ਛੇਹਰਟਾ ਵਿਚ ਸ਼ਰੇਆਮ ਚਲਾਈਆਂ ਗੋਲੀਆਂ

ਅੰਮ੍ਰਿਤਸਰ : ਲਾਕਡਾਉਨ ਲਗਦਾ ਹੈ ਕਿਸ ਸਿਰਫ਼ ਸ਼ਰੀਫ਼ ਬੰਦਿਆਂ ਲਈ ਹੀ ਹੈ ਕਿਉਂ ਕਿ ਬਦਮਾਸ਼ ਬਿਰਤੀ ਦੇ ਤਾਂ ਸ਼ਰੇਆਮ ਐਧਰ ਓਘਰ ਘੁਮਦੇ ਗੋਲੀਆਂ ਚਲਾ ਰਹੇ ਹਨ। ਥਾਣਾ ਛੇਹਰਟਾ ਅਧੀਨ ਆਉਂਦੇ ਇਲਾਕਾ ਹਰਗੋਬਿੰਦ ਐਵਿਨਿਊ ਗਲੀ ਨੰਬਰ 1 ਸ਼ੇਰ ਸ਼ਾਹ ਸੂਰੀ ਰੋਡ 'ਤੇ ਦੇਰ ਰਾਤ ਕੁੱਝ ਨੋਜਵਾਨਾਂ ਨੇ ਪੁਰਾਣੀ ਰੰਜਿਸ਼ ਦੇ ਚੱਲਦਿਆਂ ਜਿੱਥੇ ਵਾਹਨਾਂ ਦੀ ਤੋੜਭੰਨ ਕੀਤੀ ਉਥੇ ਕੁੱਝ ਨੋਜਵਾਨਾਂ ਤੇ ਗੋਲੀਆਂ ਚਲਾ ਕੇ ਇਲਾਕੇ ਵਿਚ ਦਹਿਸ਼ਤ ਦਾ ਮਾਹੋਲ ਪੈਦਾ ਕਰ ਦਿੱਤਾ। ਗੋਲੀਆਂ ਚੱਲਣ ਦੀ ਖਬਰ ਮਿਲਦੇ ਹੀ ਛੇਹਰਟਾ ਪੁਲਸ ਮੋਕੇ 'ਤੇ ਪੁੱਜੀ ਤੇ ਘਟਨਾ ਸਥਾਨ ਤੋਂ ਪਿਸਤੋਲ ਦੇ ਦੋ ਚੱਲੇ ਹੋਏ ਕਾਰਤੂਸ ਵੀ ਬਰਾਮਦ ਕਰਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਲਵਪ੍ਰੀਤ ਸਿੰਘ ਵਾਸੀ ਜਵਾਹਰ ਨਗਰ ਛੇਹਰਟਾ ਨੇ ਦੱਸਿਆ ਕਿ ਉਹ ਆਪਣੇ ਦੋ ਸਾਥੀਆਂ ਹਰਮਨਪ੍ਰੀਤ ਸਿੰਘ ਅਤੇ ਮਨੀ ਦੇ ਨਾਲ ਦਰਗਾਹ ਤੋਂ ਮੱਥਾ ਟੇਕ ਕੇ ਘਰ ਵਾਪਿਸ ਪਰਤ ਰਹੇ ਸਨ ਕਿ ਅਚਾਨਕ ਹਰਗੋਬਿੰਦ ਐਵਿਨਿਊ ਰੋਡ ਸਥਿਤ ਕਰਨ ਵਾਸੀ ਬੈਂਕ ਵਾਲੀ ਗਲੀ ਨਰੈਣਗੜ ਨੇ ਪੁਰਾਣੀ ਰੰਜਿਸ਼ ਦੇ ਚੱਲਦਿਆਂ ਮੋਟਰਸਾਈਕਲ ਤੇ ਸਵਾਰ ਆਪਣੇ ਚਾਰ ਪੰਜ ਅਣਪਛਾਤੇ ਸਾਥੀਆਂ ਸਮੇਤ ਉਨ•ਾਂ ਤੇ ਹਮਲਾ ਕਰ ਦਿੱਤਾ ਤੇ ਸ਼ਰੇਆਮ ਉਨ•ਾਂ ਉਪਰ ਸਿੱਧੀਆਂ ਗੋਲੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ ਉਨ•ਾਂ ਬੜੀ ਮੁਸ਼ਕਿਲ ਨਾਲ ਭੱਜ ਕੇ ਆਪਣੀ ਜਾਨ ਬਚਾਈ।