ਲਖਨਊ : ਯੂ.ਪੀ. ਦੀ ਰਾਜਧਾਨੀ ਲਖਨਊ ਵਿੱਚ ਇੱਕ ਸਿਪਾਹੀ ਨੇ ਨੌਜਵਾਨ ਨੂੰ ਗੋਲੀ ਮਾਰ ਦਿੱਤੀ। ਗੋਲੀ ਲੱਗਣ ਨਾਲ ਨੌਜਵਾਨ ਦੀ ਮੌਤ ਹੋ ਗਈ। ਸਿਪਾਹੀ ਨੇ ਗੋਲੀ ਵਿਭੂਤੀ ਖੰਡ ਇਲਾਕੇ ਵਿੱਚ ਮਾਰੀ ਹੈ। ਗੋਲੀ ਹਸਪਤਾਲ ਕੰਪਲੈਕਸ ਦੇ ਅੰਦਰ ਮਾਰੀ ਗਈ ਹੈ। ਦੋਸ਼ੀ ਸਿਪਾਹੀ ਨੂੰ ਗ੍ਰਿਫਤਾਰ ਕਰ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
ਕਤਲ ਕਰਨ ਵਾਲੇ ਦੋਸ਼ੀ ਸਿਪਾਹੀ ਦਾ ਨਾਮ ਅਸ਼ੀਸ਼ ਮਿਸ਼ਰਾ ਹੈ। ਉਥੇ ਹੀ ਮ੍ਰਿਤਕ ਦਾ ਨਾਮ ਪ੍ਰਵੀਣ ਸਿੰਘ ਹੈ। ਸਿਪਾਹੀ ਅਸ਼ੀਸ਼ ਮਿਸ਼ਰਾ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਅਤੇ ਉਸ ਕੋਲੋਂ ਘਟਨਾ ਬਾਰੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਜਾਣਕਾਰੀ ਮੁਤਾਬਕ, ਲੋਹੀਆ ਹਸਪਤਾਲ ਕੰਪਲੈਕਸ ਵਿੱਚ ਸਿਪਾਹੀ ਅਸ਼ੀਸ਼ ਨੇ ਨੌਜਵਾਨ ਪ੍ਰਵੀਣ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਪ੍ਰਵੀਣ ਸੀਤਾਪੁਰ ਦਾ ਰਹਿਣ ਵਾਲਾ ਸੀ। ਉਸ ਦੇ ਪਿਤਾ ਦਾ ਪੁਲਸ ਹਿਰਾਸਤ ਵਿੱਚ ਰਾਮ ਮਨੋਹਰ ਲੋਹੀਆ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ। ਦੋਸ਼ੀ ਸਿਪਾਹੀ ਅਸ਼ੀਸ਼ ਪੁਲਸ ਹਿਰਾਸਤ ਵਿੱਚ ਇਲਾਜ ਕਰਾ ਰਹੇ ਪ੍ਰਵੀਣ ਸਿੰਘ ਦੇ ਪਿਤਾ ਦੀ ਸੁਰੱਖਿਆ ਡਿਊਟੀ ਵਿੱਚ ਤਾਇਨਾਤ ਸੀ। ਹਾਲਾਂਕਿ ਅਜੇ ਹੱਤਿਆ ਦੇ ਕਾਰਣਾਂ ਦਾ ਪਤਾ ਨਹੀਂ ਚੱਲ ਸਕਿਆ ਹੈ।