ਮੋਗਾ ਵਿਚ ਪਤਨੀ ਦਾ ਗੁੱਸਾ ਗੁਆਂਢਣ ਦਾ ਕਤਲ ਕਰ ਕੇ ਕੱਢਿਆ

ਮੋਗਾ (ਏਜੰਸੀਆਂ) : ਮੋਗਾ ਵਿਚ ਹੱਤਿਆ ਦੀ ਇੱਕ ਬੇਖੌਫ ਵਾਰਦਾਤ ਸਾਹਮਣੇ ਆਈ ਹੈ। ਦੱਸਿਆ ਜਾਂਦਾ ਹੈ ਕਿ Îਇੱਕ ਨੌਜਵਾਨ ਦੀ ਪਤਨੀ ਕਿਸੇ ਅਣਬਣ ਦੇ ਚਲਦਿਆਂ ਉਸ ਨੂੰ ਛੱਡ ਕੇ ਪੇਕੇ ਚਲੀ ਗਈ। ਇਸ ਤੋਂ ਬਾਅਦ ਉਸ ਨੇ 60 ਸਾਲਾ ਬਜ਼ੁਰਗ ਗੁਆਂਢਣ ਦੀ ਹੱਤਿਆ ਕਰ ਦਿੱਤੀ।
ਉਸ ਨੂੰ ਸ਼ੱਕ ਸੀ ਕਿ ਇਸੇ ਔਰਤ ਨੇ ਉਸ ਦੀ ਪਤਨੀ ਨੂੰ ਉਸ ਦੇ ਖ਼ਿਲਾਫ਼ ਭੜਕਾਇਆ ਹੈ। ਸ਼ਰਾਬ ਦੇ ਨਸ਼ੇ ਵਿਚ ਉਸ ਨੂੰ ਕੁਹਾੜੀ ਨਾਲ ਵੱਢ ਦਿੱਤਾ। ਇਸ ਤੋਂ ਬਾਅਦ ਔਰਤ ਨੂੰ ਹਸਪਤਾਲ ਪਹੁੰਚਾਇਆ, ਜਿੱਥੇ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ। ਇਸ ਮਾਮਲੇ ਵਿਚ ਪੁਲਿਸ ਨੇ ਕੇਸ ਦਰਜ ਕਰਕੇ ਨੌਜਵਾਨ ਨੂੰ ਕਾਬੂ ਵੀ ਕਰ ਲਿਆ।
ਪੁਲਿਸ ਨੂੰ ਦਿੱਤੇ ਬਿਆਨ ਵਿਚ ਪਿੰਡ ਰੌਲੀ ਦੇ 37 ਸਾਲਾ ਸੁਖਜੀਤ ਸਿੰਘ ਨੇ ਕਿਹਾ ਕਿ ਉਹ ਪਿੰਡ ਵਿਚ ਫੋਟੋਸਟੇਟ ਦੀ ਦੁਕਾਨ ਚਲਾਉਂਦਾ ਹੈ। ਸ਼ਨਿੱਚਰਵਾਰ ਨੂੰ ਤਬੀਅਤ ਖਰਾਬ ਹੋ ਜਾਣ ਦੇ ਚਲਦਿਆਂ ਉਹ ਘਰ ’ਤੇ ਸੀ। 14 ਸਾਲ ਦੀ ਬੇਟੀ ਜੋਬਨਪ੍ਰੀਤ ਕੌਰ ਅਤੇ 60 ਸਾਲ ਦੀ ਮਾਂ ਕਰਨੈਲ ਕੌਰ ਉਰਫ ਮਨਜੀਤ ਕੌਰ ਵੀ ਨਾਲ ਹੀ ਮੌਜੂਦ ਸੀ। ਸ਼ਾਮ ਨੂੰ ਕਰੀਬ ਪੌਣੇ ਛੇ ਵਜੇ ਗੁਆਂਢੀ ਪ੍ਰੇਮ ਸਿੰਘ ਹੱਥ ਵਿਚ ਕੁਹਾੜੀ ਲੈ ਕੇ ਉਨ੍ਹਾਂ ਦੇ ਘਰ ਆਇਆ । ਘਰ ਦੇ ਕੋਲ ਮੌਜੂਦ ਉਸ ਦੀ ਮਾਂ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ ਅਤੇ ਪਲਾਂ ਵਿਚ ਹੀ ਉਸ ਦੀ ਗਰਦਨ ’ਤੇ ਕੁਹਾੜੀ ਚਲਾ ਦਿੱਤੀ।
ਅੰਦਰ ਕਮਰੇ ਵਿਚ ਮੌਜੂਦ ਸੁਖਜੀਤ ਅਪਣੀ ਧੀ ਦੇ ਨਾਲ ਭੱਜ ਕੇ ਬਾਹਰ ਆਇਆ ਤਾਂ ਉਸ ਨੇ ਅਪਣੀ ਮਾਂ ਨੂੰ ਲਹੂਲੁਹਾਣ ਹਾਲਤ ਵਿਚ ਜ਼ਮੀਨ ’ਤੇ ਪਏ ਦੇਖਿਆ। ਰੌਲਾ ਪਾਉਣ ’ਤੇ ਪ੍ਰੇਮ ਨੇ ਉਸ ਦੇ ਉਪਰ ਵੀ ਹਮਲਾ ਕੀਤਾ, ਲੇਕਿਨ ਉਹ ਬਚ ਗਿਆ ਤੇ ਮੌਕਾ ਪਾ ਕੇ ਪੇ੍ਰਮ ਉਥੋਂ ਭੱਜ ਗਿਆ।
ਘਟਨਾ ਦਾ ਪਤਾ ਚਲਣ ਤੇ ਗੁਆਂਢੀ ਹਰਜੀਤ ਸਿੰਘ ਅਤੇ ਸਤਨਾਮ ਸਿੰਘ ਨੇ ਸੁਖਜੀਤ ਦੀ ਜ਼ਖ਼ਮੀ ਮਾਂ ਨੂੰ ਤੁਰੰਤ ਗੱਡੀ ਵਿਚ ਪਾ ਕੇ ਮੈਡੀਸਿਟੀ ਹਸਪਤਾਲ ਪਹੁੰਚਾਇਆ। ਉਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਹਸਪਤਾਲ ਪ੍ਰਸ਼ਾਸਨ ਅਤੇ ਘਰ ਵਾਲਿਆਂ ਦੀ ਸੂਚਨਾ ’ਤੇ ਥਾਣਾ ਮਹਿਣਾ ਦੀ ਪੁਲਿਸ ਨੇ ਮਾਮਲੇ ਦੀ ਜਾਂਚ ਪੜਤਾਲ ਸ਼ੁਰੂ ਕੀਤੀ। ਇਸ ਬਾਰੇ ਵਿਚ ਐਸਐਚਓ ਨੇ ਦੱਸਿਆ ਕਿ ਪੁਲਿਸ ਨੇ ਘੰਟੇ ਅੰਦਰ ਹੀ ਪ੍ਰੇਮ ਸਿੰਘ ਨੂੰ ਕੁਹਾੜੀ ਸਣੇ ਗ੍ਰਿਫਤਾਰ ਕਰ ਲਿਆ।
ਰੋਜ਼ਾਨਾ ਦੇ ਝਗੜੇ ਤੋਂ ਪ੍ਰੇਸ਼ਾਨ ਹੋ ਕੇ ਔਰਤ ਅਪਣੇ ਪੇਕੇ ਘਰ ਚਲੀ ਗਈ ਤਾਂ ਉਸ ਦੇ ਪਤੀ ਪ੍ਰੇਮ ਨੇ ਸ਼ਰਾਬ ਪੀਣੀ ਸ਼ੁਰੂ ਕਰ ਦਿੱਤੀ। ਨਸ਼ੇ ਦੀ ਹਾਲਤ ਵਿਚ ਹੀ ਉਸ ਨੇ ਬਜ਼ੁਰਗ ਗੁਆਂਢਣ ਕਰਨੈਲ ਕੌਰ ਦੀ ਹੱÎਤਿਆ ਕਰ ਦਿੱਤੀ। ਉਸ ਨੂੰ ਸ਼ੱਕ ਸੀ ਕਿ ਉਸੇ ਦੇ ਉਕਸਾਉਣ ’ਤੇ ਉਸ ਦੀ ਪਤਨੀ ਉਸ ਨੂੰ ਛੱਡ ਕੇ ਗਈ ਹੈ।