ਕੋਰਬਾ: ਛੱਤੀਸਗੜ੍ਹ ਦੇ ਕੋਰਬਾ ਜ਼ਿਲ੍ਹੇ ਦੇ ਇੱਕ ਪਿੰਡ ਤੋਂ ਗੋਬਰ ਚੋਰੀ ਦਾ ਇੱਕ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ, ਜਿਸ ਗੋਬਰ ਦੀ ਚੋਰੀ ਕੀਤੀ ਗਈ ਹੈ, ਉਸ ਦੀ ਕੀਮਤ 1600 ਰੁਪਏ ਹੈ। ਇੱਕ ਅਧਿਕਾਰੀ ਨੇ ਦੱਸਿਆ ਕਿ 8-9 ਜੂਨ ਦੀ ਦਰਮਿਆਨੀ ਰਾਤ ਦਿਪਕਾ ਥਾਣਾ ਖੇਤਰ ਦੇ ਧੂਰੇਨਾ ਪਿੰਡ ਚੋਂ 1, 600 ਰੁਪਏ ਦਾ 800 ਕਿਲੋ ਗੋਬਰ ਚੋਰੀ ਹੋਇਆ। ਦਿਪਕਾ ਥਾਣਾ ਦੇ ਇੰਚਾਰਜ ਹਰੀਸ਼ ਟਾਂਡੇਕਰ ਨੇ ਦੱਸਿਆ ਕਿ ਪਿੰਡ ਗੋਥਨ ਕਮੇਟੀ ਦੇ ਪ੍ਰਧਾਨ ਕਮਹਨ ਸਿੰਘ ਕੰਵਰ ਨੇ ਇਸ ਸਬੰਧੀ 15 ਜੂਨ ਨੂੰ ਸ਼ਿਕਾਇਤ ਦਰਜ ਕਰਵਾਈ ਹੈ। ਜਿਸ ਤੋਂ ਬਾਅਦ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।