ਮਾਸਕੋ : ਰੂਸ ਦੇ ਰਾਸ਼ਟਰਪਤੀ ਵਲਾਦਿਮੀਰ ਪੁਤਿਨ ਨੇ ਕਿਹਾ ਕਿ ਜਿਵੇਂ AK-47 ਸਟੀਕਤਾ ਨਾਲ ਕੰਮ ਕਰਦੀ ਹੈ ਊਸੇ ਤਰ੍ਹਾਂ ਰੂਸ ਦੀ ਕੋਵਿਡ-19 ਵੈਕਸੀਨਾਂ ਭਰੋਸੇਯੋਗ ਹਨ। ਇਕ ਨਿਊਜ਼ ਏਜੰਸੀ ਮੁਤਾਬਕ ਰੂਸ ਨੇ ਹੁਣ ਤੱਕ ਕੋਰਨਾ ਵਾਇਰਸ ਦੀਆਂ ਚਾਰ ਵੈਕਸੀਨਾਂ ਨੂੰ ਮਨਜ਼ੂਰੀ ਦੇ ਦਿੱਤੀਆਂ ਹਨ। ਏਜੰਸੀ ਨੇ ਪੁਤਿਨ ਦੇ ਹਵਾਲੇ ਤੋਂ ਲਿਖਿਆ ਕਿ ਉਹ ਏ.ਕੇ.-47 ਜਿੰਨੀ ਭਰੋਸੇਮੰਦ ਹੈ। ਇਹ ਅਸੀਂ ਨਹੀਂ, ਇਕ ਯੂਰਪੀਨ ਸਪੈਸ਼ਲਿਸਟ ਨੇ ਕਿਹਾ ਹੈ ਅਤੇ ਮੈਨੂੰ ਲੱਗਦਾ ਹੈ ਕਿ ਉਹ ਪੂਰੀ ਤਰ੍ਹਾਂ ਠੀਕ ਹੈ। ਏ.ਕੇ.-47 ਦੁਨੀਆ ‘ਚ ਸਭ ਤੋਂ ਵਧੇਰੇ ਇਸਤੇਮਾਲ ਕੀਤੇ ਜਾਣ ਵਾਲੇ ਹਥਿਆਰਾਂ ‘ਚੋਂ ਇਕ ਹੈ। ਇਕ ਵੀਡੀਓ ਕਾਨਫਰੰਸ ਦੌਰਾਨ ਉਪ ਪ੍ਰਧਾਨ ਮੰਤਰੀ ਤਾਤਯਾਨਾ ਗੋਲੀਕੋਵਾ ਨੇ ਪੁਤਿਨ ਦੇ ਹਵਾਲੇ ਤੋਂ ਦੱਸਿਆ ਕਿ ਸਾਡਾ ਮੈਡੀਕੇਸ਼ਨ ਅਜਿਹੀ ਤਕਨੀਕ ਅਤੇ ਪਲੇਟਫਾਰਮ ‘ਤੇ ਆਧਾਰਿਤ ਹੈ ਜਿਸ ਨੂੰ ਦਹਾਕਿਆਂ ਤੋਂ ਇਸਤੇਮਾਲ ਕੀਤਾ ਜਾ ਰਿਹਾ ਹੈ।