ਸਾਬਕਾ ਡੀਜੀਪੀ ਸੁਮੇਧ ਸੈਣੀ ਖਿਲਾਫ਼ ਕਿਡਨੈਪਿੰਗ ਦਾ ਕੇਸ ਦਰਜ

ਮੁਹਾਲੀ  : ਕਰੀਬ 29 ਸਾਲ ਪੁਰਾਣੇ ਬਲਵੰਤ ਸਿੰਘ ਮੁਲਤਾਨੀ ਦੇ ਲਾਪਤਾ ਹੋਣ ਦੇ ਮਾਮਲੇ ਵਿੱਚ ਪੰਜਾਬ ਪੁਲਿਸ ਦੇ ਸਾਬਕਾ ਡੀਜੀਪੀ ਸੁਮੇਧ ਸਿੰਘ ਸੈਣੀ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ। ਕੇਸ ਦਰਜ ਕਰਨ ਦੀ ਕਾਰਵਾਈ ਮੁਹਾਲੀ ਦੇ ਮਟੌਰ ਥਾਣੇ ਵਿਖੇ ਕੀਤੀ ਗਈ ਹੈ। ਸੈਣੀ ਤੇ ਬਲਵੰਤ ਸਿੰਘ ਨੂੰ ਅਗਵਾ ਕਰਨ ਦੇ ਇਲਜ਼ਾਮ ਹੈ। ਸੈਣੀ ਤੋਂ ਇਲਾਵਾ ਐਫਆਈਆਰ ਵਿਚ ਕੁਝ ਹੋਰ ਲੋਕਾਂ ਦੇ ਨਾਮ ਵੀ ਸ਼ਾਮਲ ਹਨ। ਸੁਮੇਧ ਸੈਣੀ 'ਤੇ ਧਾਰਾਵਾਂ 364 (ਅਗਵਾ ਜਾਂ ਕਤਲ ਲਈ ਅਗਵਾ ਕਰਨ), 201 (ਸਬੂਤ ਮਿਟਾਉਣ ਲਈ), 344 (ਗਲਤ ਕੈਦ), 330 (ਸਵੈਇੱਛਤ ਤੌਰ ਤੇ ਦੁੱਖ ਪਹੁੰਚਾਉਣਾ) ਅਤੇ ਆਈਪੀਸੀ ਦੀ 120 (ਬੀ) (ਅਪਰਾਧਿਕ ਸਾਜ਼ਿਸ਼)  ਦੋਸ਼ ਦੇ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ।

ਤੇਜ਼ਧਾਰ ਹਥਿਆਰ ਨਾਲ ਇੱਕੋ ਪਰਿਵਾਰ ਦੇ ਤਿੰਨ ਜੀਅ ਵੱਡੇ

ਜਾਣਕਾਰੀ ਅਨੁਸਾਰ ਇਹ ਮਾਮਲਾ ਸਾਲ 1991 ਦਾ ਹੈ। ਉਸ ਸਮੇਂ ਸੁਮੇਧ ਸਿੰਘ ਸੈਣੀ ਨੂੰ ਚੰਡੀਗੜ੍ਹ ਵਿੱਚ ਐਸਐਸਪੀ ਲਗਾਇਆ ਗਿਆ ਸੀ। ਸੈਣੀ 'ਤੇ ਉਸ ਸਮੇਂ ਅੱਤਵਾਦੀ ਹਮਲਾ ਹੋਇਆ ਸੀ। ਉਸਦੀ ਰੱਖਿਆ ਹੇਠ ਤਾਇਨਾਤ ਚਾਰ ਲੋਕ ਇਸ ਵਿੱਚ ਮਾਰੇ ਗਏ ਸਨ। ਇਸ ਦੌਰਾਨ ਮੁਲਤਾਨੀ ਨੂੰ ਦੋ ਪੁਲਿਸ ਅਧਿਕਾਰੀਆਂ ਨੇ ਚੰਡੀਗੜ੍ਹ ਵਿਚ ਚੁੱਕ ਲਿਆ। ਮੁਲਤਾਨੀ ਦੀ ਪੁਲੀਸ ਹਿਰਾਸਤ ਦੌਰਾਨ ਮੌਤ ਹੋ ਗਈ ਸੀ। ਉਸ ਸਮੇਂ ਸੈਣੀ ਚੰਡੀਗੜ੍ਹ ਦਾ ਐੱਸਐੱਸਪੀ ਸਨ।

ਹਿਮਾਚਲ ਵਿਖੇ ਦਾਖਲ  ਹੋਣ  ਤੇ ਰੋਕ
ਮੁਹਾਲੀ ਜ਼ਿਲੇ ਦੇ ਮਟੌਰ ਥਾਣੇ ਵਿਚ ਸੈਣੀ ਅਤੇ ਸੱਤ ਹੋਰ ਪੁਲਿਸ ਮੁਲਾਜ਼ਮਾਂ ਖ਼ਿਲਾਫ਼ ਐਫਆਈਆਰ ਦਰਜ ਹੋਣ ਦੇ ਕੁਝ ਘੰਟਿਆਂ ਬਾਅਦ, ਸਾਬਕਾ ਪੁਲਿਸ ਮੁਖੀ ਨੂੰ ਵੀਰਵਾਰ ਨੂੰ ਪੰਜਾਬ ਦੇ ਨਾਲ ਲੱਗਦੀ ਰਾਜ ਦੀ ਸਰਹੱਦ 'ਤੇ ਹਿਮਾਚਲ ਪ੍ਰਦੇਸ਼ ਵਿਚ ਦਾਖਲ ਹੋਣ ਤੋਂ ਰੋਕ ਦਿੱਤਾ ਗਿਆ। ਕਿਉਂਕਿ ਉਨ੍ਹਾਂ ਕੋਲ ਅੰਤਰ-ਰਾਜ  ਯਾਤਰਾ ਕਰਨ ਲਈ ਜਾਇਜ਼ ਪਾਸ ਨਹੀਂ ਸੀ। ਬਿਲਾਸਪੁਰ ਦੇ ਐਸ.ਪੀ. (ਐਸ.ਪੀ.) ਦੇਵਾਕਰ ਸ਼ਰਮਾ ਨੇ ਦੱਸਿਆ ਕਿ ਸੈਣੀ ਦੋ ਵਿਅਕਤੀਆਂ ਦੇ ਨਾਲ ਇੱਕ ਟੋਯੋਟਾ ਇਨੋਵਾ ਵਿੱਚ ਸਵੇਰੇ 4 ਵਜੇ ਜ਼ਿਲੇ ਦੇ ਸਵਰਘਾਟ ਨੇੜੇ ਗਾਰਾ-ਮੋੜਾ ਅੰਤਰ-ਰਾਜ ਬੈਰੀਅਰ ਵਿਖੇ ਜਾਇਜ਼ ਐਂਟਰੀ ਪਾਸ ਦੇ ਬਿਨਾਂ ਪਹੁੰਚੇ ਸਨ।