ਕਈ ਥਾਂਵਾਂ ਤੇ ਬੈਨ ਹੋਈ ਫਿਲਮ Bell-Bottom

ਮੁੰਬਈ : ਅਕਸ਼ੇ ਕੁਮਾਰ ਦੀ ਫਿਲਮ ‘ਬੈਲ ਬੌਟਮ’ (Bell-Bottom) ਸਿਨੇਮਾਘਰਾਂ ‘ਚ ਲੱਗੀ ਹੋਈ ਹੈ। ‘ਬੈਲ ਬੌਟਮ’ ਨੂੰ ਦਰਸ਼ਕਾਂ ਅਤੇ ਫਿਲਮ ਆਲੋਚਕਾਂ ਦਾ ਰਲਵਾਂ -ਮਿਲਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਕੋਰੋਨਾ ਮਹਾਂਮਾਰੀ ਦੀਆਂ ਪਾਬੰਦੀਆਂ ਦੇ ਵਿਚਕਾਰ ਫਿਲਮ ‘ਬੈਲ ਬੌਟਮ’ ਦੁਨੀਆ ਭਰ ਵਿੱਚ ਰਿਲੀਜ਼ ਹੋਈ ਹੈ। ਹਾਲਾਂਕਿ ਤਿੰਨ ਦੇਸ਼ਾਂ ਨੇ ਇਸ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ।
ਸਾਊਦੀ ਅਰਬ, ਕੁਵੈਤ ਅਤੇ ਕਤਰ ਵਿੱਚ ਫਿਲਮ ‘ਬੈਲ ਬੌਟਮ’ (Bell-Bottom) ਵਿੱਚ ਦਿਖਾਏ ਗਏ ਤੱਥਾਂ ਨੂੰ ਗਲਤ ਦੱਸਿਆ ਗਿਆ ਹੈ। ਇਸ ਕਾਰਨ ਇਨ੍ਹਾਂ ਦੇਸ਼ਾਂ ‘ਚ ਫਿਲਮ’ ਤੇ ਪਾਬੰਦੀ ਲਗਾਈ ਗਈ ਹੈ। ਫਿਲਮ ਪ੍ਰਮਾਣੀਕਰਣ ਅਥਾਰਟੀ ਦਾ ਕਹਿਣਾ ਹੈ ਕਿ ਇਤਿਹਾਸਕ ਤੱਥਾਂ ਨਾਲ ਛੇੜਛਾੜ ਕੀਤੀ ਗਈ ਹੈ। ਇਸ ਕਾਰਨ, ਇਨ੍ਹਾਂ ਤਿੰਨਾਂ ਦੇਸ਼ਾਂ ਵਿੱਚ ‘ਬੈਲਬੌਟਮ’ ਦੀ ਸਕ੍ਰੀਨਿੰਗ ‘ਤੇ ਪਾਬੰਦੀ ਲਗਾਈ ਗਈ ਹੈ ।
‘ਬੈਲ ਬੌਟਮ’ (Bell-Bottom) ਇਕ ਜਾਸੂਸੀ ਥ੍ਰਿਲਰ ਫਿਲਮ ਹੈ।1980 ਦੇ ਦਹਾਕੇ ਵਿੱਚ ਜਹਾਜ਼ ਅਗਵਾ ਦੀ ਸੱਚੀ ਘਟਨਾ ਉੱਤੇ ਅਧਾਰਤ ਇਸ ਫਿਲਮ ਵਿੱਚ ਅਕਸ਼ੇ ਕੁਮਾਰ ਇੱਕ ਰਾਅ ਏਜੰਟ ਦੀ ਭੂਮਿਕਾ ਵਿੱਚ ਨਜ਼ਰ ਆਏ ਹਨ। ਰਿਪੋਰਟਾਂ ਅਨੁਸਾਰ, ਫਿਲਮ ਦੇ ਦੂਜੇ ਅੱਧ ਵਿੱਚ, ਅਕਸ਼ੈ ਕੁਮਾਰ ਅਤੇ ਉਸਦੇ ਸਾਥੀ ਅਗਵਾਕਾਰਾਂ ਨੇ ਗੱਲਬਾਤ ਅਤੇ ਲੜਾਈ ਦੁਆਰਾ ਜਹਾਜ਼ ਵਿੱਚ ਫਸੇ 210 ਲੋਕਾਂ ਨੂੰ ਬਚਾਇਆ ।
ਹਾਲਾਂਕਿ ਅਸਲ ਵਿਚ 1984 ਵਿੱਚ ਜਹਾਜ਼ਾਂ ਦੇ ਅਗਵਾ ਦੇ ਇਸ ਮਾਮਲੇ ਨੂੰ ਯੂਏਈ ਦੇ ਮੰਤਰੀ ਸ਼ੇਖ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ ਨੇ ਖੁਦ ਸੰਭਾਲਿਆ ਸੀ। ਉਸ ਨੇ ਲਾਹੌਰ ਤੋਂ ਦੁਬਈ ਪਹੁੰਚੇ ਇਸ ਜਹਾਜ਼ ਦੇ ਅਗਵਾਕਾਰਾਂ ਨੂੰ ਵੀ ਫੜ ਲਿਆ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਕਾਰਨ ਇਹ ਫਿਲਮ ਸਾਊਦੀ ਅਰਬ, ਕੁਵੈਤ ਅਤੇ ਕਤਰ ਵਿੱਚ ਰਿਲੀਜ਼ ਨਹੀਂ ਹੋਈ ਹੈ।