ਨਿਊ ਓਰਲਿਅੰਸ (ਏਜੰਸੀਆਂ) : ਅਮਰੀਕਾ ਦੇ ਨਿਊ ਓਰਲਿਅੰਸ ਦੇ ਇੱਕ ਉਪ ਨਗਰ ਸਥਿਤ ਇੱਕ ਦੁਕਾਨ ਵਿਚ ਹੋਈ ਗੋਲੀਬਾਰੀ ਦੌਰਾਨ ਹਮਲਾਵਰ ਸਣੇ ਤਿੰਨ ਵਿਅਕਤੀਆਂ ਦੀ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਦੱਸਿਆ ਕਿ ਹਮਲਾਵਰ ਦੁਕਾਨ ਵਿਚ ਦਾਖ਼ਲ ਹੋਇਆ ਅਤੇ ਉਸ ਨੇ ਦੋ ਵਿਅਕਤੀਆਂ ਨੂੰ ਗੋਲੀ ਮਾਰ ਕੇ ਕਤਲ ਕਰ ਦਿੱਤੀ ਜਿਸ ਦੇ ਜਵਾਬ ਵਿਚ ਕਰਮੀਆ ਅਤੇ ਗਾਹਕਾਂ ਨੇ ਵੀ ਗੋਲੀ ਚਲਾਈ, ਨਤੀਜਨ ਹਮਲਾਵਰ ਢੇਰ ਹੋ ਗਿਆ। ਸ਼ੈਰਿਫ ਲੋਪਿੰਟੋ ਨੇ ਦੱਸਿਆ ਕਿ ਗੋਲੀਬਾਰੀ ਦੀ ਘਟਨਾ ਸ਼ਨਿਚਰਵਾਰ ਨੂੰ ਉਪਨਗਰ ਮੇਤੈਰੀ ਸਥਿਤ ਜੈਫਰਸਨ ਨਾਂ ਦੀ ਅਸਲੇ (ਬੰਦੂਕਾਂ) ਦੀ ਦੁਕਾਨ ਵਿਚ ਹੋਈ। ਸ਼ੈਰਿਫ ਨੇ ਦੱਸਿਆ ਕਿ ਹਮਲਾਵਰ ਨੇ ਦੁਕਾਨ ਦੇ ਅੰਦਰ ਦੋ ਵਿਅਕਤੀਆਂ ’ਤੇ ਹਮਲਾ ਕੀਤਾ ਅਤੇ ਉਸ ਤੋਂ ਬਾਅਦ ਉਥੇ ਮੌਜੂਦ ਹੋਰ ਲੋਕਾਂ ਨੇ ਇਮਾਰਤ ਦੇ ਬਾਹਰ ਤੇ ਅੰਦਰ ਤੋਂ ਬੰਦੂਕਧਾਰੀ ’ਤੇ ਗੋਲੀ ਚਲਾਈ। ਲੋਪਿੰਟੋ ਨੇ ਦੱਸਿਆ ਕਿ ਦੋ ਹੋਰ ਵਿਅਕਤੀਆਂ ਨੂੰ ਵੀ ਗੋਲੀ ਲੱਗੀ, ਜੋ ਹਸਪਤਾਲ ਵਿਚ ਜੇਰੇ ਇਲਾਜ ਹਨ। ਪੁਲਿਸ ਪੂਰੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।