਘਰ 'ਚੋਂ ਇੱਕੋ ਪਰਿਵਾਰ ਦੇ ਛੇ ਮੈਂਬਰਾਂ ਦੀਆਂ ਲਾਸ਼ਾਂ ਮਿਲੀਆਂ
ਇਸ ਤੋਂ ਬਾਅਦ ਬੀਮਾਰ ਹੋਣ ਕਾਰਣ ਉਹ ਨੌਕਰੀ ਛੱਡ ਆਈ ਸੀ ਅਤੇ ਹੁਣ ਠੀਕ ਹੋਣ ਮਗਰੋਂ ਉਸ ਨੇ ਦੁਬਾਰਾ ਨੌਕਰੀ ਲੱਗਣ ਲਈ ਅਮਿਤ ਕੁਮਾਰ ਨਾਲ ਸੰਪਰਕ ਕੀਤਾ, ਜਿਸ ਨੇ ਉਸ ਨੂੰ ਫਿਰੋਜ਼ਪੁਰ ਬੁਲਾਇਆ। ਕੰਮ ਦੁਆਉਣ ਦੇ ਬਹਾਨੇ ਉਹ ਉਸ ਨੂੰ ਕਾਰ 'ਚ ਬਿਠਾ ਕੇ ਹੁਸੈਨੀਵਾਲਾ ਰੋਡ 'ਤੇ ਲੈ ਗਿਆ ਜਿੱਥੇ ਦੋਸ਼ੀ ਨੇ ਸੁਨਸਾਨ ਜਗ੍ਹਾ 'ਤੇ ਜਾ ਕੇ ਉਸ ਨਾਲ ਜ਼ਬਰਦਸਤੀ ਕੀਤੀ। SI ਨੇ ਦੱਸਿਆ ਕਿ ਦੋਸ਼ੀ ਵਿਰੁੱਧ ਪਰਚਾ ਦਰਜ ਕਰਨ ਤੋਂ ਬਾਅਦ ਉਸ ਦੀ ਭਾਲ ਕੀਤੀ ਜਾ ਰਹੀ ਹੈ।