ਚੰਡੀਗੜ੍ਹ : ਸੂਬੇ ਦੇ ਸਿਹਤ ਵਿਭਾਗ ਵੱਲੋਂ ਬੁੱਧਵਾਰ ਨੂੰ ਜਾਰੀ ਕੀਤੇ ਗਏ ਬੁਲੇਟਿਨ ਅਨੁਸਾਰ ਅੱਜ 31 ਮਰੀਜ਼ ਕੋਰੋਨਾ ਕਾਰਨ ਦਮ ਤੋੜ ਗਏ ਹਨ ਜਦਕਿ 549 ਨਵੇਂ ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ। ਅੱਜ ਦੇ ਮਰੀਜ਼ਾਂ ਸਣੇ ਕੋਰੋਨਾ ਦਾ ਅੰਕੜਾ 1 ਲੱਖ 25 ਹਜ਼ਾਰ 760 ਤੱਕ ਪਹੁੰਚ ਗਿਆ ਹੈ। ਇਸਦੇ ਇਲਾਵਾ ਅੱਜ 970 ਮਰੀਜ਼ ਕੋਰੋਨਾ ਕਾਰਨ ਠੀਕ ਹੋਏ ਹਨ। ਹੁਣ ਠੀਕ ਹੋਏ ਮਰੀਜ਼ 1ਲੱਖ 14 ਹਜ਼ਾਰ 75 ਹੋ ਗਏ ਹਨ। ਅੱਜ ਮਰਨ ਵਾਲਿਆਂ 'ਚ ਮੁਹਾਲੀ 9, ਜਲੰਧਰ 5, ਲੁਧਿਆਣਾ 3, ਪਟਿਆਲਾ 3, ਫਿਰੋਜ਼ਪੁਰ 2, ਮੁਕਤਸਰ 2, ਪਠਾਨਕੋਟ 2, ਅੰਮ੍ਰਿਤਸਰ 1, ਬਰਨਾਲਾ 1, ਫਰੀਦਕੋਟ 1, ਹੁਸ਼ਿਆਰਪੁਰ 1 'ਤੇ ਸੰਗਰੂਰ ਤੋਂ 1 ਸ਼ਾਮਿਲ ਹਨ।
ਸੂਬੇ ਦੇ ਸਿਹਤ ਵਿਭਾਗ ਅਨੁਸਾਰ ਹੁਣ ਤੱਕ 22 ਲੱਖ 18 ਹਜ਼ਾਰ 914 ਸ਼ੱਕੀ ਮਰੀਜ਼ਾਂ ਦੇ ਸੈਂਪਲ ਲਏ ਗਏ ਹਨ। ਜਿਹਨਾਂ ਵਿੱਚੋਂ 1 ਲੱਖ 25 ਹਜ਼ਾਰ 760 ਕੇਸ ਪਾਜ਼ੇਟਿਵ ਪਾਏ ਗਏ ਹਨ। 1 ਲੱਖ 14 ਹਜ਼ਾਰ 075 ਮਰੀਜ਼ ਕੋਰੋਨਾ ਖਿਲਾਫ ਜੰਗ ਜਿੱਤ ਕੇ ਘਰਾਂ ਨੂੰ ਚਲੇ ਗਏ ਹਨ। 7760 ਕੇਸ ਐਕਟਿਵ ਹਨ ਜਿਹੜੇ ਕਿ ਸੂਬੇ ਦੇ ਵੱਖ ਵੱਖ ਹਸਪਤਾਲਾਂ ਵਿੱਚ ਇਲਾਜ ਅਧੀਨ ਹਨ। 176 ਮਰੀਜ਼ ਆਕਸੀਜਨ ਸਹਾਰੇ ਹਨ 'ਤੇ 32 ਵੈਂਟੀਲੇਟਰ 'ਤੇ ਹਨ। ਪੂਰੇ ਪੰਜਾਬ 'ਚੋਂ ਹੁਣ ਤੱਕ 3925 ਮਰੀਜ਼ ਦਮ ਤੋੜ ਗਏ ਹਨ।
ਸਿਹਤ ਵਿਭਾਗ ਦੇ ਬੁਲੇਟਿਨ ਅਨੁਸਾਰ ਅੱਜ ਪੰਜਾਬ 'ਚੋਂ ਆਕਸੀਜਨ ਸਪੋਰਟ 'ਤੇ ਆਈਸੀਯੂ ਮਰੀਜ਼ਾਂ ਦੀ ਗਿਣਤੀ ਨਿੱਲ ਆਈ ਹੈ। ਲੁਧਿਆਣਾ 3, ਹੁਸ਼ਿਆਰਪੁਰ 2, ਕਪੂਰਥਲਾ 1, ਬਠਿੰਡਾ 1, ਜਲੰਧਰ 1 ਵੈਂਟੀਲੇਟਰ 'ਤੇ ਪਾਏ ਗਏ ਹਨ। ਪੂਰੇ ਪੰਜਾਬ ਵਿੱਚੋਂ 29 ਹਜ਼ਾਰ 447 ਸ਼ੱਕੀ ਮਰੀਜ਼ਾਂ ਦੇ ਸੈਂਪਲ ਲਏ ਗਏ ਹਨ।