ਲੁਧਿਆਣਾ : ਮਹਾਂਨਗਰ ’ਚ ਕੋਰੋਨਾ ਵਾਇਰਸ ਦੇ 22 ਨਵੇਂ ਕੇਸ ਸਾਹਮਣੇ ਆਉਣ ਤੋਂ ਬਾਅਦ ਤੜਥੱਲੀ ਮਚੀ ਹੋਈ ਹੈ। ਇਨ੍ਹਾਂ ਮਰੀਜ਼ਾਂ 'ਚ 2 ਬਲਾਤਕਾਰ ਦੇ ਦੋਸ਼ੀ ਅਤੇ 6 ਜੇਲ ਦੇ ਕੈਦੀ ਵੀ ਸ਼ਾਮਲ ਹਨ। ਬੀਤੀ ਰਾਤ ਸਿਵਲ ਸਰਜਨ ਵੱਲੋਂ ਜਾਰੀ ਉਕਤ ਰਿਪੋਰਟ ਦੇ ਹਵਾਲੇ 'ਚ ਦੱਸਿਆ ਗਿਆ ਹੈ ਕਿ ਹੋਰਨਾਂ ਮਰੀਜ਼ਾਂ 'ਚ ਦੋ ਆਰ. ਪੀ. ਐੱਫ. ਦੇ ਮੁਲਾਜ਼ਮ, 4 ਫਲੂ ਕਾਰਨਰ ਦੇ ਕੇਸ, 2 ਫਲੂ ਕਾਰਨਰ ਦੇ ਮੁਲਾਜ਼ਮ, 2 ਹਸਪਤਾਲ ਦੇ ਸਟਾਫ ਮੁਲਾਜ਼ਮ ਹਨ, ਜਦੋਂ ਕਿ ਇਕ ਯਾਤਰੀ ਅਤੇ 4 ਮਰੀਜ਼ਾਂ ਦਾ ਵੇਰਵੇ ਅਜੇ ਮਿਲਿਆ ਨਹੀਂ ਹੈ।
ਜੇਲ ਗਾਰਦ, ਮੈਡੀਕਲ ਅਧਿਕਾਰੀ ਅਤੇ ਬੰਦੀ ਹੋਣਗੇ ਕੁਅਰੰਟਾਈਨ
ਕਿਹਾ ਜਾਂਦਾ ਹੈ ਕਿ ਉਕਤ ਰਿਪੋਰਟ ਸ਼ਾਮ ਨੂੰ ਹੀ ਸਿਹਤ ਅਧਿਕਾਰੀਆਂ ਨੂੰ ਮਿਲ ਗਈ ਸੀ ਪਰ ਜੇਲ ਅਤੇ ਸਿਵਲ ਹਸਪਤਾਲ (civil hospital) 'ਚ ਹਫੜਾ-ਦਫੜੀ ਦੇ ਹਾਲਾਤ ਕਾਰਨ ਅਧਿਕਾਰੀਆਂ ਨੇ ਮਰੀਜ਼ਾਂ ਦਾ ਨਾਂ ਦੇਣਾ ਠੀਕ ਨਹੀਂ ਸਮਝਿਆ ਅਤੇ ਰਾਤ 10 ਵਜੇ ਦੇ ਕਰੀਬ ਸਿਰਫ ਇਹੀ ਕਿਹਾ ਗਿਆ ਕਿ 22 ਨਵੇਂ ਮਰੀਜ਼ ਸਾਹਮਣੇ ਆਏ ਹਨ।
ਇਹ ਖਬਰ ਵੀ ਦੇਖੋ : coronavirus : ਪਟਿਆਲਾ 'ਚ ਸਾਹਮਣੇ ਆਏ 2 ਨਵੇਂ ਕੇਸ
ਵਰਣਨਯੋਗ ਹੈ ਕਿ ਜ਼ਿਲੇ ਦੇ ਕੋਰੋਨਾ ਵਾਇਰਸ ਦੇ ਕੇਸਾਂ ਲਈ ਤਿੰਨ ਤੋਂ ਚਾਰ ਨੋਫਲ ਅਫਸਰ ਬਣਾਏ ਗਏ ਹਨ ਪਰ ਕਿਸੇ ਵੱਲੋਂ ਸਮੇਂ ’ਤੇ ਰਿਪੋਰਟਾਂ ਦਾ ਵੇਰਵਾ ਸਮੇਂ ’ਤੇ ਨਹੀਂ ਦਿੱਤਾ ਜਾਂਦਾ। ਦੇਰ ਨਾਲ ਰਿਪੋਰਟ ਜਾਰੀ ਕੀਤੀ ਜਾਂਦੀ ਹੈ। ਤਾਜਪੁਰ ਰੋਡ, ਬ੍ਰੋਸਟਲ ਜੇਲ ਦੀ ਕੁਅਰੰਟਾਈਨ ਬੈਰਕ 'ਚ 6 ਕੈਦੀਆਂ ਦੀ ਕੋਰੋਨਾਵਾਇਰਸ (coronavirus) ਦੀ ਰਿਪੋਰਟ ਪਾਜ਼ੇਟਿਵ ਆਉਣ ਕਾਰਨ ਬੈਰਕ 'ਚ ਡਿਊਟੀ ਕਰਨ ਵਾਲੇ ਕਰਮਚਾਰੀਆਂ, ਮੈਡੀਕਲ ਅਧਿਕਾਰੀਆਂ ਅਤੇ 50 ਦੇ ਲਗਭਗ ਕੈਦੀਆਂ ਦਾ ਕੋਰੋਨਾ ਟੈਸਟ ਹੋਣ ਦੇ ਉਪਰੰਤ ਕੁਆਰੰਟਾਈਨ ਹੋਣਾ ਪਵੇਗਾ।