ਅਮਿਤਾਭ ਬੱਚਨ ਨੇ ਸਾਂਝੀ ਕੀਤੀ ਸੈਲਫੀ, ਲਿਖਿਆ ਪ੍ਰੇਰਣਾਦਾਇਕ ਸੰਦੇਸ਼

ਬਾਲੀਵੁੱਡ ਸੁਪਰਸਟਾਰ ਅਮਿਤਾਭ ਬੱਚਨ ਇਸ ਸਮੇਂ ਕੁਇਜ਼ ਸ਼ੋਅ 'ਕੌਣ ਬਨੇਗਾ ਕਰੋੜਪਤੀ' (KBC) ਦੇ 12 ਵੇਂ ਸੀਜ਼ਨ ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ। ਮੇਗਾਸਟਾਰ ਅਮਿਤਾਭ ਬੱਚਨ ਦੋ ਦਹਾਕਿਆਂ ਤੋਂ ਕੇਬੀਸੀ ਦਾ ਹਿੱਸਾ ਰਹੇ ਹਨ। 78 ਸਾਲਾ ਅਦਾਕਾਰ ਸਹੀ ਸਾਵਧਾਨੀ ਨਾਲ ਕੰਮ ਕਰ ਰਹੇ ਹਨ। ਬਿੱਗ ਬੀ ਨੇ ਆਪਣੇ ਪ੍ਰਸ਼ੰਸਕਾਂ ਨਾਲ ਇਕ ਸੈਲਫੀ ਸ਼ੇਅਰ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਸਾਰੇ ਕੋਰੋਨਾ ਵਾਇਰਸ ਮਹਾਂਮਾਰੀ ਦੇ ਵਿਚਕਾਰ ਕੰਮ ਕਰਨ ਲਈ ਇਕੱਠੇ ਹਾਂ। ਅਮਿਤਾਭ ਬੱਚਨ ਨੂੰ ਜੁਲਾਈ ਵਿਚ ਕੋਰੋਨਾ ਹੋ ਗਿਆ ਸੀ। ਉਨ੍ਹਾਂ ਦੇ ਨਾਲ ਉਨ੍ਹਾਂ ਦੇ ਬੇਟੇ ਅਭਿਸ਼ੇਕ ਬੱਚਨ, ਨੂੰਹ ਐਸ਼ਵਰਿਆ ਬੱਚਨ ਅਤੇ ਪੋਤੀ ਆਰਾਧਿਆ ਵੀ ਪੀੜਤ ਹੋਏ ਸਨ ਜੋ ਕੋਰੋਨਾ ਕਾਰਨ ਹਸਪਤਾਲ ਵਿੱਚ ਦਾਖਲ ਹੋਏ ਸਨ। ਠੀਕ ਹੋਣ ਤੋਂ ਬਾਅਦ ਦਿੱਗਜ ਅਭਿਨੇਤਾ ਅਮਿਤਾਭ ਬੱਚਨ ਆਪਣੇ ਕੰਮ 'ਤੇ ਵਾਪਸ ਪਰਤ ਆਏ। ਕੋਰੋਨਾ ਤੋਂ ਠੀਕ ਹੋਣ ਅਤੇ ਸੈਟ 'ਤੇ ਪਰਤਣ ਤੱਕ, ਬਿੱਗ ਬੀ ਨੇ ਹਮੇਸ਼ਾਂ ਆਪਣੇ ਪ੍ਰਸ਼ੰਸਕਾਂ ਲਈ ਪ੍ਰੇਰਣਾਦਾਇਕ ਸੰਦੇਸ਼ ਸਾਂਝੇ ਕੀਤੇ ਹਨ।

ਅਮਿਤਾਭ ਬੱਚਨ ਨੇ ਸੋਮਵਾਰ ਨੂੰ ਕੰਮ 'ਤੇ ਜਾਂਦੇ ਹੋਏ ਪ੍ਰਸ਼ੰਸਕਾਂ ਨੂੰ ਪ੍ਰੇਰਿਤ ਕਰਦਿਆਂ ਇਕ ਵਿਸ਼ੇਸ਼ ਸੈਲਫੀ ਪੋਸਟ ਕੀਤੀ। ਸਟਾਈਲਿਸ਼ ਟਾਈਗਰ ਪ੍ਰਿੰਟ ਮਾਸਕ ਪਹਿਨੇ ਬਿੱਗ ਬੀ ਨੇ ਇੰਸਟਾਗ੍ਰਾਮ 'ਤੇ ਇਕ ਪ੍ਰੇਰਣਾਦਾਇਕ ਸੁਨੇਹਾ ਵੀ ਸਾਂਝਾ ਕੀਤਾ ਹੈ। ਅਮਿਤਾਭ ਬੱਚਨ ਨੇ ਇੰਸਟਾਗ੍ਰਾਮ 'ਤੇ ਇਕ ਸੈਲਫੀ ਸਾਂਝੀ ਕੀਤੀ ਅਤੇ ਲਿਖਿਆ-' ਆਫ ਟੂ ਵਰਕ..ਰੋਜਾਨਾ ਵਰਗਾ ਇਕ ਲੰਬਾ ਦਿਨ... ਸੁਰੱਖਿਅਤ ਰਹੋ..ਤੁਸੀਂ ਇਕੱਲੇ ਨਹੀਂ ਹੋ....ਅਸੀਂਸਾਰੇ ਇਕੱਠੇ ਹਾਂ ਅਤੇ ਇਕੱਠੇ ਲੜਨ ਲਈ ਜੀਉਂਦੇ ਰਹਾਂਗੇ....ਤੁਹਾਨੂੰ ਸਭ ਨੂੰ ਪਿਆਰ ਕਰਦਾ ਹਾਂ। '