ਬਠਿੰਡਾ : ਕਸਬਾ ਫੂਲ ਖੇਤਰ ਵਿੱਚ ਸੜਕ ਹਾਦਸੇ ਦੌਰਾਨ ਕਾਰ ਸਵਾਰ ਪਤੀ ਪਤਨੀ ਦੀ ਮੌਤ ਹੋ ਗਈ ਜਦਕਿ ਦੋ ਹੋਰ ਗੰਭੀਰ ਰੂਪ ਵਿੱਚ ਜ਼ਖਮੀਂ ਹੋ ਗਏ। ਜਿਹਨਾਂ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਪਹੁੰਚਾਇਆ ਗਿਆ ਹੈ। ਹਾਦਸੇ ਦਾ ਕਾਰਨ ਅਵਾਰਾ ਪਸ਼ੂਆਂ ਦੇ ਕਾਫਿਲਾ ਕਾਰ ਅੱਗੇ ਆਉਣਾ ਦੱਸਿਆ ਜਾ ਰਿਹਾ ਹੈ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਪਿੰਡ ਭਈਪੁਰਾ ਦਾ ਰਹਿਣ ਵਾਲਾ ਵਿਜੇ ਕੁਮਾਰ ਆਪਣੀ ਭੈਣ ਰਾਜਤ ਦੁਲਾਰੀ ਤੇ ਜੀਜੇ ਮੋਨੂੰ ਕੁਮਾਰ ਨੂੰ ਲੈਕੇ ਪਿੰਡ ਗਹਿਰੀ ਭਾਗੀ ਤੋਂ ਭਾਈਰੂਰਪਾ ਆ ਰਿਹਾ ਸੀ। ਜਦੋਂ ਕਾਰ ਹਰਨਾਮ ਸਿੰਘ ਵਿਚਾਲੇ ਪਹੁੰਚੀ ਤਾਂ ਕਾਰ ਅੱਗੇ ਅਚਾਨਕ ਬੇਸਹਾਰਾ ਪਸ਼ੂਆਂ ਦਾ ਝੰੁਡ ਆ ਗਿਆ, ਜਿਸ ਕਾਰਨ ਕਾਰ ਬੇਕਾਬੂ ਹੋ ਕੇ ਖਤਾਨਾਂ 'ਚ ਜਾ ਡਿੱਗੀ। ਇਸ ਸੜਕ ਹਾਦਸੇ ਵਿਚ ਉਸਦੀ ਭੈਣ ਰਾਜਤ ਦੁਲਾਰੀ ਦੀ ਮੌਕੇ 'ਤੇ ਹੋ ਮੌਤ ਹੋ ਗਈ ਜਦਕਿ ਉਸਦੇ ਜੀਜੇ ਮੋਨੂੰ ਕੁਮਾਰ ਨੇ ਹਸਪਤਾਲ ‘ਚ ਦਮ ਤੋੜ ਦਿੱਤਾ। ਮੁਲਾਜ਼ਮ ਵਿਜੇ ਕੁਮਾਰ ਤੇ ਕਾਰ ਮਾਲਿਕ ਹਰਮੀਤ ਸਿੰਘ ਦੇ ਸੱਟਾਂ ਲੱਗੀਆਂ, ਜਿਨ੍ਹਾਂ ਦਾ ਸਿਵਲ ਹਸਪਤਾਲ ਵਿਖੇ ਇਲਾਜ ਚੱਲ ਰਿਹਾ ਹੈ। ਪੁਲਿਸ ਨੇ ਲਾਸ਼ਾਂ ਕਬਜ਼ੇ ਵਿੱਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।