ਲਖਨਊ : ਬਸਪਾ ਸੁਪਰੀਮੋ ਮਾਇਆਵਤੀ ਨੇ ਆਪਣੇ ਜਨਮ ਦਿਨ 'ਤੇ ਪਹਿਲੇ ਪੜਾਅ ਲਈ 53 ਉਮੀਦਵਾਰਾਂ ਦੀ ਸੂਚੀ ਜਾਰੀ ਕੀਤੀ ਹੈ। ਬਾਕੀ 5 ਸੀਟਾਂ ਇੱਕ-ਦੋ ਦਿਨਾਂ ਵਿੱਚ ਜਾਰੀ ਕਰ ਦਿੱਤੀਆਂ ਜਾਣਗੀਆਂ। ਚੋਣਾਂ ਦੀ ਕਮਾਨ ਸਤੀਸ਼ ਮਿਸ਼ਰਾ ਅਤੇ ਆਨੰਦ ਨੂੰ ਦਿੱਤੀ ਗਈ ਹੈ। ਮਾਇਆਵਤੀ ਨੇ ਕਿਹਾ ਕਿ ਬਸਪਾ ਇਸ ਵਾਰ ਉੱਤਰ ਪ੍ਰਦੇਸ਼ ਵਿੱਚ ਸੱਤਾ ਵਿੱਚ ਵਾਪਸੀ ਕਰੇਗੀ। ਲੋਕ ਬਸਪਾ ਦੀ ਪਿਛਲੀ ਕਾਰਗੁਜ਼ਾਰੀ ਦੇ ਆਧਾਰ 'ਤੇ ਵੋਟਾਂ ਪਾ ਕੇ ਸੱਤਾ 'ਚ ਲਿਆਉਣਗੇ। ਮੁਸਲਿਮ ਬਹੁਗਿਣਤੀ ਸੀਟਾਂ 'ਤੇ ਮੁਸਲਮਾਨਾਂ ਨੂੰ ਉਮੀਦਵਾਰ ਬਣਾਇਆ ਗਿਆ ਹੈ।53 ਵਿੱਚੋਂ 14 ਉਮੀਦਵਾਰ ਮੁਸਲਮਾਨ ਹਨ।9 ਚਿਹਰੇ ਬ੍ਰਾਹਮਣ ਹਨ। ਅਨੁਸੂਚਿਤ ਜਾਤੀ ਸ਼੍ਰੇਣੀ ਦੇ 9, 4 ਖੱਤਰੀ ਅਤੇ 12 ਚਿਹਰੇ ਪਛੜੀ ਸ਼੍ਰੇਣੀ ਦੇ ਹਨ। ਇਨ੍ਹਾਂ ਵਿੱਚ ਜਾਟ, ਗੁਰਜਰ ਅਤੇ ਯਾਦਵ ਹਨ। ਜਦਕਿ ਸਿਰਫ਼ 3 ਮਹਿਲਾ ਉਮੀਦਵਾਰ ਹਨ। ਮਾਇਆਵਤੀ ਨੇ ਕਿਹਾ ਕਿ ਅਸੀਂ ਕਿਸੇ ਪਾਰਟੀ ਨਾਲ ਗਠਜੋੜ ਵਿੱਚ ਨਹੀਂ ਹਾਂ। ਸਾਨੂੰ ਭਰੋਸਾ ਹੈ ਕਿ ਇਸ ਵਾਰ ਸਾਨੂੰ ਪੂਰਨ ਬਹੁਮਤ ਮਿਲੇਗਾ।ਮਾਇਆਵਤੀ ਨੇ ਕਿਹਾ ਕਿ ਇੱਥੇ ਕਈ ਲੋਕ ਪਾਰਟੀ ਬਦਲਣ ਦੀ ਰਾਜਨੀਤੀ ਕਰ ਰਹੇ ਹਨ, ਪਰ ਇਸ ਵਾਰ ਇਹ ਸਭ ਕੰਮ ਨਹੀਂ ਹੋਣ ਵਾਲਾ ਹੈ। ਸਰਕਾਰ ਨੇ ਲੋਕਾਂ ਨਾਲ ਧੋਖਾ ਕੀਤਾ ਹੈ। ਭਾਜਪਾ ਵੱਲੋਂ ਕੀਤੇ ਵਾਅਦਿਆਂ ਵਿੱਚੋਂ ਕਈ ਵਾਅਦੇ ਅੱਜ ਤੱਕ ਪੂਰੇ ਨਹੀਂ ਹੋਏ। ਮਾਇਆਵਤੀ ਨੇ ਕਿਹਾ ਕਿ ਮੈਂ ਸਾਰੇ ਵਰਕਰਾਂ ਦਾ ਧੰਨਵਾਦ ਕਰਦੀ ਹਾਂ। ਮਾਇਆਵਤੀ ਨੂੰ ਸਵਾਮੀ ਪ੍ਰਸਾਦ ਮੌਰਿਆ ਬਾਰੇ ਪੁੱਛਣ 'ਤੇ ਉਨ੍ਹਾਂ ਕਿਹਾ ਕਿ ਕੀ ਉਹ ਮੈਨੂੰ ਮੁੱਖ ਮੰਤਰੀ ਬਣਾਉਣਗੇ। ਭਾਜਪਾ ਵਾਲੇ ਉਸ ਨੂੰ 5 ਸਾਲ ਤੱਕ ਲੈ ਕੇ ਫਿਰਦੇ ਰਹੇ। ਉਸਦੀ ਭਾਸ਼ਾ ਵੇਖੋ ਕਿਵੇਂ ਦੀ ਹੈ, ਬਾਬਾ ਸਾਹਿਬ ਅੰਬੇਡਕਰ ਜਾਤੀ ਵਿਵਸਥਾ ਦੇ ਖਿਲਾਫ ਸਨ।