ਮਤਰੇਈ ਮਾਂ ਤੇ ਸਕੇ ਪਿਓ ਨੇ ਬਚੇ ਨੂੰ ਦਿਤੀ ਦਿਲ ਕੰਬਾਉ ਸਜ਼ਾ

ਲੁਧਿਆਣਾ : ਪੰਜਾਬ ਦੇ ਜ਼ਿਲ੍ਹਾ ਲੁਧਿਆਣਾ ਵਿਚ ਇਕ ਅਜੀਬੋ-ਗ਼ਰੀਬ ਮਾਮਲਾ ਸਾਹਮਣੇ ਆਇਆ । ਜਿੱਥੇ ਇਕ ਸੱਤ ਸਾਲਾ ਬੱਚੇ ਨੇ ਜਦੋਂ ਭੁੱਖ ਲੱਗਣ ਕਾਰਨ ਆਪਣੇ ਹੀ ਘਰੋਂ ਇਕ ਸੇਬ ਚੁੱਕ ਕੇ ਖਾ ਲਿਆ ਤਾਂ ਉਸ ਦੀ ਮਤਰੇਈ ਮਾਂ ਨੇ ਉਸ ਦਾ ਕੁਟਾਪਾ ਚਾੜ੍ਹ ਦਿਤਾ ਅਤੇ ਬਾਪ ਨੇ ਚਾਕੂ ਨਾਲ ਉਸ ਛੋਟੇ ਬੱਚੇ ਨੂੰ ਜ਼ਖ਼ਮੀ ਕਰ ਦਿਤਾ। ਉੱਥੇ ਹੀ ਜਦੋਂ ਇਸ ਘਟਨਾ ਬਾਰੇ ਇਲਾਕਾ ਵਾਸੀਆਂ ਨੂੰ ਪਤਾ ਲੱਗਿਆ ਤੇ ਉਨ੍ਹਾਂ ਵੱਲੋਂ ਪੁਲਿਸ ਨੂੰ ਮੌਕੇ ’ਤੇ ਬੁਲਾਇਆ ਗਿਆ ਤੇ ਪੁਲਿਸ ਨੇ ਉਸ ਸੱਤ ਸਾਲਾਂ ਬੱਚੇ ਦੇ ਬਾਪ ਅਤੇ ਮਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆਅਤੇ ਕਾਰਵਾਈ ਸ਼ੁਰੂ ਕਰ ਦਿੱਤੀ।
ਉੱਥੇ ਹੀ ਜਾਣਕਾਰੀ ਦਿੰਦਿਆਂ ਪੁਲਿਸ ਨੇ ਦੱਸਿਆ ਕਿ ਬੱਚੇ ਦਾ ਪਿਤਾ ਡੇਢ ਸਾਲ ਪਹਿਲਾਂ ਉਸ ਨੂੰ ਪਿੰਡ ਤੋਂ ਆਪਣੇ ਨਾਲ ਲੈ ਕੇ ਆਇਆ ਸੀ ਅਤੇ ਖੁਦ ਇੱਕ ਦਰਜੀ ਦਾ ਕੰਮ ਕਰਦਾ ਹੈ, ਜਦ ਬੱਚੇ ਨੂੰ ਘਰ ਵਿੱਚ ਭੁੱਖ ਲੱਗਦੀ ਸੀ ਤਾਂ ਬੱਚਾ ਘਰ ਵਿੱਚ ਰੱਖੇ ਫਲ ਫਰੂਟ ਖਾ ਲੈਂਦਾ ਸੀ। ਜੋ ਕੀ ਉਸ ਦੇ ਪਿਤਾ ਦੇ ਵੱਲੋਂ ਅਤੇ ਮਤਰੇਈ ਮਾਂ ਦੇ ਵੱਲੋਂ ਬਰਦਾਸ਼ਤ ਨਹੀਂ ਕੀਤਾ ਜਾਂਦਾ ਸੀ। ਜਿਸ ਦੇ ਚੱਲਦੇ ਉਨ੍ਹਾਂ ਦੇ ਵੱਲੋਂ ਉਸ ਬੱਚੀ ਦੀ ਅਕਸਰ ਹੀ ਕੁੱਟਮਾਰ ਕੀਤੀ ਜਾਂਦੀ ਸੀ।
ਬੀਤੇ ਦਿਨੀਂ ਵੀ ਅਜਿਹਾ ਹੀ ਹੋਇਆ ਜਦ ਬੱਚੀ ਨੇ ਘਰ ਦੇ ਵਿੱਚੋਂ ਇੱਕ ਸੇਬ ਚੁਕ ਕੇ ਖਾ ਲਿਆ ਤੇ ਉਸ ਦੇ ਬਾਪ ਨੇ ਵੱਲੋਂ ਚਾਕੂ ਗਰਮ ਕਰ ਕੇ ਉਸ ਦਾ ਇੱਕ ਹੱਥ ਸਾੜ ਦਿੱਤਾ। ਫਿਰ ਜਦੋਂ ਬੱਚੇ ਦੇ ਕੋਲੋਂ ਜ਼ਖ਼ਮ ਸਹਿ ਨਹੀਂ ਹੋਇਆ ਤਾਂ ਉਸ ਬੱਚੇ ਨੇ ਰੌਲਾ ਪਾ ਕੇ ਮੁਹੱਲਾ ਵਾਸੀਆਂ ਨੂੰ ਸਾਰੀ ਆਪ ਬੀਤੀ ਸੁਣਾਈ ਜਿਸ ਤੋਂ ਬਾਅਦ ਮੁਹੱਲਾ ਵਾਸੀਆਂ ਵੱਲੋਂ ਪੁਲੀਸ ਨੂੰ ਸ਼ਿਕਾਇਤ ਕੀਤੀ ਤੇ ਪੁਲੀਸ ਵੱਲੋਂ ਕਾਰਵਾਈ ਕੀਤੀ ਜਾ ਰਹੀ ਹੈ।