Saturday, April 05, 2025
 

ਖੇਡਾਂ

PSG ਨੂੰ 1-0 ਨਾਲ ਹਰਾ ਕੇ ਬਾਇਰਨ ਮਿਊਨਿਖ ਛੇਵੀਂ ਵਾਰ ਬਣਿਆ ਚੈਂਪੀਅਨ

August 25, 2020 09:18 AM

ਲਿਸਬਨ : ਜਰਮਨੀ ਦੀ ਟੀਮ ਬਾਇਰਨ ਮਿਊਨਿਖ ਨੇ ਯੂਏਫਾ ਚੈਂਪੀਅਨਜ਼ ਲੀਗ ਦੇ ਫਾਈਨਲ 'ਚ ਪੈਰਿਸ ਦੀ ਸੇਂਟ ਜਰਮੇਨ ਕਲੱਬ ਨੂੰ ਹਰਾ ਕੇ ਛੇਵੀਂ ਵਾਰ ਖ਼ਿਤਾਬ 'ਤੇ ਕਬਜ਼ਾ ਕੀਤਾ। ਐਤਵਾਰ ਰਾਤ ਖੇਡੇ ਗਏ ਇਕ ਰੋਮਾਂਚਕ ਮੁਕਾਬਲੇ 'ਚ ਟੀਮ ਨੇ ਸ਼ਾਨਦਾਰ ਖੇਡ ਦਿਖਾਉਂਦੇ ਹੋਏ 1-0 ਨਾਲ ਪੀਐੱਸਜੀ ਨੂੰ ਮਾਤ ਦਿੰਦੇ ਹੋਏ ਇਸ ਖ਼ਿਤਾਬ ਨੂੰ ਜਿੱਤਿਆ। ਕੋਵਿਡ-19 ਮਹਾਮਾਰੀ ਦੀ ਵਜ੍ਹਾ ਨਾਲ ਲੰਬੇ ਸਮੇਂ ਤਕ ਮੁਲਤਵੀ ਰਹੇ ਟੂਰਨਾਮੈਂਟ ਨੂੰ 425 ਦਿਨਾਂ ਤੋਂ ਬਾਅਦ ਆਪਣਾ ਚੈਂਪੀਅਨ ਮਿਲਿਆ ਹੈ।

ਜਰਮਨੀ ਦੀ ਚੈਂਪੀਅਨ ਟੀਮ ਨੇ ਪਹਿਲੀ ਵਾਰ ਫਾਈਨਲ 'ਚ ਪੁੱਜੀ ਪੀਐੱਸਜੀ ਦਾ ਸੁਪਨਾ ਤੋੜਦੇ ਹੋਏ ਖ਼ਿਤਾਬ ਆਪਣੇ ਨਾਂ ਕੀਤਾ। ਪੀਐੱਸਜੀ ਦੇ ਸਭ ਤੋਂ ਮਹਿੰਗੇ ਖਿਡਾਰੀ ਨੇਮਾਰ ਦਾ ਕੋਈ ਜਾਦੂ ਇਸ ਮੈਚ ਵਿਚ ਨਹੀਂ ਚੱਲ ਸਕਿਆ। ਦੋ ਵਾਰ ਉਨ੍ਹਾਂ ਨੂੰ ਫਾਈਨਲ 'ਚ ਗੋਲ ਕਰਨ ਦਾ ਮੌਕਾ ਮਿਲਿਆ ਪਰ ਉਹ ਖੁੰਝ ਗਏ। ਇਸੇ ਵਜ੍ਹਾ ਨਾਲ ਟੀਮ ਦੇ ਪਹਿਲੀ ਵਾਰ ਚੈਂਪੀਅਨ ਬਣਨ ਦਾ ਸੁਪਨਾ ਟੁੱਟ ਗਿਆ। ਬਿਨਾਂ ਦਰਸ਼ਕਾਂ ਦੇ ਖੇਡੇ ਗਏ ਇਸ ਫਾਈਨਲ ਮੈਚ ਵਿਚ ਵੀ ਰੋਮਾਂਚ ਸਿਖ਼ਰ 'ਤੇ ਰਿਹਾ।

ਮੈਚ ਦੇ 50ਵੇਂ ਮਿੰਟ ਵਿਚ ਮਿਊਨਿਖ ਦੇ ਹੀਰੋ ਕਿੰਗਸਲੇ ਕੋਮੈਨ ਨੇ ਮੈਚ ਦਾ ਇੱਕੋ-ਇਕ ਗੋਲ ਕੀਤਾ। ਇਸ ਤੋਂ ਬਾਅਦ ਦੋਵੇਂ ਟੀਮਾਂ ਨੇ ਗੋਲ ਕਰਨ ਦੀਆਂ ਕਾਫ਼ੀ ਕੋਸ਼ਿਸ਼ਾਂ ਕੀਤੀਆਂ ਪਰ ਪੂਰੇ ਮੈਚ 'ਚ 1 ਹੀ ਗੋਲ ਦੇਖਣ ਨੂੰ ਮਿਲਿਆ। ਕੋਮੈਨ ਦਾ ਗੋਲ ਹੀ ਮੈਚ ਵਿਚ ਫ਼ੈਸਲਾਕੁਨ ਸਾਬਤ ਹੋਇਆ ਅਤੇ ਟੀਮ ਨੇ ਛੇਵੀਂ ਵਾਰ ਖ਼ਿਤਾਬ 'ਤੇ ਕਬਜ਼ਾ ਕੀਤਾ।

ਛੇਵੀਂ ਵਾਰ ਚੈਂਪੀਅਨ ਬਣਿਆ ਮਿਊਨਿਖ

ਇਹ ਛੇਵਾਂ ਮੌਕਾ ਹੈ ਜਦੋਂ ਬਾਇਰਨ ਮਿਊਨਿਖ ਦੀ ਟੀਮ ਨੇ ਚੈਂਪੀਅਨਜ਼ ਲੀਗ ਦਾ ਖ਼ਿਤਾਬ ਆਪਣੇ ਨਾਂ ਕੀਤਾ ਹੈ। ਸਭ ਤੋਂ ਜ਼ਿਆਦਾ ਵਾਰ ਖ਼ਿਤਾਬ ਜਿੱਤਣ ਦੇ ਮਾਮਲੇ ਵਿਚ ਮਿਊਨਿਖ ਦੀ ਟੀਮ ਹੁਣ ਸਾਂਝੇ ਰੂਪ ਨਾਲ ਤੀਜੇ ਨੰਬਰ 'ਤੇ ਆ ਗਈ ਹੈ। ਰੀਅਲ ਮੈਡ੍ਰਿਡ ਦੀ ਟੀਮ ਟਾਪ 'ਤੇ ਹੈ। ਉਸ ਨੇ 13 ਵਾਰ ਇਸ ਖ਼ਿਤਾਬ ਨੂੰ ਆਪਣੇ ਨਾਂ ਕੀਤਾ ਹੈ। ਦੂਜੇ ਨੰਬਰ 'ਤੇ 7 ਵਾਰ ਖ਼ਿਤਾਬ ਜਿੱਤਣ ਵਾਲੀ ਮਿਲਾਨ ਦੀ ਟੀਮ ਹੈ। ਮਿਊਨਿਖ ਨੇ ਛੇਵੀਂ ਵਾਰ ਲਿਵਰਪੂਲ ਵਾਂਗ ਚੈਂਪੀਅਨਜ਼ ਲੀਗ ਜਿੱਤਣ ਦੀ ਬਰਾਬਰੀ ਕਰ ਲਈ ਹੈ।

 

Have something to say? Post your comment

 

ਹੋਰ ਖੇਡਾਂ ਖ਼ਬਰਾਂ

ਪੰਜਾਬ ਕਿੰਗਜ਼ ਇਲੈਵਨ vs ਰਾਜਸਥਾਨ ਰਾਇਲਜ਼, ਅੱਜ ਮੋਹਾਲੀ ਵਿੱਚ ਸ਼ਾਮ 7.30 ਵਜੇ ਹੋਵੇਗਾ ਮੈਚ

MI ਬਨਾਮ KKR: ਮੁੰਬਈ ਨੇ ਵਾਨਖੇੜੇ ਵਿੱਚ ਜਿੱਤ ਦਾ ਖਾਤਾ ਖੋਲ੍ਹਿਆ, KKR ਨੂੰ 8 ਵਿਕਟਾਂ ਨਾਲ ਹਰਾਇਆ

KKR ਬਨਾਮ RCB ਓਪਨਿੰਗ ਮੈਚ ਹੋ ਸਕਦਾ ਹੈ ਰੱਦ

हॉकी इंडिया ने 2025 के वार्षिक पुरस्कारों के लिए की अब तक की सबसे बड़ी पुरस्कार राशि की घोषणा

🏆 ਭਾਰਤ ਨੇ ਜਿੱਤੀ ਆਈ.ਸੀ.ਸੀ. ਚੈਂਪੀਅਨਜ਼ ਟਰਾਫੀ 2025

ਚੈਂਪੀਅਨਜ਼ ਟਰਾਫੀ 2025: ਭਾਰਤ-ਆਸਟ੍ਰੇਲੀਆ ਮੈਚ ਨੂੰ ਲੈ ਕੇ ਪ੍ਰਸ਼ੰਸਕ ਉਤਸ਼ਾਹਿਤ, ਕਿਹਾ- 'ਭਾਰਤ ਇਤਿਹਾਸ ਰਚੇਗਾ

ਭਾਰਤ ਨੇ ਨਿਊਜ਼ੀਲੈਂਡ ਨੂੰ 44 ਦੌੜਾਂ ਨਾਲ ਹਰਾਇਆ

ਵਿਰਾਟ ਕੋਹਲੀ ਨਿਊਜ਼ੀਲੈਂਡ ਵਿਰੁੱਧ ਆਪਣਾ 300ਵਾਂ ਵਨਡੇ ਖੇਡਣਗੇ

ਭਾਰਤ ਨੇ ਪਾਕਿਸਤਾਨ ਨੂੰ 6 ਵਿਕਟਾਂ ਨਾਲ ਹਰਾਇਆ

ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਆਇਰਲੈਂਡ ਨੂੰ 4-0 ਨਾਲ ਹਰਾਇਆ

 
 
 
 
Subscribe