ਰੂਪ ਨਗਰ : ਅੱਜ ਪੰਜਕੋਹਾ ਪੈਲਿਸ ਲਾਗੇ ਹੋਏ ਸੜਕ ਹਾਦਸੇ 'ਚ ਨੌਜਵਾਨ ਲੜਕੀ ਦੀ ਮੌਤ ਹੋ ਗਈ ਜਦਕਿ ਦੋ ਜਣੇ ਹੋਰ ਗੰਭੀਰ ਰੂਪ 'ਚ ਜ਼ਖਮੀ ਹੋ ਗਏ। ਮਿਲੀ ਜਾਣਕਾਰੀ ਅਨੁਸਾਰ ਰਣਜੀਤ ਸਿੰਘ, ਸੁਮਨ ਤੇ ਮਨਦੀਪ ਕੌਰ ਵਾਸੀ ਤਿੰਨੋਂ ਵਾਸੀ ਤਲਵੰਡੀ ਕਲਾਂ ਆਪਣੇ ਮੋਟਰ ਸਾਇਕਲ 'ਤੇ ਜਾ ਰਹੇ ਸਨ ਉਕਤ ਜਗ੍ਹਾ 'ਤੇ ਟਿੱਪਰ ਨਾਲ ਹਾਦਸਾ ਵਾਪਰ ਗਿਆ। ਜਿਸ ਵਿਚ 28 ਸਾਲਾ ਮਨਦੀਪ ਕੌਰ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦਕਿ ਰਣਜੀਤ ਸਿੰਘ ਅਤੇ ਸੁਮਨ ਹਾਦਸੇ ਵਿਚ ਜ਼ਖਮੀ ਹੋ ਗਏ। ਸਰਕਾਰੀ ਹਸਪਤਾਲ ਮੋਰਿੰਡਾ ਵਿਚ ਜ਼ੇਰੇ ਇਲਾਜ ਹਨ। ਟਿੱਪਰ ਚਾਲਕ ਮੌਕੇ ਤੋਂਂ ਫਰਾਰ ਹੋ ਗਿਆ। ਮੋਰਿੰਡਾ ਪੁਲਿਸ ਨੇ ਟਿੱਪਰ ਚਾਲਕ 'ਤੇ ਮੁਕੱਦਮਾ ਦਰਜ ਕਰ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।