ਫਰੀਦਕੋਟ : ਹਰ ਇਕ ਮਾਂ ਨੂੰ ਰੀਜ ਹੁੰਦੀ ਹੈ ਕਿ ਉਹ ਆਪਣੇ ਪੁੱਤਰ ਦੇ ਸਿਰ ਤੇ ਸਿਹਰਾ ਸਜਾਉਣ ਦਾ ਸੁਪਨਾ ਦੇਖਦੀ ਹੈ ਅਤੇ ਜਦੋਂ ਉਹ ਸੁਪਨਾ ਟੁੱਟਦਾ ਹੈ ਤਾਂ ਮਾਂ ਤੇ ਦੁੱਖਾਂ ਦਾ ਪਹਾੜ ਟੁੱਟ ਜਾਂਦਾ ਹੈ। ਅਜਿਹਾ ਹੀ ਭਾਣਾ ਫਰੀਦਕੋਟ ਦੀ ਮਾਂ ਨਾਲ ਵਾਪਰਿਆ, ਜਿਸ ਦਾ ਪੁੱਤਰ ਫਰੀਦਕੋਟ ਸ਼ਹਿਰ ਦੇ ਬਲਬੀਰ ਬਸਤੀ ਦਾ ਰਹਿਣ ਵਾਲਾ ਸੀ ਅਤੇ ਨੈਸ਼ਨਲ ਹਾਕੀ ਖਿਡਾਰੀ ਗੁਰਸ਼ਰਨ ਸਿੰਘ ਜੋ ਛੱਤੀਸਗੜ੍ਹ ਦੀ ਰਾਜਧਾਨੀ ਰਾਂਚੀ 'ਚ ਰਹਿੰਦੇ ਦੀ ਉਸ ਦੀ ਆਤਮ ਹੱਤਿਆ ਕਰਨ ਸੂਚਨਾ ਮਾਂ ਨੂੰ ਮਿਲੀ ਤਾਂ ਉਸ ਦੇ ਪੈਰਾਂ ਥੱਲੋਂ ਜ਼ਮੀਨ ਖਿਸਕ ਗਈ ਅਤੇ ਪਿਤਾ ਦਾ ਦਿਲ ਮੰਨਣ ਨੂੰ ਤਿਆਰ ਨਹੀਂ ਹੈ, ਕਿ ਉਨ੍ਹਾਂ ਦਾ 28 ਸਾਲ ਦਾ ਪੁੱਤਰ ਆਤਮ ਹੱਤਿਆ ਕਰ ਸਕਦਾ ਹੈ।
ਰਿਸ਼ਤੇਦਾਰਾਂ ਨੂੰ ਗੁਰਸ਼ਰਨ ਦੀ ਆਤਮ ਹੱਤਿਆ ਦੀ ਘਟਨਾ ਪਿੱਛੇ ਕੁੱਝ ਹੋਰ ਕਾਰਨ ਲੱਗ ਰਿਹਾ ਹੈ ਅਤੇ ਉਹ ਰਾਂਚੀ ਪ੍ਰਸ਼ਾਸਨ ਤੋਂ ਇਸ ਮਾਮਲੇ ਦੀ ਨਿਰਪੱਖ ਜਾਂਚ ਕਰਵਾਏ ਜਾਣ ਦੀ ਮੰਗ ਕਰ ਰਹੇ ਹਨ, ਤਾਂ ਕਿ ਅਸਲ ਗੱਲ ਸਾਹਮਣੇ ਆ ਸਕੇ। ਜ਼ਿਕਰਯੋਗ ਹੈ ਕਿ ਫਰੀਦਕੋਟ ਸ਼ਹਿਰ ਦੇ ਬਲਬੀਰ ਬਸਤੀ ਨਿਵਾਸੀ ਨੈਸ਼ਨਲ ਹਾਕੀ ਖਿਡਾਰੀ ਗੁਰਸ਼ਰਨ ਸਿੰਘ ਨੇ ਸੋਮਵਾਰ ਦੇਰ ਰਾਤ ਛੱਤੀਸਗੜ੍ਹ ਦੀ ਰਾਜਧਾਨੀ ਰਾਂਚੀ ਦੇ ਏ.ਜੀ. ਕਾਲੋਨੀ 'ਚ ਆਪਣੇ ਕੁਆਟਰ 'ਚ ਆਤਮ-ਹੱਤਿਆ ਕਰ ਲਈ ਸੀ, ਜਿਸ ਦਾ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ।
ਇਸ ਮੌਕੇ ਗੁਰਸ਼ਰਨ ਦੇ ਭਰਾ ਗੁਰਪ੍ਰਤਾਪ ਸਿੰਘ ਨੇ ਦੱਸਿਆ ਕਿ ਗੁਰਸ਼ਰਨ ਨੇ ਨਵੰਬਰ 2017 'ਚ ਰਾਂਚੀ 'ਚ ਏਜੀ ਆਫਿਸ 'ਚ ਅਕਾਊਟੈਂਟ ਦੀ ਪੋਸਟ 'ਤੇ ਸੀ ਅਤੇ ਦੋ ਸਾਲ ਪਹਿਲਾਂ ਉਸ ਦਾ ਪ੍ਰਮੋਸ਼ਨ ਹੋਣ 'ਤੇ ਉਹ ਸੀਨੀਅਰ ਅਕਾਊਟੈਂਟ ਬਣ ਗਿਆ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਗੁਰਸ਼ਰਨ ਫਰੀਦਕੋਟ ਛੁੱਟੀ ਆਇਆ ਸੀ ਕਿ ਦੇਸ਼ 'ਚ ਕੋਰੋਨਾ ਮਹਾਮਾਰੀ ਦੇ ਕਾਰਨ ਲਾਕਡਾਊਨ ਲੱਗ ਗਿਆ, ਇੱਥੇ ਤਿੰਨ ਮਹੀਨੇ ਰਹਿਣ ਦੇ ਬਾਅਦ ਉਹ ਅੱਠ ਜੁਲਾਈ ਨੂੰ ਰਾਂਚੀ ਵਾਪਸ ਗਿਆ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਘਟਨਾ ਵਾਲੇ ਦਿਨ ਸੋਮਵਾਰ ਨੂੰ ਦਿਨ 'ਚ ਗੁਰਸ਼ਰਨ ਦੀ ਉਨ੍ਹਾਂ ਨਾਲ ਗੱਲ ਹੋਈ ਸੀ, ਉਹ ਕਿਸੇ ਟੈਨਸ਼ਨ 'ਚ ਵੀ ਨਹੀਂ ਸਨ ਪਰ ਪਤਾ ਨਹੀ ਉਹਨਾਂ ਨੇ ਆਤਮਹੱਤਿਆ ਕਿਉਂ ਕੀਤੀ। ਉਸ ਨੇ ਦੱਸਿਆ ਕਿ ਗੁਰਸ਼ਰਮ ਹਾਕੀ 'ਚ ਸਟੇਟ ਫਾਰਵਰਡ ਖੇਡਦਾ ਸੀ, ਉਹ ਬਹੁਤ ਵਧੀਆ ਖਿਡਾਰੀ ਸੀ ਅਤੇ ਨੈਸ਼ਨਲ ਪੱਧਰ ਤੇ ਚਾਰ ਵਾਰ ਖੇਡ ਚੁੱਕਿਆ ਸੀ ਅਤੇ ਉਸ ਦੀ ਨੌਕਰੀ ਵੀ ਸਪੋਰਟਸ ਦੀ ਵਜ੍ਹਾ ਕਾਰਨ ਹੀ ਮਿਲੀ ਸੀ ਅਤੇ ਕੰਪਨੀ ਵੱਲੋਂ ਵੀ ਕਈ ਮੁਕਾਬਲੇ ਖੇਡ ਚੁੱਕਿਆ ਹੈ।