ਹਥੌੜੇ ਨਾਲ ਕੁੱਟ ਕੁੱਟ ਕੇ ਪਤਨੀ ਨੂੰ ਮੌਤ ਦੇ ਘਾਟ ਉਤਾਰਿਆ, ਧੀ ਵੀ ਕੀਤੀ ਜ਼ਖਮੀ 🔨😨

ਲੁਧਿਆਣਾ : ਸ਼ੇਰਪੁਰ ਕਲਾਂ ਇਲਾਕੇ ਵਿਚ ਇਕ ਵਿਅਕਤੀ ਨੇ ਹਥੌੜੇ ਨਾਲ ਆਪਣੀ ਪਤਨੀ ਦੀ ਹੱਤਿਆ ਕਰ ਦਿੱਤੀ। ਜਵਾਨ ਧੀ ਨੂੰ ਵੀ ਅੱਧ ਮਰਾ ਕਰ ਦਿੱਤਾ ਅਤੇ ਫਿਰ ਖੁਦ ਨਹਿਰ ਵਿੱਚ ਛਾਲ ਮਾਰ ਦਿੱਤੀ। ਜ਼ਿਕਰਯੋਗ ਹੈ ਕਿ 21 ਫਰਵਰੀ ਨੂੰ ਬੇਟੀ ਦਾ ਵਿਆਹ ਸੀ, ਜਿਸ ਦੀਆਂ ਤਿਆਰੀਆਂ ਚੱਲ ਰਹੀਆਂ ਸਨ। ਘਟਨਾ ਨੂੰ ਅੰਜਾਮ ਦੇਣ ਦਾ ਕਾਰਨ ਦੱਸਿਆ ਜਾ ਰਿਹਾ ਹੈ ਕਿ ਕਾਰੋਬਾਰੀ ਤਣਾਅ ਵਿਚ ਸੀ ਜਿਸ ਕਾਰਨ ਉਹ ਬਹੁਤ ਪਰੇਸ਼ਾਨ ਸੀ ਕਿ ਧੀ ਦੇ ਵਿਆਹ ਤੋਂ ਬਾਅਦ ਉਹ ਇਕੱਲੇ ਰਹਿ ਜਾਵੇਗਾ। ਮ੍ਰਿਤਕ ਦੀ ਪਛਾਣ ਸਵਰਨ ਕੌਰ ਵਜੋਂ ਹੋਈ ਹੈ। ਦੋਰਾਹਾ ਨਹਿਰ ਵਿੱਚ ਛਾਲ ਮਾਰਨ ਵਾਲਾ ਵਿਅਕਤੀ ਪਿਆਰਾ ਸਿੰਘ ਹੈ ਅਤੇ ਜ਼ਖਮੀ ਧੀ ਰਾਜਦੀਪ ਕੌਰ ਹੈ।

ਪੁਲਿਸ ਅਨੁਸਾਰ ਪਿਆਰਾ ਸਿੰਘ ਨੇ ਆਪਣੀ ਪਤਨੀ ਦੀ ਹੱਤਿਆ ਕਰਨ ਅਤੇ ਧੀ ਨੂੰ ਜ਼ਖਮੀ ਕਰਨ ਤੋਂ ਬਾਅਦ ਘਰ ਨੂੰ ਤਾਲਾ ਲਗਾਉਣ ਤੋਂ ਬਾਅਦ ਉਹ ਮੌਕੇ ਤੋਂ ਫਰਾਰ ਹੋ ਗਿਆ। ਕੁਝ ਸਮੇਂ ਬਾਅਦ ਪਿਆਰਾ ਸਿੰਘ ਆਪਣੇ ਭਤੀਜੇ ਨੂੰ ਕਹਿੰਦਾ ਹੈ ਕਿ ਸਭ ਕੁਝ ਖਤਮ ਹੋ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਘਰ ਦੇ ਬਾਹਰ ਘਰ ਦੀ ਚਾਬੀ ਪੱਥਰ ਹੇਠ ਰੱਖੀ। ਜਿਸਦੇ ਬਾਅਦ ਉਸਨੇ ਦੱਸਿਆ ਕਿ ਉਹ ਖੁਦਕੁਸ਼ੀ ਕਰਨ ਜਾ ਰਿਹਾ ਹੈ। ਇਸ ਸਮੇਂ ਦੌਰਾਨ ਗੁਰਪ੍ਰੀਤ ਨੇ ਘਰ ਪਹੁੰਚਸ ਪੁਲਿਸ ਨੂੰ ਸੂਚਿਤ ਕੀਤਾ।

ਜਦੋਂ ਪੁਲਿਸ ਨੇ ਘਰ ਦੇ ਅੰਦਰ ਤਾਲਾ ਵੇਖਿਆ ਤਾਂ ਪਿਆਰੇ ਸਿੰਘ ਦੀ ਪਤਨੀ ਸਵਰਨ ਕੌਰ ਦੀ ਮੌਤ ਹੋ ਗਈ। ਉਸੇ ਸਮੇਂ, ਉਸਦੀ ਚਚੇਰੀ ਭੈਣ ਰਾਜਦੀਪ ਕੌਰ ਖੂਨ ਨਾਲ ਲੱਥ ਪਥ ਅਧਮਰੀ ਹਾਲਾਤ 'ਚ ਸੀ। ਗੁਰਪ੍ਰੀਤ ਨੇ ਤੁਰੰਤ ਰਾਜਦੀਪ ਨੂੰ ਫੋਰਟਿਸ ਹਸਪਤਾਲ ਪਹੁੰਚਾਇਆ ਅਤੇ ਇਸ ਸਮੇਂ ਉਹ ਖ਼ਤਰੇ ਤੋਂ ਬਾਹਰ ਹੈ। ਗੁਰਪ੍ਰੀਤ ਨੇ ਇਸ ਦੀ ਖ਼ਬਰ ਪੁਲਿਸ ਨੂੰ ਦਿੱਤੀ। ਮਾਮਲੇ ਦੀ ਸੂਚਨਾ ਮਿਲਦਿਆਂ ਹੀ ਮੋਤੀ ਨਗਰ ਥਾਣੇ ਦੀ ਪੁਲਿਸ, ਏਸੀਪੀ ਦਵਿੰਦਰ ਚੌਧਰੀ ਮੌਕੇ 'ਤੇ ਪਹੁੰਚ ਗਈ।

ਫੋਰੈਂਸਿਕ ਟੀਮ ਵੀ ਮੌਕੇ 'ਤੇ ਪਹੁੰਚ ਗਈ, ਜਿਸ ਨੇ ਔਰਤ ਦੀ ਲਾਸ਼ ਨੇੜੇ ਖੂਨ ਨਾਲ ਭਿੱਜੇ ਇਕ ਹਥੌੜੇ ਬਰਾਮਦ ਕੀਤਾਂ ਹੈ ਦੋਰਾਹਾ ਨਹਿਰ ਦੇ ਕਿਨਾਰੇ ਪਿਆਰਾ ਸਿੰਘ ਦਾ ਸਕੂਟਰ ਅਤੇ ਮੋਬਾਈਲ ਮਿਲਿਆ ਸੀ, ਪਰ ਉਸ ਦਾ ਸੁਰਾਗ ਪਤਾ ਨਹੀਂ ਲੱਗ ਸਕਿਆ। ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਜਾਂਚ ਜਾਰੀ ਹੈ।