ਇਸਲਾਮਾਬਾਦ : ਪਾਕਿਸਤਾਨ ਦੀ ਫੌਜ ਨੇ ਐਤਵਾਰ ਨੂੰ ਦਾਅਵਾ ਕੀਤਾ ਕਿ ਪਾਕਿਸਤਾਨੀ ਕਬਜ਼ੇ ਵਾਲੇ ਕਸ਼ਮੀਰ ਦੇ ਹਾਟਸਪ੍ਰਿੰਗ ਤੇ ਕੋਟ ਕੋਟੇਰਾ ਸੈਕਟਰ 'ਚ ਕੰਟਰੋਲ ਲਾਈਨ ਨੇੜੇ ਭਾਰਤੀ ਗੋਲੀਬਾਰੀ 'ਚ ਇਕ ਨਾਬਾਲਗ ਸਣੇ ਦੋ ਲੋਕਾਂ ਦੀ ਮੌਤ ਹੋ ਗਈ ਹੈ। ਫੌਜ ਨੇ ਬਿਆਨ ਜਾਰੀ ਕਰਕੇ ਦਾਅਵਾ ਕੀਤਾ ਕਿ ਹਾਟਸਪ੍ਰਿੰਗ ਤੇ ਕੋਟ ਕੋਟੇਰਾ ਸੈਕਟਰ 'ਚ ਭਾਰਤੀ ਫੌਜ ਨੇ ਬਿਨਾਂ ਕਿਸੇ ਉਕਸਾਵੇ ਦੇ ਗੋਲੀਬਾਰੀ ਕੀਤੀ। ਗੋਲੀਬਾਰੀ 'ਚ 45 ਸਾਲਾ ਔਰਤ ਤੇ 12 ਸਾਲਾ ਲੜਕੇ ਦੀ ਮੌਤ ਹੋ ਗਈ ਹੈ ਜਦਕਿ ਇਕ ਹੋਰ ਔਰਤ ਇਸ ਦੌਰਾਨ ਜ਼ਖਮੀ ਹੋ ਗਈ। ਬਿਆਨ 'ਚ ਕਿਹਾ ਗਿਆ ਹੈ ਕਿ ਪਾਕਿਸਤਾਨ ਦੀ ਫੌਜ ਨੇ ਪ੍ਰਭਾਵੀ ਜਵਾਬ ਦਿੱਤਾ ਤੇ ਜਿਨ੍ਹਾਂ ਪੋਸਟਾਂ ਤੋਂ ਗੋਲੀਬਾਰੀ ਹੋਈ ਉਨ੍ਹਾਂ ਨੂੰ ਨਿਸ਼ਾਨਾ ਬਣਾਇਆ।