ਔਕਲੈਂਡ : ਕੋਰੋਨਾ ਵਾਇਰਸ ਜਿਸ ਦਾ ਅਸਲ ਨਾਮ ਕੋਵਿਡ-19 ਹੈ ਨੇ ਪੂਰੀ ਦੁਨੀਆਂ ਦੇ ਕਾਰੋਬਾਰਾਂ ਅਤੇ ਹਰ ਚੀਜ਼ ਨੂੰ ਪ੍ਰਭਾਵਤ ਕੀਤਾ ਹੈ। ਇਸੇ ਲੜੀ ਵਿਚ ਕਈਆਂ ਨੇ ਵਿਦੇਸ਼ ਜਾਣ ਲਈ ਵੀਜ਼ਾ ਅਰਜ਼ੀਆਂ ਦਿਤੀਆਂ ਸਨ ਪਰ ਉਨ੍ਹਾਂ ਨੂੰ ਕੋਰੋਨਾ ਕਾਰਨ ਵੀਜ਼ਾ ਨਹੀਂ ਮਿਲਿਆ, ਅਜਿਹੇ ਅਰਜ਼ੀ ਦਾਤਾਵਾਂ ਨੂੰ ਨਾ ਤਾਂ ਵੀਜ਼ਾ ਮਿਲਿਆ ਅਤੇ ਵੀਜ਼ਾ ਫ਼ੀਸ ਵੀ ਜਾਂਦੀ ਰਹੀ। ਇਸੇ ਲੜੀ ਤਹਿਤ ਨਿਊਜ਼ੀਲੈਂਡ ਇਮੀਗ੍ਰੇਸ਼ਨ ਨੇ 50, 000 ਅਸਥਾਈ ਵੀਜ਼ਾ ਅਰਜ਼ੀਆਂ ਕੋਰੋਨਾ ਕਾਰਨ ਰੱਦ ਕਰ ਦਿੱਤੀਆਂ ਸਨ। ਇਨ੍ਹਾਂ ਵਿਚ ਵਿਜ਼ਟਰ ਵੀਜ਼ਾ ਅਰਜ਼ੀਆਂ ਜ਼ਿਆਦਾ ਹਨ। ਸਰਕਾਰ ਨੇ ਹੁਣ ਇਹ ਐਲਾਨ ਕਰ ਦਿੱਤਾ ਹੈ ਕਿ ਉਹ ਸਾਰਿਆਂ ਅਰਜ਼ੀ ਦੇਣ ਵਾਲਿਆਂ ਤੋਂ ਲਈਆਂ ਫ਼ੀਸਾਂ ਮੋੜ ਦੇਵੇਗੀ।