ਜੰਮੂ : ਉੱਤਰੀ ਕਸ਼ਮੀਰ ਦੇ ਬਾਰਾਮੂਲਾ ਜ਼ਿਲ੍ਹੇ ਵਿੱਚ ਪੁਲਿਸ ਨੇ 12 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰਦੇ ਹੋਈ ਉਹਨਾਂ ਤੋ 9 ਕਿਲੋ ਹੈਰੋਇਨ, ਹਥਿਆਰ ਅਤੇ ਗੋਲੀਸਿਕਾ ਬਰਾਮਦ ਕੀਤਾ ਹੈ। ਪੁਲਿਸ ਦੇ ਇਕ ਅਧਿਕਾਰੀਆਂ ਨੇ ਦੱਸਿਆ ਕਿ ਪੁਲਿਸ ਨੇ ਨਾਰਕੋ ਅਤਿਵਾਦੀ ਦਾ ਪਰਦਾਫਾਸ਼ ਕਰਦੇ ਹੋਏ 10 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ, ਜਿਨ੍ਹਾਂ ਤੋਂ 10 ਗ੍ਰਨੇਡ, 4 ਪਿਸਤੌਲ, ਮੈਗਜ਼ੀਨ ਅਤੇ 20 ਰਾਉਂਡ ਬਰਾਮਦ ਕੀਤੇ ਹਨ। ਅਧਿਕਾਰੀ ਨੇ ਦੱਸਿਆ ਕਿ ਇਸ ਤੋਂ ਇਲਾਵਾ 9ਕਿਲੋ ਹੈਰੋਇਨ ਅੰਤਰਰਾਸ਼ਟਰੀ ਕੀਮਤ ਪੰਤਾਲੀ ਕਰੋੜ ਦੱਸੀ ਜਾਂਦੀ ਹੈ , 21.5 ਲੱਖ ਰੁਪਏ ਨਕਦ ਤੋਂ ਇਲਾਵਾ ਉਨ੍ਹਾਂ ਕੋਲੋਂ ਇਕ ਲੱਖ ਰੁਪਏ ਦਾ ਚੈਕ ਵੀ ਜ਼ਬਤ ਕੀਤਾ ਹੈ। ਅਧਿਕਾਰੀ ਨੇ ਦੱਸਿਆ ਕਿ ਪੁਲਿਸ ਨੇ ਇਸ ਮਾਮਲੇ ਵਿੱਚ ਇੱਕ ਟਰੱਕ ਨੰਬਰ ਪੀਬੀ13 ਏ ਆਰ 8956, 2 ਕਾਰ ਅਤੇ ਇੱਕ ਸਕੂਟੀ ਵੀ ਬਰਾਮਦ ਕੀਤੀ ਹੈ। ਦੋਸ਼ੀ ਵਿਅਕਤੀ ਦੀ ਪਛਾਣ ਰਿਆਜ਼ ਅਹਿਮਦ ਵਾਸੀ ਬਡਗਾਮ, ਆਦਲ ਬਸ਼ੀਰ ਵਾਸੀ ਬਡਗਾਮ, ਅੰਗਰੇਜ ਸਿੰਘ ਵਾਸੀ ਅਜਨਾਲਾ (ਅੰਮ੍ਰਿਤਸਰ), ਸੱਯਦ ਅਹਿਮਦ ਸ਼ਾਹ ਵਾਸੀ ਕੁਪਵਾੜਾ, ਸ਼ਰਾਫਤ ਖਾਨ ਵਾਸੀ ਕੁਪਵਾੜਾ, ਸ਼ਾਹਿਦ ਹਸਨ ਵਾਸੀ ਤਗਮਾਰਗ, ਰਮਨ ਕੁਮਾਰ ਵਾਸੀ ਹਾਊਸਿੰਗ ਬੋਰਡ ਫਿਰੋਜ਼ਪੁਰ, ਰੋਹਿਤ ਵਾਸੀ ਫਿਰੋਜ਼ਪੁਰ, ਕ੍ਰਿਸ਼ਨ ਵਾਸੀ ਫਿਰੋਜ਼ਪੁਰ, ਫ਼ੈਜ਼ ਅਹਿਮਦ ਖਾਨ ਵਾਸੀ ਕੁਪਵਾੜਾ ਦੇ ਰੂਪ ਵਿਚ ਹੋਈ ਹੈ।