ਚੰਡੀਗੜ੍ਹ : ਪੁਲਿਸ ਨੇ ਦੁੱਧ ਦੇ ਟੈਂਕਰ ’ਚੋਂ 440 ਪੇਟੀਆਂ ਸ਼ਰਾਬ ਬਰਾਮਦ ਕੀਤੀ ਹੈ। ਦੁੱਧ ਦੇ ਟੈਂਕਰ ਵਿੱਚ ਸ਼ਰਾਬ ਦੇ 21, 120 ਪਊਏ ਚੰਡੀਗੜ੍ਹ ਤੋਂ ਗੁਜਰਾਤ ਲਿਜਾਏ ਜਾਣੇ ਸਨ। ਪੁਲਿਸ ਨੇ ਮੋਹਾਲੀ ਵਾਸੀ ਗੌਰਵ ਖੱਤਰੀ ਨਾਮ ਦੇ ਟੈਂਕਰ ਚਾਲਕ ਨੂੰ ਗ੍ਰਿਫ਼ਤਾਰ (tanker driver booked) ਕਰ ਲਿਆ ਹੈ। ਮੁਲਜ਼ਮ ਖ਼ਿਲਾਫ਼ ਥਾਣਾ ਇੰਡਸਟਰੀਅਲ ਏਰੀਆ ’ਚ ਕੇਸ ਦਰਜ ਕੀਤਾ ਗਿਆ ਹੈ। ਪੁਲਿਸ ਮੁਤਾਬਕ ਕੈਂਟਰ ਚਾਲਕ ਨੇ ਮੁੱਢਲੀ ਪੁੱਛਗਿੱਛ ’ਚ ਦੱਸਿਆ ਕਿ ਇਹ ਸ਼ਰਾਬ ਚੰਡੀਗੜ੍ਹ ਇੰਡਸਟਰੀਅਲ ਏਰੀਆ (industrial area chandigarh) ਤੋਂ ਗੁਜਰਾਤ ਲਿਜਾਈ ਜਾਣੀ ਸੀ।
ਜਾਣਕਾਰੀ ਅਨੁਸਾਰ ਚੰਡੀਗੜ੍ਹ ਪੁਲੀਸ ਦੀ ਅਪਰਾਧ ਸ਼ਾਖਾ ਦੇ ਮੁਖੀ ਇੰਸਪੈਕਟਰ ਰਣਜੀਤ ਸਿੰਘ (crime branch head ranjit singh) ਦੀ ਅਗਵਾਈ ਵਿੱਚ ਪੁਲੀਸ ਪਾਰਟੀ ਨੇ ਗੁਪਤ ਸੂਚਨਾ ਦੇ ਆਧਾਰ ’ਤੇ ਪੋਲਟਰੀ ਫਾਰਮ ਚੌਕ, ਚੰਡੀਗੜ੍ਹ ’ਚ ਨਾਕਾਬੰਦੀ ਕਰ ਕੇ ਗੁਜਰਾਤ ਦੇ ਨੰਬਰ ਦੇ ਦੁੱਧ ਦੇ ਟੈਂਕਰ ’ਚੋਂ 440 ਪੇਟੀਆਂ ਸ਼ਰਾਬ ਬਰਾਮਦ ਕੀਤੀ ਹੈ। ਕਰੋਨਾ ਲਾਗ ਕਾਰਨ ਜਾਰੀ ਤਾਲਾਬੰਦੀ ਦੌਰਾਨ ਜ਼ਰੂਰੀ ਸਾਮਾਨ ਦੀਆਂ ਗੱਡੀਆਂ ਨੂੰ ਨਾ ਰੋਕਣ ਦੇ ਆਦੇਸ਼ਾਂ ਦੀ ਸ਼ਰਾਬ ਕਾਰੋਬਾਰੀਆਂ ਵੱਲੋਂ ਕੀਤੀ ਜਾ ਕਥਿਤ ਦੁਰਵਰਤੋਂ ਕੀਤੀ ਜਾ ਰਹੀ ਹੈ।