ਫਿਰੋਜ਼ਪੁਰ : ਸਥਾਨਕ ਮੱਲਵਾਲ ਰੋਡ 'ਤੇ ਸਥਿਤ ਕਰਿਆਨਾ ਸਟੋਰ ਨੂੰ ਅਚਾਨਕ ਅੱਗ ਲੱਗਣ ਕਾਰਨ ਲੱਖਾਂ ਰੁਪਏ ਦਾ ਨੁਕਸਾਨ ਹੋ ਗਿਆ। ਸੂਚਨਾ ਮਿਲਦੇ ਹੀ ਫਾਇਰ ਬ੍ਰਿਗੇਡ ਦੀ ਟੀਮ ਨੇ ਅੱਗ 'ਤੇ ਕਾਬੂ ਪਾਇਆ।
ਬਜਾਜ ਬ੍ਰਦਰਜ਼ ਕਰਿਆਨਾ ਸਟੋਰ ਨੂੰ ਅੱਗ 'ਚ ਘਿਰਿਆ ਦੇਖ ਸਥਾਨਕ ਲੋਕਾਂ ਨੇ ਪਹਿਲਾਂ ਅੱਗ 'ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਅੱਗ ਭਿਆਨਕ ਹੋਣ ਕਾਰਨ ਕਰਿਆਨਾ ਸਟੋਰ ਦੇ ਮਾਲਿਕ 'ਤੇ ਫਾਇਰ ਬ੍ਰਿਗੇਡ ਨੂੰ ਸੂਚਿਤ ਕੀਤਾ। ਕਰਿਆਨਾ ਸਟੋਰ ਦੇ ਉੱਪਰ ਗੋਦਾਮ ਬਣਿਆ ਹੋਇਆ ਹੈ, ਜਿਸ 'ਚ ਕਾਜੂ, ਬਦਾਮ, ਸੋਗੀ ਤੇ ਹੋਰ ਲੱਖਾ ਰੁਪਏ ਦਾ ਕੀਮਤੀ ਸਮਾਨ ਸਵਾਹ ਹੋ ਗਿਆ। ਇਸ ਘਟਨਾ 'ਚ ਲੱਖਾਂ ਰੁਪਏ ਦੀ ਕੀਮਤ ਵਾਲਾ ਕਰਿਆਨਾ ਸਟੋਰ ਦਾ ਸਾਮਾਨ ਰਾਖ ਹੋਇਆ ਹੈ।
ਥਾਣਾ ਸਿਟੀ 'ਚ ਤੈਨਾਇਤ ਏਐਸਆਈ ਸ਼ਰਮਾ ਸਿੰਘ ਨੇ ਦੱਸਿਆ ਕਿ ਘਟਨਾ ਸਥਾਨ ਦਾ ਜਾਇਜਾ ਲੈ ਕੇ ਸਟੋਰ ਮਾਲਿਕ ਦੇ ਬਿਆਨ ਦਰਜ ਕਰ ਲਏ ਹਨ। ਪੁਲਿਸ ਵੱਲੋਂ ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।