ਬ੍ਰਿਟੇਨ, (ਏਜੰਸੀ) : ਮੌਤ ਕਦੋਂ ਕਿਸੇ ਨੂੰ ਆ ਜਾਵੇ, ਕੋਈ ਨਹੀਂ ਜਾਣਦਾ। ਅਜਿਹਾ ਹੀ ਕੁਝ ਹੋਇਆ ਬ੍ਰਿਟੇਨ ਦੇ ਇਕ ਕਾਮੇਡੀਅਨ ਨਾਲ, ਜਦੋਂ ਸਟੇਜ ’ਤੇ ਪ੍ਰਫਾਰਮੈਂਸ ਦੌਰਾਨ ਉਸ ਦੀ ਮੌਤ ਹੋ ਗਈ। ਦਰਅਸਲ ਬ੍ਰਿਟੇਨ ਦੇ ਕਾਮੇਡੀਅਨ ਇਆਨ ਕਾਗਨਿਟੋ ਦੀ ਸ਼ੋਅ ’ਚ ਪ੍ਰਫਾਰਮੈਂਸ ਦੌਰਾਨ ਮੌਤ ਹੋ ਗਈ। ਕਾਮੇਡੀ ਦੀ ਦੁਨੀਆ ’ਚ ਮਸ਼ਹੂਰ ਇਆਨ ਕਾਗਨਿਟੋ ਦਾ ਅਸਲੀ ਨਾਂ ਪਾਲ ਬਰਬਰੀ ਸੀ। ਉਹ ਬੀਤੀ 11 ਅਪ੍ਰੈਲ ਨੂੰ ਆਪਣੀ ਪ੍ਰਫਾਰਮੈਂਸ ਦੇ ਰਿਹਾ ਸੀ ਤਾਂ ਅਚਾਨਕ ਉਸ ਨੂੰ ਦਿਲ ਦਾ ਦੌਰਾ ਪੈ ਗਿਆ ਅਤੇ ਉਹ ਉਥੇ ਰੱਖੇ ਸਟੂਲ ’ਤੇ ਬੈਠ ਗਿਆ। ਥੋਡ਼੍ਹੀ ਹੀ ਦੇਰ ’ਚ ਉਸ ਦੀ ਮੌਤ ਹੋ ਗਈ।
60 ਸਾਲ ਦੇ ਕਾਗਨਿਟੋ ਇੰਨੀ ਚੰਗੀ ਕਾਮੇਡੀ ਕਰਦੇ ਸਨ ਕਿ ਜਦੋਂ ਉਹ ਸਟੇਜ ’ਤੇ ਡਿੱਗਾ ਤਾਂ ਲੋਕਾਂ ਨੂੰ ਲੱਗਾ ਕਿ ਇਹ ਉਨ੍ਹਾਂ ਦੇ ਐਕਟ ਦਾ ਹੀ ਕੋਈ ਸੀਨ ਹੋਵੇਗਾ ਅਤੇ ਲੋਕ ਇਹ ਸਭ ਦੇਖ ਕੇ ਹੱਸ ਰਹੇ ਸਨ ਪਰ ਉਦੋਂ ਤੱਕ ਇਆਨ ਇਸ ਦੁਨੀਆ ਨੂੰ ਛੱਡ ਕੇ ਜਾ ਚੁੱਕਾ ਸੀ।