ਰਾਸ਼ਟਰੀ

ਹਰ ਵਿਧਾਨ ਸਭਾ ਖੇਤਰ ਵਿਚ ਪੰਜ ਕੇਂਦਰਾਂ 'ਤੇ ਵੀਵੀਪੈਟ ਪਰਚੀਆਂ ਦੀ ਜਾਂਚ ਦਾ ਹੁਕਮ

April 09, 2019 09:53 AM

ਸੁਪਰੀਮ ਕੋਰਟ ਨੇ ਚੋਣ ਕਮਿਸ਼ਨ ਨੂੰ ਦਿਤਾ ਨਿਰਦੇਸ਼
21 ਵਿਰੋਧੀ ਪਾਰਟੀਆਂ ਨੇ ਪਾਈ ਸੀ ਪਟੀਸ਼ਨ

ਨਵੀਂ ਦਿੱਲੀ : ਸੁਪਰੀਮ ਕੋਰਟ ਨੇ ਚੋਣ ਕਮਿਸ਼ਨ ਨੂੰ ਨਿਰਦੇਸ਼ ਦਿਤਾ ਹੈ ਕਿ ਲੋਕ ਸਭਾ ਚੋਣਾਂ ਦੌਰਾਨ ਹਰ ਵਿਧਾਨ ਸਭਾ ਖੇਤਰ ਵਿਚ ਇਕ ਮਤਦਾਨ ਕੇਂਦਰ ਦੀ ਬਜਾਏ ਪੰਜ ਕੇਂਦਰਾਂ 'ਤੇ ਵੀਵੀਪੈਟ ਪਰਚੀਆਂ ਦੀ ਚਾਣਚੱਕ ਜਾਂਚ ਕੀਤੀ ਜਾਵੇ। ਅਦਾਲਤ ਨੇ ਕਿਹਾ ਕਿ ਇਹ ਚੋਣ ਕਵਾਇਦ ਵਿਚ ਜ਼ਿਆਦਾ ਭਰੋਸੇਯੋਗਤਾ ਅਤੇ ਸ਼ੁਧਤਾ ਲਿਆਵੇਗੀ। ਮੁੱਖ ਜੱਜ ਰੰਜਨ ਗੋਗਈ, ਜੱਜ ਦੀਪਕ ਗੁਪਤਾ ਅਤੇ ਜੱਜ ਸੰਜੀਵ ਖੰਨਾ ਦੇ ਬੈਂਚ ਨੇ 21 ਵਿਰੋਧੀ ਧਿਰਾਂ ਦੇ ਆਗੂਆਂ ਦੀ ਪਟੀਸ਼ਨ 'ਤੇ ਇਹ ਹੁਕਮ ਦਿਤਾ। ਬੈਂਚ ਇਨ੍ਹਾਂ ਆਗੂਆਂ ਦੀ ਇਸ ਮੰਗ ਨਾਲ ਸਹਿਮਤ ਨਹੀਂ ਹੋਇਆ ਕਿ ਇਲੈਕਟ੍ਰਾਨਿਕ ਵੋਟਿੰਗ ਮਸ਼ੀਨਾਂ ਨਾਲ ਜੁੜੀਆਂ ਵੀਵੀਪੈਟ ਮਸ਼ੀਨਾਂ ਦੀ ਪ੍ਰਤੀ ਵਿਧਾਨ ਸਭਾ ਖੇਤਰ ਵਿਚ ਘੱਟੋ ਘੱਟ 50 ਫ਼ੀ ਸਦੀ ਵੀਵੀਪੈਟ ਪਰਚੀਆਂ ਦੀ ਗਿਣਤੀ ਕੀਤੀ ਜਾਵੇ। ਚੋਣ ਕਮਿਸ਼ਨ ਇਸ ਸਮੇਂ ਲੋਕ ਸਭਾ ਦੇ ਹਰ ਸੰਸਦੀ ਖੇਤਰ ਜਾਂ ਵਿਧਾਨ ਸਭਾ ਖੇਤਰ ਵਿਚ ਇਕ ਮਤਦਾਨ ਕੇਂਦਰ 'ਤੇ ਅਚਾਨਕ ਹੀ ਵੀਵੀਪੈਟ ਪਰਚੀਆਂ ਦੀ ਗਿਣਤੀ ਦੀ ਵਿਵਸਥਾ ਦਾ ਪਾਲਣ ਕਰਦਾ ਹੈ। ਬੈਂਚ ਨੇ ਕਿਹਾ, 'ਚੋਣ ਕਵਾਇਦ ਵਿਚ ਇਹ ਕਿਤੇ ਜ਼ਿਆਦਾ ਤਸੱਲੀਬਖ਼ਸ਼ ਅਤੇ ਪੱਕੀ ਵਿਵਸਥਾ ਹੋਵੇਗੀ ਜੇ ਲੋਕ ਸਭਾ ਦੇ ਹਰ ਵਿਧਾਨ ਸਭਾ ਖੇਤਰ ਵਿਚ ਵੀਵੀਪੈਟ ਮਸ਼ੀਨਾਂ ਦੀ ਗਿਣਤੀ ਇਕ ਤੋਂ ਵਧਾ ਕੇ ਪੰਜ ਕਰ ਦਿਤੀ ਜਾਵੇ।' ਬੈਂਚ ਨੇ ਕਿਹਾ ਕਿ ਚੋਣ ਕਮਿਸ਼ਨ ਦੁਆਰਾ ਵੀਵੀਪੈਟ ਪਰਚੀਆਂ ਦੇ ਮਿਲਾਣ ਲਈ ਈਵੀਐਮ ਦੀ ਚਾਣਚੱਕ ਚੋਣ ਲਈ ਅਪਣਾਈ ਜਾ ਰਹੀ ਮੌਜੂਦਾ ਪ੍ਰਕ੍ਰਿਆ ਜਾਰੀ ਰਹੇਗੀ। ਬੈਂਚ ਨੇ ਕਿਹਾ ਕਿ ਹਰ ਵਿਧਾਨ ਸਭਾ ਖੇਤਰ ਵਿਚ ਵੀਵੀਪੈਟ ਦੀਆਂ ਪਰਚੀਆਂ ਦੇ ਮਿਲਾਣ ਲਈ ਈਵੀਐਮ ਦੀ ਗਿਣਤੀ ਵਧਾਉਣ ਲਈ ਨਾ ਤਾਂ ਵਾਧੂ ਮੁਲਾਜ਼ਮਾਂ ਅਤੇ ਵਿਵਸਥਾ ਦੀ ਲੋੜ ਪਵੇਗੀ ਅਤੇ ਨਾ ਹੀ ਇਸ ਨਾਲ ਚੋਣ ਨਤੀਜੇ ਐਲਾਨਣ ਵਿਚ ਮੁਸ਼ਕਲ ਹੋਵੇਗੀ। (ਏਜੰਸੀ)

ਕੀ ਹੈ ਵੀਵੀਪੈਟ

ਵੋਟਰ ਵੈਰੀਫ਼ਾਈਏਬਲ ਪੇਪਰ ਆਡਿਟ ਟਰੇਲ ਯਾਨੀ ਵੀਵੀਪੈਟ ਵਿਵਸਥਾ ਤਹਿਤ ਵੋਟ ਪਾਉਣ ਦੇ ਤੁਰਤ ਮਗਰੋਂ ਕਾਗ਼ਜ਼ ਦੀ ਪਰਚੀ ਬਣਦੀ ਹੈ। ਜਿਸ ਉਮੀਦਵਾਰ ਨੂੰ ਵੋਟ ਪਾਈ ਗਈ ਹੈ, ਉਸ ਦਾ ਨਾਮ ਅਤੇ ਚੋਣ ਇਸ ਪਰਚੀ 'ਤੇ ਚਿੰਨ੍ਹ ਛਪਿਆ ਹੁੰਦਾ ਹੈ। ਮਕਸਦ ਹੈ ਕਿ ਵੋਟ ਉਸ ਨੂੰ ਹੀ ਪਈ ਹੈ ਜਿਸ ਨੂੰ ਵੋਟਰ ਚਾਹੁੰਦਾ ਹੈ। ਇਹ ਵਿਵਸਥਾ ਇਸ ਲਈ ਹੈ ਕਿ ਕਿਸੇ ਤਰ੍ਹਾਂ ਦਾ ਰੌਲਾ ਪੈਣ 'ਤੇ ਵੋਟਿੰਗ ਮਸ਼ੀਨ ਵਿਚ ਪਈ ਵੋਟ ਨਾਲ ਪਰਚੀ ਦਾ ਮਿਲਾਣ ਕੀਤਾ ਜਾ ਸਕੇ।

Have something to say? Post your comment

ਹੋਰ ਰਾਸ਼ਟਰੀ ਖ਼ਬਰਾਂ

ਰਾਸ਼ਟਰੀ

ਹਰ ਵਿਧਾਨ ਸਭਾ ਖੇਤਰ ਵਿਚ ਪੰਜ ਕੇਂਦਰਾਂ 'ਤੇ ਵੀਵੀਪੈਟ ਪਰਚੀਆਂ ਦੀ ਜਾਂਚ ਦਾ ਹੁਕਮ

Have something to say? Post your comment

ਹੋਰ ਰਾਸ਼ਟਰੀ ਖ਼ਬਰਾਂ

ਸੁਪਰੀਮ ਕੋਰਟ ਵਲੋਂ NRI ਕੋਟੇ ਤਹਿਤ MBBS ਦੇ ਦਾਖ਼ਲੇ 'ਚ ਰਿਸ਼ਤੇਦਾਰਾਂ ਨੂੰ ਸ਼ਾਮਲ ਕਰਨ ਤੋਂ ਇਨਕਾਰ

ਹਰਿਆਣਾ ਚੋਣਾਂ ਦੌਰਾਨ ਸਰਕਾਰ ਦਾ ਵੱਡਾ ਦਾਅ

ਬੰਗਾਲ 'ਚ ਇਕ ਹੋਰ ਰੇਲ ਹਾਦਸਾ, ਮਾਲ ਗੱਡੀ ਦੇ 5 ਡੱਬੇ ਪਟੜੀ ਤੋਂ ਉਤਰੇ

सांसद मनीष तिवारी ने यूटी में डेपुटेशन पर आए अधिकारियों पर की टिप्पणी

ਇੱਕ ਵਾਰ ਫਿਰ ਤੋਂ ਭਾਰੀ ਮੀਂਹ ਦੀ ਭਵਿੱਖਬਾਣੀ

ਕੇਜਰੀਵਾਲ ਨੇ ਸਰਕਾਰੀ ਰਿਹਾਇਸ਼ ਛੱਡਣ ਦਾ ਕੀਤਾ ਐਲਾਨ

पंचकूला भाजपा को लगा झटका

ਪੀਰੀਅਡਸ ਦੌਰਾਨ ਨਿਜੀ ਤੇ ਸਰਕਾਰੀ ਅਦਾਰਿਆਂ ਵਿਚ ਪੇਡ ਲੀਵ ਦੀ ਤਿਆਰੀ

ਭਾਰੀ ਬਾਰਸ਼ ਦੀ ਚਿਤਾਵਨੀ

ਕਰਨਾਟਕ ਹਾਈ ਕੋਰਟ ਦੇ ਜੱਜ ਨੇ ਆਪਣੀ ਹੀ ਟਿੱਪਣੀ 'ਤੇ ਪ੍ਰਗਟਾਇਆ ਅਫ਼ਸੋਸ