ਜਲੰਧਰ : ਇਥੋਂ ਦੇ ਇਲਾਕੇ ਸੰਤੋਖਪੁਰਾ ਮੁਹੱਲੇ ਵਿਚ ਇਕ ਲੜਕੀ ਆਪਣੇ ਘਰ ਵਿਚ ਬੈਠੀ ਸੀ ਕਿ ਆਸਮਾਨ ਤੋਂ ਪਤਾ ਨਹੀਂ ਕਿਥੋਂ ਇਕ ਗੋਲੀ ਆਈ ਅਤੇ ਉਸ ਦੇ ਪੱਟ ਵਿਚ ਲੱਗ ਗਈ। ਇਸ ਘਟਨਾ ਦਾ ਉਸ ਸਮੇਂ ਪਤਾ ਲੱਗਾ ਜਦੋਂ ਆਪਣੇ ਹੀ ਘਰ ਵਿਚ ਇਕ ਐਮ ਕਾਮ ਦੀ ਵਿਦਿਆਰਥਣ ਜਿਸ ਦਾ ਨਾਮ ਬ੍ਰਹਮਜੀਤ ਕੌਰ ਬੱਚਿਆਂ ਨੂੰ ਟਿਊਸ਼ਨ ਪੜ੍ਹਾ ਕੇ ਸਾਢੇ ਸੱਤ ਵਜੇ ਦੇ ਕਰੀਬ ਵੇਹਲੀ ਹੋਈ ਸੀ। ਉਥੇ ਹੀ ਉਹ ਫੋਨ ਉਪਰ ਕੁਝ ਕਰਨ ਬੈਠ ਗਈ। ਏਨੇ ਸਮੇਂ ਨੂੰ ਉਸਦੇ ਬੈਠੀ ਹੋਈ ਦੇ ਪੱਟ ਉੱਪਰ ਇੱਕ ਬਹੁਤ ਹੀ ਜ਼ੋਰਦਾਰ ਚੀਜ ਆ ਕੇ ਲੱਗੀ।
ਉਸ ਵੱਲੋਂ ਸਮਝਿਆ ਗਿਆ ਕਿ ਕਿਸੇ ਨੇ ਛੱਤ ਉਪਰੋਂ ਕੋਈ ਪੱਥਰ ਮਾਰਿਆ ਹੈ। ਪਰ ਜਦੋਂ ਉਸ ਵੱਲੋਂ ਵੇਖਿਆ ਗਿਆ ਤਾਂ ਚੱਲੀ ਹੋਈ ਗੋਲੀ ਬੈਂਚ ਦੇ ਨੀਚੋਂ ਬਰਾਮਦ ਕੀਤੀ ਗਈ। ਉੱਥੇ ਹੀ ਇਸ ਸਾਰੇ ਮਾਮਲੇ ਦੀ ਸ਼ਿਕਾਇਤ ਥਾਣਾ ਨੰਬਰ-8 ਦੀ ਪੁਲਿਸ ਨੂੰ ਕਰ ਦਿੱਤੀ ਗਈ ਹੈ। ਏਨੀ ਤੇਜ਼ੀ ਨਾਲ ਗੋਲੀ ਲੱਗਣ ਕਾਰਨ ਲੜਕੀ ਦੀ ਲੱਤ ਉੱਪਰ ਨੀਲ ਪੈ ਗਿਆ ਹੈ।