ਸਿਡਨੀ : ਸਾਲ 1979 ਵਿੱਚ ਯਾਨੀ ਕਿ 42 ਸਾਲ ਪਹਿਲਾਂ ਇਕ ਅਗਨੀ ਕਾਂਡ ਵਾਪਰਿਆ ਸੀ ਜਿਸ ਵਿਚ ਕਈ ਜਣਿਆਂ ਦੀ ਮੌਤ ਹੋ ਗਈ ਸੀ ਪਰ ਇਸ ਕੇਸ ਵਿਚ ਅੱਜ ਤਕ ਕੋਈ ਸੂਹ ਨਹੀਂ ਮਿਲੀ ਕਿ ਇਹ ਕਾਂਡ ਕਿਸ ਤਰ੍ਹਾਂ ਜਾਂ ਕਿਸ ਨੇ ਕੀਤਾ ਸੀ । ਇਸੇ ਕਰ ਕੇ ਹੁਣ ਸਰਕਾਰ ਨੇ ਇਸ ਕੇਸ ਵਿਚ ਸੂਚਨਾ ਦੇਣ ਵਾਲੇ ਨੂੰ ਇਕ ਮਿਲੀਅਨ ਡਾਲਰਾਂ ਦਾ ਇਨਾਮ ਦੇਣ ਦੀ ਗੱਲ ਕੀਤੀ ਹੈ। ਦਰਅਸਲ, ‘ਸਿਡਨੀ ਘੋਸਟ ਟ੍ਰੇਨ ਫਾਇਰ’ ਦੇ ਨਾਮ ਨਾਲ ਜਾਣਿਆ ਜਾਣ ਵਾਲਾ, ਲੂਨਾ ਪਾਰਕ ਵਿਚ ਇਕ ਹਾਦਸਾ ਵਾਪਰਿਆ ਸੀ ਜਿਸ ਵਿਚ 6 ਬੱਚਿਆਂ ਸਮੇਤ 7 ਵਿਅਕਤੀਆਂ ਦੀ ਮੌਤ ਹੋ ਗਈ ਸੀ। ਇਸ ਅਣਸੁਲਝੀ ਗੁੱਥੀ ਨੂੰ ਸੁਲਝਾਉਣ ਲਈ ਠੋਸ ਸੂਚਨਾ ਦੇਣ ਵਾਲੇ ਨੂੰ ਹੁਣ ਨਿਊ ਸਾਊਥ ਪੁਲਿਸ ਵੱਲੋਂ 1 ਮਿਲੀਅਨ ਡਾਲਰਾਂ ਦੇ ਇਨਾਮ ਦੇਣ ਦਾ ਐਲਾਨ ਕੀਤਾ ਗਿਆ ਹੈ। ਇਸ ਲਈ 1800 333 000 ਉਪਰ ਸੰਪਰਕ ਕੀਤਾ ਜਾ ਸਕਦਾ ਹੈ।