ਚੰਡੀਗੜ੍ਹ. () : ਸੀ. ਆਈ. ਏ. ਸਟਾਫ-2 ਪੁਲਸ ਨੇ 19 ਪੇਟੀਆਂ ਨਾਜਾਇਜ਼ ਸ਼ਰਾਬ ਸਮੇਤ ਚਾਰ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੀ. ਆਈ. ਏ. ਸਟਾਫ-2 ਦੇ ਏ. ਐੱਸ. ਆਈ. ਅਵਤਾਰ ਸਿੰਘ ਨੇ ਦੱਸਿਆ ਕਿ ਉਹ ਟੀਮ ਸਮੇਤ ਖਰਡ਼- ਮੋਹਾਲੀ ਕੌਮੀ ਮਾਰਗ ਬਾਂਸਾਂ ਵਾਲੀ ਚੁੰਗੀ ਖਰਡ਼ ’ਤੇ ਮੌਜੂਦ ਸਨ ਤਾਂ ਇਤਲਾਹ ਮਿਲੀ ਕਿ ਅੱਜ ਸੈਕਟਰ-29ਸੀ, ਚੰਡੀਗਡ਼੍ਹ ਦੇ ਸ਼ਰਾਬ ਦੇ ਠੇਕੇ ਤੋਂ ਦੋ ਕਾਰਾਂ (ਪੀ. ਬੀ. 65 ਸੀ.-2244 ਤੇ ਪੀ. ਬੀ. 02 ਬੀ. ਈ.-1717) ਵਿਚ ਚੰਡੀਗਡ਼੍ਹ ਤੋਂ ਸ਼ਰਾਬ ਅਤੇ ਬੀਅਰ ਸਸਤੇ ਭਾਅ ਖਰੀਦ ਕੇ ਅੰਮ੍ਰਿਤਸਰ ਦੇ ਏਰੀਏ ਵਿਚ ਮਹਿੰਗੇ ਭਾਅ ਲਈ ਵੇਚਣ ਜਾ ਰਹੇ ਹਨ। ਪੁਲਸ ਨੇ ਤੁਰੰਤ ਨਾਕਾਬੰਦੀ ਕਰ ਕੇ ਉਕਤ ਕਾਰਾਂ ਨੂੰ ਰੋਕਿਆ ਤਾਂ ਉਨ੍ਹਾਂ ਵਿਚੋਂ ਨਾਜਾਇਜ਼ ਸ਼ਰਾਬ ਦੀਆਂ 19 ਪੇਟੀਆਂ ਬਰਾਮਦ ਕੀਤੀਆਂ । ਪੁਲਸ ਨੇ ਮਨਪ੍ਰੀਤ ਸਿੰਘ ਪੁੱਤਰ ਸੁਰਿੰਦਰ ਸਿੰਘ ਵਾਸੀ ਖਡਾਲਾ ਰੋਡ ਅੰਮ੍ਰਿਤਸਰ, ਜਸਵੰਤ ਸਿੰਘ ਪੁੱਤਰ ਜੋਗਿੰਦਰ ਸਿੰਘ ਵਾਸੀ ਸੁਲਤਾਨ ਵਿੰਡ ਰੋਡ ਅੰਮ੍ਰਿਤਸਰ, ਦਿਵਿਆਂਸ਼ੂ ਮਹਾਜਨ ਪੁੱਤਰ ਜੀਵਨ ਵਿਕਾਸ ਮਹਾਜਨ ਵਾਸੀ ਅੰਮ੍ਰਿਤਸਰ ਤੇ ਗਗਨਦੀਪ ਸਿੰਘ ਪੁੱਤਰ ਤਿਰਲੋਚਨ ਸਿੰਘ ਵਾਸੀ ਪਿੰਡ ਹਰੀਪੁਰਾ ਜ਼ਿਲਾ ਅੰਮ੍ਰਿਤਸਰ ਨੂੰ ਗ੍ਰਿਫਤਾਰ ਕਰ ਕੇ ਉਨ੍ਹਾਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ।