ਆਮਿਰ ਖ਼ਾਨ ਬਣੇ ਸੀਏਟ ਦੇ ਬ੍ਰਾਂਡ ਅੰਬੈਸਡਰ

ਮੁੰਬਈ : ਆਰ.ਪੀ.ਜੀ. ਸਮੂਹ ਦੀ ਕੰਪਨੀ ਸੀਏਟ ਟਾਇਰਸ ਨੇ ਬਾਲੀਵੁੱਡ ਅਭਿਨੇਤਾ ਆਮਿਰ ਖ਼ਾਨ ਨੂੰ ਅਪਣਾ ਬ੍ਰਾਂਡ ਅੰਬੈਸਡਰ ਨਿਯੁਕਤ ਕੀਤਾ ਹੈ। ਖ਼ਾਨ ਵੱਖ-ਵੱਖ ਮੀਡੀਆ ਪਲੇਟਫ਼ਾਰਮਾਂ 'ਤੇ ਕੰਪਨੀ ਦੀ ਮੁਹਿੰਮ ਦਾ ਹਿੱਸਾ ਹੋਣਗੇ। ਕੰਪਨੀ ਨੇ ਕਿਹਾ ਕਿ ਆਮਿਰ ਖਾਨ ਭਾਰਤੀ ਫ਼ਿਲਮ ਇੰਡਸਟਰੀ ਦੇ ਸਭ ਤੋਂ ਪ੍ਰਤਿਭਾਵਾਨ ਅਦਾਕਾਰਾਂ ਵਿਚੋਂ ਇਕ ਹਨ। ਕੰਪਨੀ ਨੇ ਉਸ ਨੂੰ ਦੋ ਸਾਲਾਂ ਲਈ ਅਪਣਾ ਬ੍ਰਾਂਡ ਅੰਬੈਸਡਰ ਬਣਾਇਆ ਹੈ। ਕੰਪਨੀ ਨੇ ਕਿਹਾ ਕਿ ਏਕੀਕ੍ਰਿਤ ਮਾਰਕੀਟਿੰਗ ਮੁਹਿੰਮ ਦੇ ਤਹਿਤ ਖ਼ਾਨ ਦੁਬਈ ਵਿਚ ਚੱਲ ਰਹੀ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੌਰਾਨ ਦੋ ਵਪਾਰਕ ਵਿਗਿਆਪਨਾਂ ਵਿਚ ਦਿਖਾਈ ਦੇਣਗੇ। ਪਹਿਲੇ ਵਿਗਿਆਪਨ ਦਾ ਪ੍ਰਸਾਰਣ ਸਨਿਚਰਵਾਰ ਨੂੰ ਹੋਵੇਗਾ। ਇਹ ਵਿਗਿਆਪਨ ਸੀਏਟ ਦੇ ਸੈਕੁਰੈਡਰਾਇਵ ਰੇਂਜ ਦੇ ਪ੍ਰੀਮੀਅਮ ਕਾਰ ਟਾਇਰਾਂ ਬਾਰੇ ਹੈ।
ਸੀਏਟ ਟਾਇਰ ਨੇ ਕਿਹਾ ਕਿ ਪਹਿਲਾ ਇਸ਼ਤਿਹਾਰ ਵੱਖ-ਵੱਖ ਮੀਡੀਆ ਪਲੇਟਫ਼ਾਰਮਸ ਤੇ ਆਨਲਾਈਨ ਅਤੇ ਆਫ਼ਲਾਈਨ ਵਿਖਾਈ ਦੇਵੇਗਾ। ਸੀਏਟ ਸੈਕੁਰਾਡਰਾਇਵ ਟਾਇਰਾਂ ਦੀ ਵਰਤੋਂ ਵੱਖ ਵੱਖ ਪ੍ਰੀਮੀਅਮ ਸੇਡਾਨ ਅਤੇ ਕੰਪੈਕਟ ਐਸ.ਯੂ.ਵੀ. ਜਿਵੇਂ ਕਿ ਹੌਂਡਾ ਸਿਟੀ, ਸਕੋਡਾ ਓਕਟਾਵੀਆ, ਟੋਯੋਟਾ ਕੋਰੋਲਾ, ਹੁੰਡਈ ਕ੍ਰੇਟਾ, ਮਾਰੂਤੀ ਸੁਜ਼ੂਕੀ ਵਿਟਾਰਾ ਬ੍ਰੇਜ਼ਾ ਅਤੇ ਹੋਰ ਕਾਰਾਂ ਵਿਚ ਹੁੰਦਾ ਹੈ।