ਦੋਰਾਂਗਲਾ, (ਸੱਚੀ ਕਲਮ ਬਿਊਰੋ) : ਥਾਣਾ ਦੋਰਾਂਗਲਾ ਅਧੀਨ ਆਉਂਦੇ ਪਿੰਡ ਗਾਹਲੜੀ ਦੇ ਇਕ ਵਿਅਕਤੀ ਨੇ ਪਾਣੀ ਵਾਲੀ ਟੈਂਕੀ ਉਪਰੋ ਛਲਾਗ ਮਾਰ ਕੇ ਅਪਣੀ ਜੀਵਲ ਲੀਲਾ ਖ਼ਤਮ ਕਰ ਲਈ। ਜਾਣਕਾਰੀ ਦਿੰਦਿਆਂ ਮ੍ਰਿਤਕ ਦੇ ਭਤੀਜੇ ਰੋਹਿਤ ਨੇ ਦਸਿਆ ਕਿ ਅੱਜ ਦਪਹਿਰ ਕਰੀਬ 12:30 ਵਜੇ ਮੇਰਾ ਚਾਚਾ ਜੋਗਿੰਦਰ ਪਾਲ (47) ਪੱਤਰ ਨਾਜਰ ਮੱਲ ਵਾਸੀ ਗਾਹਲੜੀ ਘਰੋਂ ਬਾਹਰ ਗਿਆ ਤਾਂ ਥੋੜੇ ਸਮੇਂ ਬਾਅਦ ਟੈਂਕੀ ਵਲ ਨੂੰ ਲੋਕ ਦੋੜ ਰਹੇ ਸਨ ਜਦੋਂ ਰੋਲਾ ਸੁਣ ਕੇ ਮੈਂ ਵੀ ਟੈਂਕੀ ਕੋਲ ਗਿਆ ਤਾਂ ਦੇਖਿਆ ਕਿ ਜੋਗਿੰਦਰ ਪਾਲ ਨੇ ਟੈਂਕੀ ਉਪਰੋ ਛਲਾਗ ਲਗਾ ਕੇ ਅਪਣੀ ਜਾਣ ਗਵਾ ਲਈ ਸੀ। ਰੋਹਿਤ ਨੇ ਅੱਗੇ ਦਸਿਆ ਕਿ ਅਸੀਂ ਬਹੁਤ ਗ਼ਰੀਬ ਹਾਂ ਮੇਰਾ ਚਾਚਾ ਮਾਨਸਕ ਤੋਰ 'ਤੇ ਕਾਫੀ ਪ੍ਰੇਸ਼ਾਨ ਰਹਿੰਦਾ ਸੀ ਜਿਸ ਕਾਰਨ ਉਸ ਦੇ ਦਿਮਾਗ਼ ਵਿਚ ਫ਼ਰਕ ਪੈ ਚੁਕਿਆ ਸੀ ਜਿਸ ਕਾਰਨ ਉਸਨੇ ਅੱਜ ਇਹ ਵਾਰਦਾਤ ਨੂੰ ਅੰਜ਼ਾਮ ਦੇ ਕੇ ਅਪਣੀ ਜਾਣ ਗਵਾ ਲਈ ਹੈ। ਘਟਨਾ ਦਾ ਪਤਾ ਚੱਲਦਿਆ ਹੀ ਦੋਰਾਂਗਲਾ ਪੁਲਿਸ ਦੇ ਐਸ.ਐਚ.ਓ. ਪ੍ਰਵੀਨ ਕੁਮਾਰ ਮੌਕੇ 'ਤੇ ਪਹੁੰਚ ਗਏ। ਪੁਲਿਸ ਨੇ ਲਾਸ਼ ਅਪਣੇ ਕਬਜ਼ੇ ਵਿਚ ਲੈ ਕੇ ਗੁਰਦਾਸਪੁਰ ਸਰਕਾਰੀ ਹਸਪਤਾਲ ਪੋਸਟਮਾਟਰਮ ਲਈ ਭੇਜ ਦਿਤੀ ਅਤੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿਤੀ।