ਹੈਦਰਾਬਾਦ : ਤਿਲੰਗਾਨਾ ਵਿਚ ਤਿੰਨ ਦਿਨਾਂ ਤੋਂ ਹੋ ਰਹੀ ਭਾਰੀ ਵਰਖਾ ਨੇ ਕਾਫੀ ਜਾਨੀ ਤੇ ਮਾਲੀ ਨੁਕਸਾਨ ਕਰ ਦਿੱਤਾ ਹੈ। ਰਾਜਧਾਨੀ ਹੈਦਰਾਬਾਦ ਦੇ ਫਲਕਨੁਮਾ ਵਿਚ ਦੋ ਘਰ ਡਿੱਗਣ ਨਾਲ 5 ਵਿਅਕਤੀਆਂ ਦੀ ਮੌਤ ਹੋ ਗਈ। ਇਨ੍ਹਾਂ ਵਿੱਚੋਂ ਪੰਜ ਇਕ ਪਰਵਾਰ ਤੇ ਚਾਰ ਵੱਖ-ਵੱਖ ਪਰਵਾਰਾਂ ਦੇ ਸਨ।
ਇਹ ਵੀ ਪੜ੍ਹੋ : DGP ਸੈਣੀ ਦੀ ਪਟੀਸ਼ਨ 'ਤੇ ਪੰਜਾਬ ਸਰਕਾਰ ਨੂੰ ਨੋਟਿਸ
ਹੋਰਨਾਂ ਥਾਂਵਾਂ ਤੋਂ 6 ਮੌਤਾਂ ਦੀਆਂ ਰਿਪੋਰਟਾਂ ਹਨ। ਫਲਕਨੁਮਾ ਕੋਲ ਬਰਕਸ ਤੋਂ ਇਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿਚ ਇਕ ਵਿਅਕਤੀ ਪਾਣੀ ਦੇ ਤੇਜ਼ ਵਹਾਅ ਵਿਚ ਵਹਿੰਦਾ ਦਿਸ ਰਿਹਾ ਹੈ। ਉਹ ਖੰਭੇ ਨੂੰ ਫੜਨ ਦੀ ਕੋਸ਼ਿਸ਼ ਕਰਦਾ ਹੈ, ਪਰ ਤੇਜ਼ ਪਾਣੀ ਉਸ ਨੂੰ ਅੱਗੇ ਵਹਾਅ ਲਿਜਾਂਦਾ ਹੈ। ਦੋ ਲੋਕ ਉਸ ਨੂੰ ਬੇਬੱਸ ਖੜ੍ਹੇ ਦੇਖ ਰਹੇ ਹਨ। ਉਸ ਦੇ ਨਾਲ ਇਕ ਟਿਊਬ ਵੀ ਵਹਿੰਦੀ ਦਿਸ ਰਹੀ ਹੈ, ਜਿਹੜੀ ਸ਼ਾਇਦ ਕਿਸੇ ਨੇ ਉਸ ਨੂੰ ਬਚਾਉਣ ਲਈ ਸੁੱਟੀ ਹੋਵੇਗੀ। ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਉਸ ਨੂੰ ਬਚਾਇਆ ਜਾ ਸਕਿਆ ਕਿ ਨਹੀਂ।