ਆਜ਼ਾਦ ਗਰੁੱਪ ਲੜੇਗਾ ਮੋਹਾਲੀ ਦੀਆਂ ਸਾਰੀਆਂ ਸੀਟਾਂ ਤੋਂ ਚੋਣਾਂ 👍

ਮੋਹਾਲੀ ਸ਼ਹਿਰ 'ਚ ਕਰਾਂਗੇ ਪਹਿਲਾਂ ਦੀ ਤਰ੍ਹਾਂ ਵਿਕਾਸ : ਕੁਲਵੰਤ ਸਿੰਘ
 
ਮੋਹਾਲੀ :   ਆਜ਼ਾਦ ਗਰੁੱਪ ਵਲੋਂ 30 ਉਮੀਦਵਾਰਾਂ ਦੀ ਲਿਸਟ ਕਰਿ ਕਰਦਿਆਂ ਆਜ਼ਾਦ ਗਰੁੱਪ ਦੇ ਆਗੂ ਸ. ਕੁਲਵੰਤ ਸਿੰਘ, ਨੇ ਕਿਹਾ ਕਿ ਪਿਛਲੇ ਸਮੇਂ ‘ਚ ਮੋਹਾਲੀ ਦੇ ਵਿਕਾਸ ਦੀ ਚਲਦੀ ਗੱਡੀ ਨੂੰ ਭਾਵੇਂ ਬਲਵੀਰ ਸਿੰਘ ਸਿੱਧੂ ਨੇ ਬ੍ਰੇਕਾਂ ਲਾ ਕੇ ਖੜਾਉਣ ਦੀ ਨਾਕਾਰੀ ਜਿਹੀ ਕੋਸ਼ਿਸ਼ ਕੀਤੀ ਸੀ ਪਰ ਮੋਹਾਲੀ ਦੇ ਲੋਕ ਹੁਣ 14 ਫ਼ਰਵਰੀ ਨੂੰ ਆਜ਼ਾਦ ਗਰੁੱਪ ਨੂੰ ਵੋਟਾਂ ਪਾ ਕੇ ਦੱਸ ਦੇਣਗੇ ਕਿ ਉਹ ਸਥਾਨਕ ਵਿਧਾਇਕ ਤੇ ਮੰਤਰੀ ਬਲਵੀਰ ਸਿੰਘ ਸਿੱਧੂ ਤੇ ਉਸ ਦੀ ਭ੍ਰਿਸ਼ਟ ਜੁੰਡਲ਼ੀ ਤੋਂ ਸ਼ਹਿਰ ਨੂੰ ਨਿਜਾਤ ਦਿਵਾਉਣ ਲਈ ਆਜ਼ਾਦ ਗਰੁੱਪ ਮੁਹਾਲੀ ਨੂੰ ਜਿਤਾਉਣਗੇ। ਉਨ੍ਹਾਂ ਕਿਹਾ ਕਿ ਪਿਛਲੇ ਪੰਜ ਸਾਲ ਵੀ ਉਹਨਾਂ ਮੁਹਾਲੀ ਦਾ ਇਕ-ਸਾਰ, ਲਗਾਤਾਰ ਤੇ ਬਿਨਾ ਪੱਖਪਾਤ ਤੋਂ ਵਿਕਾਸ ਕੀਤਾ ਤੇ ਅੱਗੇ  ਵੀ ਇਹੀ ਨੀਤੀ ਜਾਰੀ ਰਹੇਗੀ।
     ਬਲਵੀਰ ਸਿੰਘ ਸਿੱਧੂ ਵੱਲੋਂ ਆਪਣੇ ਸੌੜੇ ਹਿੱਤਾਂ ਨੂੰ ਮੁੱਖ ਰੱਖ ਕੇ ਜਿਵੇਂ ਸ਼ਹਿਰ ਦੇ ਸੈਕਟਰਾਂ ਤੇ ਪਿੰਡਾਂ ਨੂੰ ਟੁਕੜੇ ਟੁਕੜੇ ਕਰਕੇ ਵਾਰਡਬੰਦੀ ਕੀਤੀ ਗਈ ਹੈ, ਸ਼ਹਿਰ ਦੇ ਲੋਕ ਇਸ ਤੋਂ ਨਾਰਾਜ਼ ਹਨ ਅਤੇ ਉਹ ਸ਼ਹਿਰ ਦੇ ਵਿਕਾਸ ਦੀ ਥਾਂ ਆਪਣੇ ਵਿਅਕਤੀਆਂ ਦੇ ਵਿਕਾਸ ਲਈ ਇਸ ਨੀਤੀ ਨੂੰ ਨਾਕਾਰ ਦੇਣਗੇ।
       ਆਜ਼ਾਦ ਗਰੁੱਪ ਦੇ ਟੀਚਿਆਂ ਬਾਰੇ ਬੋਲਦਿਆਂ ਉਨ੍ਹਾਂ ਕਿਹਾ ਕਿ ਸ਼ਹਿਰ ਦਾ ਪਹਿਲਾਂ ਦੀ ਤਰ੍ਹਾਂ ਭ੍ਰਿਸ਼ਟਾਚਾਰ ਰਹਿਤ ਵਿਕਾਸ ਜਾਰੀ ਰਹੇਗਾ। ਪਿਛਲੇ ਸਮੇਂ ਦੌਰਾਨ ਸ਼ਹਿਰ ਦੇ ਵਿਕਾਸ ਲਈ ਪਾਸ ਕੀਤੇ 200 ਟੈਂਡਰ, ਜੋ ਬਲਵੀਰ ਸਿੰਘ ਸਿੱਧੂ ਵੱਲੋਂ ਰੁਕਵਾ ਦਿੱਤੇ ਗਏ ਸਨ ਉਹ ਜਾਰੀ ਕੀਤੇ ਜਾਣਗੇ।
        ਆਪਣੀਆਂ ਉਪਲਬਧੀਆਂ ਗਿਣਾਉਂਦਿਆਂ ਕੁਲਵੰਤ ਸਿੰਘ ਨੇ ਦੱਸਿਆ ਕਿ ਸ਼ਹਿਰ ਦੇ ਪਾਰਕਾਂ, ਸੜਕਾਂ, ਪਾਰਕਿੰਗ ਥਾਂਵਾਂ, ਸਫਾਈ, ਸੀਵਰੇਜ, ਸਿਹਤ ਲਈ ਜਿੰਮ,  ਫਿਰ ਸੁਥਰਾ ਪਾਣੀ, ਸਟਰੀਟ ਲਾਈਟਾਂ ਆਦਿ ਵਿਕਾਸ ਕਾਰਜਾਂ ਨੂੰ ਨਿਰਵਿਘਨ ਜਾਰੀ ਰੱਖਿਆ ਸੀ ਤੇ ਸ਼ਹਿਰ ਲਈ ਨਵੀਂ ਸੀਵਰੇਜ ਲਾਈਨਤੇ ਪਾਣੀ ਦੀ ਲਾਈਨ ਸ਼ੁਰੂ ਕਰਵਾਈ ਗਈ ਸੀ ਜੋ ਵਿਕਾਸ ਅਧੀਨ ਹੈ।
        ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਸ਼ਹਿਰ ਲਈ ਆਧੁਨਿਕ ਪਰੂਨਿੰਗ ਮਸ਼ੀਨ ਲਿਆ ਕੇ ਦਰਖ਼ਤਾਂ ਦੀ ਛੰਗਾਈ ਕਰਨ, ਗੈਸ ਪਾਈਪ ਲਾਈਨ, ਸਿਟੀ ਬੱਸ ਸਰਵਿਸ, ਗਮਾਡਾ ਅਧੀਨ ਆਉਂਦੇ ਸੈਕਟਰਾਂ ਦੇ ਮਹਿੰਗੇ ਪਾਣੀ ਬਿੱਲਾਂ ਨੂੰ ਕਾਰਪੋਰੇਸ਼ਨ ਅਧੀਨ ਲਿਆਉਣ, ਸੋਸਾਇਟੀਆਂ ਦਾ ਸ਼ਹਿਰ ਦੇ ਬਾਕੀ ਹਿੱਸਿਆਂ ਦੀ ਤਰ੍ਹਾਂ ਵਿਕਾਸ ਕਰਨ ਲਈ ਮਤੇ ਪਾਸ ਕੀਤੇ ਸਨ ਪਰ ਸ. ਬਲਵੀਰ ਸਿੰਘ ਸਿੱਧੂ ਨੇ ਸਰਕਾਰ ਚ ਹੁੰਦਿਆਂ ਸ਼ਹਿਰ ਦੇ ਵਿਕਾਸ ਲਈ ਕੋਈ ਸਰਕਾਰੀ ਮਦਦ ਦੇਣ ਦੀ ਬਜਾਏ ਆਪਣੇ ਸੌੜੇ ਹਿਤਾਂ ਲਈ ਉਪਰਲੇ ਕਾਰਜਾਂ ਨੂੰ ਰੁਕਵਾ ਕੇ ਸ਼ਹਿਰ ਦਾ ਵਿਕਾਸ ਰੋਕਿਆ ਜਿਸ ਦਾ ਖ਼ਮਿਆਜ਼ਾ ਹੁਣ ਉਸ ਨੂੰ ਭੁਗਤਣਾ ਪਵੇਗਾ, ਤੇ ਸ਼ਹਿਰ ਦੇ ਲੋਕ ਹੁਣ ਵਿਆਜ ਸਮੇਤ ਮੂਲ ਮੋੜਨਗੇ। ਅੱਜ ਉਨ੍ਹਾਂ ਸ਼ਹਿਰ ਦੇ ਉਮੀਦਵਾਰਾਂ ਦੀ ਇਹ ਪਹਿਲੀ ਲਿਸਟ ਵੀ ਜਾਰੀ ਕੀਤੀ। ਜਿਸ ਵਿੱਚ ਵਾਰਡ ਨੰਬਰ
1 ਤੋਂ ਹਰਮਨਦੀਪ ਕੌਰ ਬਰਾੜਵਾਲੀਆ,
ਵਾਰਡ ਨੰਬਰ 8 ਤੋਂ ਇੰਦਰਜੀਤ ਸਿੰਘ ਖੋਖਰ, ਵਾਰਡ ਨੰਬਰ 9
 ਤੋਂ ਸਰਬਜੀਤ ਕੌਰ ਮਾਨ, ਵਾਰਡ ਨੰਬਰ
10 ਤੋਂ ਪਰਮਜੀਤ ਸਿੰਘ ਕਾਹਲੋਂ, ਵਾਰਡ ਨੰਬਰ 11 ਤੋਂ ਭੁਪਿੰਦਰਪਾਲ ਕੌਰ, ਵਾਰਡ ਨੰਬਰ 14 ਤੋਂ ਜਗਤਾਰ ਸਿੰਘ ਬੈਦਵਾਨ ਕੁੰਭੜਾ, ਵਾਰਡ ਨੰਬਰ
16 ਤੋਂ ਬੀ ਐਨ ਕੋਟਨਾਲਾ, ਵਾਰਡ ਨੰਬਰ
18 ਤੋਂ ਉਪਿੰਦਰਪ੍ਰੀਤ ਕੌਰ ਗਿੱਲ, ਵਾਰਡ ਨੰਬਰ 21 ਤੋਂ ਅੰਜਲੀ ਸਿੰਘ, ਵਾਰਡ ਨੰਬਰ
22 ਤੋਂ ਹਰਚੇਤ ਸਿੰਘ, ਵਾਰਡ ਨੰਬਰ
23 ਤੋਂ ਦਿਲਪ੍ਰੀਤ ਕੌਰ ਆਹਲੂਵਾਲੀਆ,
ਵਾਰਡ ਨੰਬਰ 24 ਤੋਂ ਚੰਨਣ ਸਿੰਘ,
ਵਾਰਡ ਨੰਬਰ 26 ਤੋਂ ਰਵਿੰਦਰ ਸਿੰਘ ਕੁੰਭੜਾ, ਵਾਰਡ ਨੰਬਰ
28 ਤੋਂ ਰਮਨਪ੍ਰੀਤ ਕੌਰ ਕੁੰਭੜਾ,
ਵਾਰਡ ਨੰਬਰ
29 ਤੋਂ ਰਜਿੰਦਰ ਕੌਰ ਕੁੰਭੜਾ,
ਵਾਰਡ ਨੰਬਰ 30 ਤੋਂ ਜਸਬੀਰ ਕੌਰ ਅਤਲੀ,
ਵਾਰਡ ਨੰਬਰ 31 ਤੋਂ ਰਜਨੀ ਗੋਇਲ,
ਵਾਰਡ ਨੰਬਰ 32 ਤੋਂ ਸੁਰਿੰਦਰ ਸਿੰਘ ਰੋਡਾ,
ਵਾਰਡ ਨੰਬਰ 33 ਤੋਂ ਹਰਜਿੰਦਰ ਕੌਰ ਸੋਹਾਣਾ, ਵਾਰਡ ਨੰਬਰ 34 ਤੋਂ ਸੁਖਦੇਵ ਸਿੰਘ ਪਟਵਾਰੀ, ਵਾਰਡ ਨੰਬਰ 36 ਤੋਂ  ਰੋਮੇਸ਼ ਪ੍ਰਕਾਸ਼ ਕੰਬੋਜ,
ਵਾਰਡ ਨੰਬਰ 38 ਤੋਂ ਸਰਬਜੀਤ ਸਿੰਘ ਸਮਾਨਾ, ਵਾਰਡ ਨੰਬਰ 39 ਤੋਂ ਕਰਮਜੀਤ ਕੌਰ, ਵਾਰਡ ਨੰਬਰ
42 ਤੋਂ ਕੁਲਵੰਤ ਸਿੰਘ, ਵਾਰਡ ਨੰਬਰ
45 ਤੋਂ ਉਮਾ ਸ਼ਰਮਾ, ਵਾਰਡ ਨੰਬਰ
47 ਤੋਂ ਮੋਨਿਕਾ ਸ਼ਰਮਾ,
ਵਾਰਡ ਨੰਬਰ 48 ਤੋਂ ਰਜਿੰਦਰ ਪ੍ਰਸਾਦ ਸ਼ਰਮਾ, ਵਾਰਡ ਨੰਬਰ 49 ਤੋਂ ਹਰਜਿੰਦਰ ਕੌਰ ਅਤੇ ਵਾਰਡ ਨੰਬਰ
50 ਤੋਂ ਗੁਰਮੀਤ ਕੌਰ  ਉਮੀਦਵਾਰ ਹਨ।ਇਸ ਮੌਕੇ ਆਜ਼ਾਦ ਗਰੁੱਪ ਦੇ ਆਗੂ ਪਰਵਿੰਦਰ ਸਿੰਘ ਸੋਹਾਣਾ ਮੇ ਕਿਹਾ ਕਿ ਦੂਸਰੀ ਲਿਸਟ ਵੀ ਅਗਲੇ ਕੁੱਝ ਦਿਨਾਂ 'ਚ ਜਾਰੀ ਕੀਤੀ ਜਾਏਗੀ।