ਕੋਹਾੜਾ : ਅਜ ਲੁਧਿਆਣੇ ਦੇ ਇਲਾਕੇ ਕੋਹਾੜਾ ਵਿਚ ਨੀਚੀ ਮੰਗਲੀ ਸਥਿਤ ਵਿਚ ਇਕ ਸਲੰਡਰ ਫਟ ਗਿਆ ਜਿਸ ਕਾਰਨ ਇਕ ਔਰਤ ਦੀ ਜਾਨ ਚਲੀ ਗਈ। ਚੌਕੀ ਈਸ਼ਵਰ ਨਗਰ ਦੀ ਪੁਲਿਸ ਨੇ ਮੌਕੇ 'ਤੇ ਪੁੱਜ ਕੇ ਹਾਲਾਤ ਦਾ ਜਾਇਜ਼ਾ ਲਿਆ। ਮ੍ਰਿਤਕ ਔਰਤ ਦੀ ਪਛਾਣ ਸੋਨੀਆ (30) ਸਾਲ ਵਜੋਂ ਹੋਈ ਹੈ।ਮ੍ਰਿਤਕ ਔਰਤ ਸੋਨੀਆ ਫੈਕਟਰੀ ਵਿਚ ਲੇਬਰ ਦਾ ਕੰਮ ਕਰਦੀ ਸੀ। ਉਹ ਫੈਕਟਰੀ ਦੇ ਉੱਪਰ ਬਣੇ ਕੁਆਰਟਰ ਵਿਚ ਹੀ ਰਹਿੰਦੀ ਸੀ। ਉਸ ਦੇ ਆਲੇ-ਦੁਆਲੇ ਦੇ ਕੁਆਰਟਰ ਖਾਲੀ ਹਨ। ਔਰਤ ਇਕੱਲੀ ਰਹਿੰਦੀ ਸੀ। ਔਰਤ ਸਵੇਰ ਸਮੇਂ ਚਾਹ ਬਣਾਉਣ ਲੱਗੀ ਸੀ ਕਿ ਸਲੰਡਰ ਨੂੰ ਅੱਗ ਲੱਗ ਗਈ ਅਤੇ ਧਮਾਕੇ ਵਿਚ ਉਸ ਦੇ ਚੀਥੜੇ ਉਡ ਗਏ। ਔਰਤ ਦੀ ਲਾਸ਼ ਨੂੰ ਮੁਰਦਾਘਰ ਵਿਚ ਰਖਵਾ ਦਿੱਤਾ ਗਿਆ ਹੈ। ਪੁਲਿਸ ਅਨੁਸਾਰ ਔਰਤ ਦੇ ਪਰਵਾਰ ਦਾ ਕੋਈ ਪਤਾ ਨਹੀਂ ਹੈ ਇਸ ਲਈ 72 ਘੰਟੇ ਇੰਤਜਾਰ ਕਰ ਕੇ ਔਰਤ ਦਾ ਅੰਤਮ ਸਸਕਾਰ ਕਰ ਦਿਤਾ ਜਾਵੇਗਾ।