ਸਾਦਿਕ : ਅੱਜ ਇਥੋਂ ਦੇ ਨੇੜਲੇ ਪਿੰਡ ਪਿੰਡੀ ਬਲੋਚਾਂ ਵਿਖੇ ਮੋਟਰਸਾਇਕਲ ਸਵਾਰ ਨੌਜਵਾਨ ਮੁੰਡੇ-ਕੁੜੀ ਨੇ ਗੰਗ ਨਹਿਰ ‘ਚ ਛਾਲ ਮਾਰ ਦਿੱਤੀ। ਦੱਸ ਦਈਏ ਕਿ ਦੋਵੇਂ ਸਾਦਿਕ ਵਾਲੇ ਪਾਸਿਓ ਪਿੰਡੀ ਬਲੋਚਾਂ ਵੱਲ ਨੂੰ ਜਾ ਰਹੇ ਸਨ। ਜਦੋਂ ਪਿੰਡੀ ਪੁਲ ਕੋਲ ਪਹੁੰਚੇ ਤਾਂ ਉੱਥੇ ਆਪਣਾ ਮੋਟਰਸਾਇਕਲ (PB 04 AC 3682 ) ਰੋਕ ਦਿੱਤਾ। ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਕਿਸੇ ਗੱਲ ਨੂੰ ਲੈ ਕੇ ਮੁੰਡੇ ਕੁੜੀ ਵਿੱਚ ਬਹਿਸ ਹੋਈ ਤਾਂ ਕੁੜੀ ਨੇ ਪਹਿਲਾ ਛਾਲ ਮਾਰ ਦਿੱਤੀ ਤੇ ਬਾਅਦ ਵਿੱਚ ਮੁੰਡੇ ਨੇ ਛਾਲ ਮਾਰ ਦਿੱਤੀ । ਮਿਲੀ ਜਾਣਕਾਰੀ ਅਨੁਸਾਰ ਮਨਪ੍ਰੀਤ ਸਿੰਘ ਪੁੱਤਰ ਬਲਜੀਤ ਸਿੰਘ ਰਮਦਾਸੀਆ ਸਿੱਖ ਵਾਸੀ ਸੰਗਤਪੁਰਾ ‘ਤੇ ਲੜਕੀ ਪੁੱਤਰੀ ਮਨਦੀਪ ਕੌਰ ਗੁਰਮੇਲ ਸਿੰਘ ਉਰਫ਼ ਨਿੱਕਾ ਰਮਦਾਸੀਆ ਸਿੱਖ ਵਾਸੀ ਸਾਦਿਕ ਦੀ ਦੱਸੀ ਜਾ ਰਹੀ ਹੈ। ਉੱਥੇ ਮੌਜੂਦ ਲੋਕਾਂ ਨੇ ਤੁਰੰਤ ਥਾਣਾ ਸਾਦਿਕ ਨੂੰ ਸੂਚਿਤ ਕੀਤਾ ਜਿਸ ਤੇ ASI ਕਰਮਜੀਤ ਸਿੰਘ ਸਮੇਤ ਪੁਲਿਸ ਪਾਰਟੀ ਨੇ ਸਥਿਤੀ ਦਾ ਜਾਇਜ਼ਾ ਲਿਆ । ਉਨਾਂ ਦੱਸਿਆ ਕਿ ਲੜਕੇ ਦੇ ਵਾਰਿਸ ਘਟਨਾਂ ਵਾਲੀ ਥਾਂ 'ਤੇ ਪਹੁੰਚ ਗਏ ਸਨ । ਲਾਸ਼ਾਂ ਦੀ ਭਾਲ ਜਾਰੀ ਕਰ ਦਿੱਤੀ ਹੈ । ਲਾਸ਼ਾਂ ਮਿਲਣ 'ਤੇ ਅਗਲੀ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾਵੇਗੀ ।
ਹੋਰ ਖ਼ਬਰਾਂ ਲਈ ਇਥੇ ਕਲਿਕ ਕਰੋ