ਬੇਗੂਸਰਾਏ : ਬਿਹਾਰ ਦੇ ਬੇਗੂਸਰਾਏ ਜ਼ਿਲ੍ਹੇ ਦੇ ਮਟਿਹਾਨੀ ਥਾਣਾ ਖੇਤਰ ਅਧੀਨ ਗੰਗਾ ਨਦੀ ਵਿੱਚ ਸੋਮਵਾਰ ਨੂੰ ਇਸ਼ਨਾਨ ਕਰਣ ਦੌਰਾਨ ਤਿੰਨ ਨੌਜਵਾਨ ਡੂੰਘੇ ਪਾਣੀ ਵਿੱਚ ਡੁੱਬ ਗਏ। ਪੁਲਿਸ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਤਿੰਨਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।
ਮਟਿਹਾਨੀ ਥਾਣਾ ਮੁਖੀ ਵਿਵੇਕ ਭਾਰਤੀ ਨੇ ਦੱਸਿਆ ਕਿ ਚਕੌਰ ਗੰਗਾ ਘਾਟ 'ਤੇ ਹੋਏ ਇਸ ਹਾਦਸੇ ਵਿੱਚ ਬੇਗੂਸਰਾਏ ਸ਼ਹਿਰ ਦੇ ਸ਼ਨਿਚਰਾ ਸਥਾਨ ਦੇ ਕਿਸ਼ਨ ਕੁਮਾਰ (18), ਮੁੰਗੇਰੀਗੰਜ ਨਿਵਾਸੀ ਅਨੁਰਾਗ ਕੁਮਾਰ (17) ਅਤੇ ਹੀਰਾਲਾਲ ਚੌਕ ਵਾਰਡ ਨੰਬਰ- 34 ਨਿਵਾਸੀ ਰਿਸ਼ੁ ਕੁਮਾਰ ਲਾਪਤਾ ਹਨ। ਜਾਣਕਾਰੀ ਅਨੁਸਾਰ ਇਹ ਤਿੰਨੇ ਆਪਣੇ ਇੱਕ ਹੋਰ ਮਿੱਤਰ ਨਾਲ ਗੰਗਾ ਇਸ਼ਨਾਨ ਕਰਨ ਗਏ ਸਨ।
ਗੰਗਾ ਨਦੀ ਵਿੱਚ ਇਸ਼ਨਾਨ ਕਰਨ ਦੌਰਾਨ ਕਿਸ਼ਨ ਦਾ ਪੈਰ ਤਿਲਕ ਗਿਆ ਅਤੇ ਉਹ ਡੂੰਘੇ ਪਾਣੀ ਚਲਾ ਗਿਆ ਜਿਸ ਦੇ ਬਾਅਦ ਅਨੁਰਾਗ ਅਤੇ ਰਿਸ਼ੁ ਨੇ ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਇਸ ਦੌਰਾਨ ਤਿੰਨਾਂ ਡੂੰਘੇ ਪਾਣੀ ਵਿੱਚ ਡੁੱਬ ਗਏ। ਚੌਥਾ ਮੁੰਡਾ ਸੁਰੱਖਿਅਤ ਪਾਣੀ ਵਿਚੋਂ ਬਾਹਰ ਆ ਗਿਆ। ਭਾਰਤੀ ਨੇ ਦੱਸਿਆ ਕਿ ਏਸਡੀਆਰਏਫ ਦੀ ਟੀਮ ਲਾਪਤਾ ਨੌਜਵਾਨਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।