ਭਾਰਤੀ ਟੀ-20 ਟੀਮ ਦੇ ਕਪਤਾਨ ਸੂਰਿਆਕੁਮਾਰ ਯਾਦਵ ਦਲੀਪ ਟਰਾਫੀ 2024-2025 ਦੇ ਪਹਿਲੇ ਪੜਾਅ ਤੋਂ ਬਾਹਰ ਹੋ ਗਏ ਹਨ। ਉਸ ਨੂੰ ਪਿਛਲੇ ਹਫਤੇ ਬੁਚੀ ਬਾਬੂ ਟੂਰਨਾਮੈਂਟ 'ਚ ਮੁੰਬਈ ਲਈ ਖੇਡਦੇ ਹੋਏ ਹੱਥ 'ਤੇ ਸੱਟ ਲੱਗ ਗਈ ਸੀ।
ਫਿਲਹਾਲ ਉਨ੍ਹਾਂ ਨੂੰ ਆਰਾਮ ਦੀ ਸਲਾਹ ਦਿੱਤੀ ਗਈ ਹੈ ਅਤੇ ਉਹ ਫਿਟਨੈੱਸ ਪ੍ਰਕਿਰਿਆ ਤੋਂ ਗੁਜ਼ਰਨ ਲਈ ਰਾਸ਼ਟਰੀ ਕ੍ਰਿਕਟ ਅਕੈਡਮੀ (NCA) 'ਚ ਮੌਜੂਦ ਹਨ। ਦੱਸ ਦੇਈਏ ਕਿ ਸੂਰਿਆਕੁਮਾਰ ਪਿਛਲੇ ਹਫਤੇ ਟੀਐਨਸੀਏ ਇਲੈਵਨ ਲਈ ਦੂਜੀ ਪਾਰੀ ਵਿੱਚ ਬੱਲੇਬਾਜ਼ੀ ਨਹੀਂ ਕਰ ਸਕੇ ਸਨ।
ਮੈਚ ਦੇ ਤੀਜੇ ਦਿਨ ਉਨ੍ਹਾਂ ਦੇ ਹੱਥ 'ਤੇ ਸੱਟ ਲੱਗ ਗਈ ਸੀ ਅਤੇ ਇਸ ਤੋਂ ਬਾਅਦ ਉਹ ਫੀਲਡਿੰਗ ਕਰਨ ਲਈ ਮੈਦਾਨ 'ਤੇ ਵੀ ਨਹੀਂ ਆਏ। ਉਸ ਸਮੇਂ ਮੁੰਬਈ ਟੀਮ ਦੇ ਪ੍ਰਬੰਧਕਾਂ ਨੇ ਮੰਨਿਆ ਸੀ ਕਿ ਸੂਰਿਆ ਨੂੰ ਗੰਭੀਰ ਜ਼ਖਮੀ ਹੋਣ ਤੋਂ ਬਚਾਉਣ ਲਈ ਫੀਲਡ ਅਤੇ ਬੱਲੇਬਾਜ਼ੀ ਲਈ ਨਹੀਂ ਭੇਜਿਆ ਗਿਆ ਸੀ।