ਬੀਕਾਨੇਰ : ਬੀਕਾਨੇਰ ਦੇ ਨਾਪਾਸਰ ਥਾਣਾ ਖੇਤਰ ਵਿਚ ਐਤਵਾਰ ਨੂੰ ਇਕ ਕਾਰ ਅਤੇ ਇਕ ਮਿੰਨੀ ਟਰੱਕ ਵਿਚਾਲੇ ਹੋਈ ਟੱਕਰ ਵਿਚ ਇਕ ਕਾਰ ਵਿਚ ਸਵਾਰ ਤਿੰਨ ਵਿਅਕਤੀਆਂ ਦੀ ਮੌਤ ਹੋ ਗਈ। ਪੁਲਿਸ ਅਧਿਕਾਰੀ ਜਗਦੀਸ਼ ਪਾਂਡਰ ਨੇ ਦਸਿਆ ਕਿ ਬੀਕਾਨੇਰ ਜੈਪੁਰ ਨੈਸ਼ਨਲ ਹਾਈਵੇ ’ਤੇ ਪਿੰਡ ਨੌਰੰਗਦੇਸਰ ਨੇੜੇ ਇਕ ਕਾਰ ਅਤੇ ਮਿੰਨੀ-ਟਰੱਕ ਦੇ ਸਾਹਮਣੇ ਇਕ ਕਾਰ ਦੀ ਟੱਕਰ ਵਿਚ ਸਵਾਰ ਗਾਜਿਆਬਾਦ ਨਿਵਾਸੀ ਮਨੀਸ਼ ਕੌਸ਼ਿਕ, ਅਖਲਾਖ, ਦੇਵੇਂਦਰ ਸਿੰਘ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਉਨ੍ਹਾਂ ਦਸਿਆ ਕਿ ਹਾਦਸੇ ਤੋਂ ਬਾਅਦ ਮਿਨੀ ਟਰੱਕ ਦਾ ਚਾਲਕ ਮੌਕੇ ਤੋਂ ਭੱਜ ਗਿਆ। ਉਨ੍ਹਾਂ ਦਸਿਆ ਕਿ ਲਾਸ਼ਾਂ ਨੂੰ ਪੋਸਟ ਮਾਰਟਮ ਲਈ ਹਸਪਤਾਲ ਦੇ ਮੁਰਦਾ ਘਰ ਵਿਚ ਰਖਿਆ ਗਿਆ ਹੈ। ਮਿ੍ਰਤਕਾਂ ਦੇ ਰਿਸ਼ਤੇਦਾਰਾਂ ਦੇ ਇਥੇ ਪਹੁੰਚਣ ’ਤੇ ਪੋਸਟ ਮਾਰਟਮ ਕੀਤਾ ਜਾਵੇਗਾ।