ਪਟਿਆਲਾ : ਨਾਭਾ ਦੇ ਮੁਹੱਲਤਾ ਕਰਤਾਰਪੁਰਾ ਦੇ ਰਹਿਣ ਵਾਲੇ ਪਿਓ ਪੁੱਤ ਦੀ ਸੜਕ ਹਾਦਸੇ ‘ਚ ਮੌਤ ਹੋ ਗਈ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਜਸਪਾਲ ਸਿੰਘ ‘ਤੇ ਉਸ ਦਾ ਪੁੱਤਰ ਪਲਵਿੰਦਰ ਸਿੰਘ ਗੁੱਗੂ ਦੋਵੇਂ ਰੋਜ਼ਾਨਾ ਪਟਿਆਲਾ ਵਿਖੇ ਆਪਣੇ ਕੱਪੜੇ ਦੇ ਵਪਾਰ ਸਬੰਧੀ ਜਾਂਦੇ ਸਨ। ਅੱਜ ਪਟਿਆਲਾ ਤੋਂ ਆਪਣੇ ਮੋਟਰਸਾਈਕਲ 'ਤੇ ਵਾਪਸ ਆਉਂਦੇ ਸਮੇਂ ਨਾਭਾ ਪਟਿਆਲਾ ਮੁੱਖ ਰੋਡ ਉਪਰ ਪਿੰਡ ਘਮਰਰੋਂਦਾ ਨਜ਼ਦੀਕ ਬਰੀਜਾ ਕਾਰ ਅਤੇ ਸਵਿਫ਼ਟ ਕਾਰ ਦੇ ਵਿਚਕਾਰ ਆਉਣ ਕਾਰਨ ਉਹ ਹਾਦਸੇ ਦਾ ਸ਼ਿਕਾਰ ਹੋ ਗਏ, ਜਿਸ ਕਾਰਨ ਦੋਵਾਂ ਦੀ ਮੌਕੇ ਤੇ ਮੌਤ ਹੋ ਗਈ। ਹਾਦਸੇ ਤੋਂ ਬਾਅਦ ਦੋਵਾਂ ਕਾਰਾਂ ਦੇ ਚਾਲਕ ਮੌਕੇ ਤੋਂ ਫਰਾਰ ਹੋ ਗਏ।