ਸੋਸ਼ਲ ਮੀਡੀਆ ’ਤੇ ਬੋਲਡ ਤਸਵੀਰਾਂ ਪਾ ਕੇ ਰੀਆ ਸੇਨ ਫਿਰ ਬਣੀ ਚਰਚਾ ਦਾ ਵਿਸ਼ਾ

ਮੁੰਬਈ (ਏਜੰਸੀਆਂ) : ਕਈ ਲੋਕਾਂ ਨੂੰ ਅਪਣੀ ਸੁੰਦਰਤਾ ਬਣਾ ਕੇ ਰੱਖਣ ਦਾ ਬੜਾ ਸਲੀਕਾ ਹੁੰਦਾ ਹੈ ਤੇ ਉਹ ਢਲਦੀ ਉਮਰ ’ਚ ਵੀ ਅਪਣੇ ਸਰੀਰ ਦੀ ਸੰਭਾਲ ਇਸ ਤਰ੍ਹਾਂ ਕਰਦੇ ਹਲ ਕਿ ਹਰ ਵੇਲੇ ਅਪਣੇ ਆਪ ਨੂੰ ਜਵਾਨ ਦਿਖਾ ਸਕਣ। ਇਨ੍ਹਾਂ ’ਚੋਂ ਇਕ ਹੈ ਅਭਿਨੇਤਰੀ ਰੀਆ ਸੇਨ। ਬਾਲੀਵੁੱਡ ਤੋਂ ਟਾਲੀਵੁੱਡ ਫ਼ਿਲਮਾਂ ’ਚ ਅਭਿਨੈ ਕਰਨ ਵਾਲੀ ਅਭਿਨੇਤਰੀ ਰੀਆ ਸੇਨ ਕਾਫ਼ੀ ਸਮੇਂ ਬਾਅਦ ਸੁਰਖੀਆਂ ’ਚ ਆਈ ਹੈ। ਰੀਆ ਨੂੰ ਆਖ਼ਰੀ ਵਾਰ ਹਿੰਦੀ ਫਿਲਮ ਲੋਨਲੀ ਗਰਲ ’ਚ ਦੇਖਿਆ ਗਿਆ ਸੀ ਅਤੇ ਉਦੋਂ ਤੋਂ ਉਹ ਵੱਡੇ ਪਰਦੇ ਤੋਂ ਦੂਰ ਹੈ।

ਲੋਨਲੀ ਗਰਲ ਸਾਲ 2017 ਵਿਚ ਆਈ ਸੀ ਅਤੇ ਇਸ ਸਾਲ ਰੀਆ ਨੇ ਸ਼ਿਵਮ ਤਿਵਾੜੀ ਨਾਲ ਵਿਆਹ ਕੀਤਾ। ਉਦੋਂ ਤੋਂ ਹੀ ਉਸ ਨੇ ਫ਼ਿਲਮਾਂ ਤੋਂ ਦੂਰੀ ਬਣਾ ਲਈ ਸੀ। ਹੁਣ ਇਕ ਵਾਰ ਫਿਰ ਸੁਰਖ਼ੀਆਂ ਵਿਚ ਹੈ। ਫ਼ਿਲਹਾਲ ਰੀਆ ਅਪਣੀਆਂ ਬੋਲਡ ਤਸਵੀਰਾਂ ਕਾਰਨ ਪ੍ਰਸ਼ੰਸਕਾਂ ਦਾ ਧਿਆਨ ਅਪਣੇ ਵਲ ਖਿੱਚ ਰਹੀ ਹੈ।
ਰੀਆ ਸੇਨ ਨੇ ਹਾਲ ਹੀ ’ਚ ਅਪਣੇ ਸੋਸ਼ਲ ਅਕਾਊਂਟ ’ਤੇ ਕੱੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਸ ’ਚ ਉਹ ਕਾਫ਼ੀ ਬੋਲਡ ਲੱਗ ਰਹੀ ਹੈ। ਤਸਵੀਰਾਂ ’ਚ ਨਜ਼ਰ ਆ ਰਿਹਾ ਹੈ ਕਿ ਰੀਆ ਇਨ੍ਹੀਂ ਦਿਨੀਂ ਬੀਚ ਦੀਆਂ ਛੁੱਟੀਆਂ ਮਨਾ ਰਹੀ ਹੈ। ਰੀਆ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ। 40 ਸਾਲ ਦੀ ਉਮਰ ਵਿਚ ਵੀ ਉਹ 18 ਸਾਲ ਦੀ ਕੁਆਰੀ ਕੁੜੀ ਵਰਗੀ ਲਗਦੀ ਹੈ।