ਲੁਧਿਆਣਾ : ਲੋਕ ਸਭਾ ਚੋਣਾਂ ਨੂੰ ਮਦੇਨਜ਼ਰ ਖੰਨਾ ਪੁਲਿਸ ਵਲੋ ਜੀ.ਟੀ ਰੋਡ ਪਿੰਡ ਲਿਬੜਾ ਵਿਖੇ ਨਾਕਾਬੰਦੀ ਕਰ ਕੇ ਵਹੀਕਲਾਂ ਦੀ ਚੈਕਿੰਗ ਕੀਤੀ ਜਾ ਰਹੀ ਸੀ ਤਾਂ ਕਾਰ ਵੈਗਨਰ ਨੰਬਰ ਡੀ.ਐੱਲ-01-ਆਰ.ਟੀ.ਬੀ-7451 ਜਿਸ ਵਿਚ ਵਿਅਕਤੀ ਸਵਾਰ ਸਨ, ਜਿਨ੍ਹਾਂ ਨੂੰ ਉਕਤ ਸਟੈਟਿਕ ਸਰਵੈਲੈਂਸ ਟੀਮ ਵਲੋਂ ਰੁਕਣ ਦਾ ਇਸ਼ਾਰਾ ਕੀਤਾ ਤਾਂ ਕਾਰ ਚਾਲਕ ਨੇ ਗੱਡੀ ਭਜਾਉਣ ਦੀ ਕੋਸ਼ਿਸ਼ ਕੀਤੀ, ਜਿਸਨੂੰ ਬੈਰੀਕੇਡ ਦੀ ਮਦਦ ਨਾਲ ਰੋਕਿਆ ਗਿਆ। ਕਾਰ ਚਲਾਕ ਨੇ ਅਪਣਾ ਨਾਮ ਗਜਿੰਦਰ ਗੌਤਮ ਪੁੱਤਰ ਚੰਦਰਪਾਲ ਅਤੇ ਦੂਸਰੇ ਵਿਅਕਤੀ ਨੇ ਅਪਣਾ ਨਾਮ ਜੈਕਬ ਪੁੱਤਰ ਰੋਬਟ ਦਸਿਆ। ਤਲਾਸ਼ੀ ਦੌਰਾਨ ਕਾਰ ਵਿਚ ਪਏ ਕਾਲੇ ਰੰਗ ਦੇ ਬੈਗ ਵਿਚੋਂ 1 ਕਿਲੋ ਹੈਰੋਇਨ ਬਰਾਮਦ ਹੋਈ। ਜਿਸ ਸਬੰਧੀ ਉਕਤ ਵਿਅਕਤੀਆਂ ਵਿਰੁਧ ਮੁੱਕਦਮਾ ਦਰਜ ਕਰ ਕੇ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਮੁਲਜ਼ਮਾਂ ਤੋਂ ਪੁੱਛਗਿੱਛ ਜਾਰੀ ਹੈ, ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।