ਐਪਲ ਅਗਲੇ ਕੁਝ ਸਾਲਾਂ ’ਚ ਆਪਣਾ 5ਜੀ ਸਮਾਰਟਫੋਨ ਲਾਂਚ ਕਰ ਸਕਦੀ ਹੈ। ਨਵੀਂ ਰਿਪੋਰਟ ਮੁਤਾਬਕ, ਐਪਲ ਆਈਫੋਨ ਆਪਣੇ 5ਜੀ ਸਮਾਰਟਫੋਨ ਲਈ ਦੋ ਮੋਬਾਇਲ ਮਾਡਮ ਬਣਾਉਣ ਵਾਲੀਆਂ ਕੰਪਨੀਆਂ ’ਤੇ ਨਿਰਭਰ ਹੈ। ਇਹ ਦੋ ਕੰਪਨੀਆਂ ਕੁਆਲਕਾਮ ਅਤੇ ਸੈਮਸੰਗ ਹਨ। ਇਹ ਜਾਣਕਾਰੀ ਐਪਲ ਅਤੇ ਕੁਆਲਕਾਮ ਵਿਚਾਲੇ ਚੱਲ ਰਹੇ ਹਾਈ ਪ੍ਰੋਫਾਇਲ ਕੇਸ ਦੇ ਸੈਟਲ ਹੋਣ ਤੋਂ ਬਾਅਦ ਸਾਹਮਣੇ ਆਈ ਹੈ। ਰਿਪੋਰਟ ’ਚ ਇਹ ਵੀ ਕਿਹਾ ਗਿਆ ਹੈ ਕਿ ਕੁਆਲਕਾਮ ਕੋਲ 5ਜੀ ਮਾਡਮ ਦੇ ਸਪਲਾਇਰ ਹੋਣ ਦੀ ਸਮਰੱਥਾ ਹੈ, ਜਦੋਂ ਕਿ ਸੈਮਸੰਗ ਚੁਣੇ ਹੋਏ ਬਾਜ਼ਾਰਾਂ ’ਚ ਹੀ ਮਾਡਲ ਦੀ ਸਪਲਾਈ ਕਰਦਾ ਹੈ। MacRumors ਦੀ ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਐਪਲ ਦੇ ਐਨਾਲਿਸਟ ਮਿੰਗ-ਚੀ ਕੁਓ ਨੇ ਆਪਣੇ ਨੋਟ ’ਚ ਇਨ੍ਹਾਂ ਬਦਲਾਵਾਂ ਬਾਰੇ ਗੱਲ ਕੀਤੀ ਹੈ। ਇਸ ਰਿਪੋਰਟ ਮੁਤਾਬਕ, ਐਪਲ ਆਪਣੀ 5ਜੀ ਮਾਡਮ ਲਈ ਦੋ ਸਪਲਾਇਰਾਂ ਨਾਲ ਗੱਲ ਕਰਨਾ ਚਾਹ ਰਹੀ ਸੀ ਕਿ ਸੌਦਾਬਾਜ਼ੀ ਦੌਰਾਨ ਉਸ ਦਾ ਪ੍ਰਸ਼ਨ ਮਜ਼ਬੂਤ ਹੋ ਸਕੇ ਤਾਂ ਜੋ ਕੰਪਨੀ ਦੇ ਆਉਣ ਵਾਲੇ 5ਜੀ ਸਮਾਰਟਫੋਨ ਦੀ ਲਾਗਤ ਘੱਟ ਹੋ ਸਕੇ।  ਇਸ ਦੇ ਨਾਲ ਹੀ ਰਿਪੋਰਟ ’ਚ ਦਾਅਵਾ ਕੀਤਾ ਗਿਆ ਹੈ ਕਿ ਐਪਲ ਆਪਣੇ 5ਜੀ ਸਮਾਰਟਫੋਨ ਲਈ ਦੂਜੇ ਮਾਡਮ ਬਣਾਉਣ ਵਾਲੀ ਕੰਪਨੀ ਜਿਵੇਂ ਹੁਆਵੇਈ, ਮਿਡੀਆਟੈੱਕ ਅਤੇ ਇਥੋਂ ਤਕ ਕਿ ਇਨਟੈੱਲ ਨਾਲ ਗੱਲ ਨਹੀਂ ਕਰ ਰਹੀ ਹੈ। ਉਥੇ ਹੀ ਕਾਰਨ ਹੈ ਕਿ ਐਪਲ ਨੇ ਕੁਆਲਕਾਮ ਦੇ ਨਾਲ ਚੱਲ ਰਹੇ ਆਪਣੇ ਕੇਸ ਦਾ ਕੋਰਟ ਤੋਂ ਬਾਹਰ ਨਿਪਟਾਰਾ ਕਰ ਲਿਆ ਹੈ। ਇਸ ਤੋਂ ਪਹਿਲਾਂ ਇਨਟੈੱਲ ਨੇ ਐਲਾਨ ਕੀਤਾ ਸੀ ਕਿ ਉਹ 5ਜੀ ਕੈਪੇਬਲ ਮਾਡਮ ਦਾ ਫੈਸਲਾ ਨਹੀਂ ਕਰੇਗਾ।  ਮਿੰਗ-ਚੀ ਕੁਓ ਮੁਤਾਬਕ, ਐਪਲ ਨੂੰ ਉਮੀਦ ਹੈ ਕਿ ਉਹ ਸਾਲ 2020 ਤਕ 195 ਤੋਂ 200 ਮਿਲੀਅਨ ਆਈਫੋਨ ਸ਼ਿਪ ਕਰੇਗੀ। ਇਸ ਦੇ ਨਾਲ ਹੀ ਕੰਪਨੀ ਦਾ ਟੀਚਾ ਹੈ ਕਿ ਉਹ 70-75 ਮਿਲੀਅਨ 5ਜੀ ਕੈਪੇਬਲ ਡਿਵਾਈ ਅੱਧੇ ਸਾਲ ’ਚ ਵੇਚੇ। ਉਤੇ ਹੀ ਜਾਣਕਾਰੀ ਮੁਤਾਬਕ, ਕੰਪਨੀ ਆਈਫੋਨ 8 ਦੇ ਡਿਜ਼ਾਈਨ ’ਚ ਬਦਲਾਅ ਕਰਦੇ ਵਾਪਸ ਪਰਤ ਸਕਦੀ ਹੈ। ਕੰਪਨੀ ਦਾ ਨਵਾਂ ਰਿਫ੍ਰੈਸ਼ਡ ਫੋਨ Apple A13 SoC ਦੇ ਨਾਲ ਆ ਸਕਦਾ ਹੈ।