ਦਿੱਲੀ ਦਾ ਕਿਰਸਾਨੀ ਸੰਘਰਸ਼ ਪਿੰਡਾਂ ਦੀ ਹੋਂਦ ਅਤੇ ਖੇਤੀ ਲਈ ਹੈ : ਸਰਪੰਚ
ਲਹਿਰਾਗਾਗਾ : ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਵੱਲੋਂ ਲਗਾਤਾਰ ਵਿਰੋਧ ਜਾਰੀ ਹੈ ਅਤੇ ਇਸੇ ਦੇ ਮੱਦੇਨਜ਼ਰ ਆਉਣ ਵਾਲੀ 26 ਨੂੰ ਦਿੱਲੀ ਵਿਖੇ ਟਰੈਕਟਰ ਮਾਰਚ ਵੀ ਕੱਢਿਆ ਜਾ ਰਿਹਾ ਹੈ। ਪੰਜਾਬ ਵਿੱਚ ਪੰਚਾਇਤਾਂ ਵੱਲੋਂ ਦਿੱਲੀ ਸੰਘਰਸ਼ ’ਚ ਸ਼ਾਮਲ ਨਾ ਹੋਣ ਵਾਲਿਆਂ ਨੂੰ ਜੁਰਮਾਨੇ ਲਾਉਣ ਲੱਗੀਆਂ ਹਨ।
ਦੱਸ ਦਈਏ ਕਿ ਪਿੰਡ ਅੜਕਵਾਸ ਦੀ ਸਰਪੰਚ ਰਣਜੀਤ ਕੌਰ ਨੇ ਲਿਖਤੀ ਬਿਆਨ ਰਾਹੀਂ ਦੱੱਸਿਆ ਕਿ ਕਿਸਾਨੀ ਸੰਘਰਸ਼ ’ਚ ਹਰੇਕ ਪਰਿਵਾਰ ਨੂੰ ਜੋੜਣ ਲਈ ਲੋਕਾਂ ਨਾਲ ਮੀਟਿੰਗ ਕਰ ਕੇ ਦਿੱਲੀ ਦੀ ਟਰੈਕਟਰ ਪਰੇਡ ’ਚ ਆਪਣੇ ਟਰੈਕਟਰ ਨਾ ਲਿਜਾਣ ਵਾਲੇ ਟਰੈਕਟਰ ਮਾਲਕ ਨੂੰ ਟਾਇਰ 16-9-28 ਵਾਲੇ ਨੂੰ 5100 ਰੁਪਏ, ਟਾਇਰ 14-9 ਵਾਲੇ ਨੂੰ 3300 ਰੁਪਏ ਅਤੇ ਟਾਇਰ 12-13 ਵਾਲੇ ਨੂੰ 2100 ਰੁਪਏ ਦਾ ਜੁਰਮਾਨਾ ਅਤੇ ਘਰ ਘਰ ਦਾ ਬੰਦਾ ਨਾ ਜਾਣ ਦੀ ਸੂਰਤ ’ਚ 500 ਰੁਪਏ ਜੁਰਮਾਨਾ ਪੰਚਾਇਤ ਕੋਲ ਭਰਨਾ ਪਵੇਗਾ। ਉਨ੍ਹਾਂ ਕਿਹਾ ਕਿ ਦਿੱਲੀ ਦਾ ਕਿਰਸਾਨੀ ਸੰਘਰਸ਼ ਪਿੰਡਾਂ ਦੀ ਹੋਂਦ ਅਤੇ ਖੇਤੀ ਲਈ ਹੈ ਅਤੇ ਖੇਤੀ ਵਿਰੋਧੀ ਕਾਨੂੰਨ ਰੱਦ ਕਰਵਾਉਣ ਲਈ ਅਤਿ ਜ਼ਰੂਰੀ ਹਨ। ਦੱਸ ਦਈਏ ਕਿ ਇਸ ਬਿਆਨ ’ਤੇ ਪ੍ਰੇਮ ਸਿੰਘ, ਰਛਪਾਲ ਸਿੰਘ, ਰਾਮਚੰਦ ਸਿੰਘ, ਬਘੇਲ ਸਿੰਘ, ਅਜੈਬ ਸਿੰਘ, ਪੋਪੀ ਸਿੰਘ, ਹਰਪਾਲ ਸਿੰਘ, ਪੁਸ਼ਪਿੰਦਰ ਸਿੰਘ ਤੇ ਮਨਜੀਤ ਸਿੰਘ ਦਸਤਖ਼ਤ ਹਨ।