ਬਾਘਾ ਪੁਰਾਣਾ : ਸਥਾਨਕ ਮੋਗਾ ਰੋਡ 'ਤੇ ਬੀਤੀ ਰਾਤ ਦੁੱਧ ਦਾ ਭਰਿਆ ਟੈਂਕਰ ਮੋਗਾ ਨੈਸਲੇ ਲਈ ਜਾ ਰਿਹਾ ਸੀ ਕਿ ਅਚਾਨਕ ਸੜਕ 'ਤੇ ਫਿਰਦੇ ਪਸ਼ੂ ਅੱਗੇ ਆ ਗਏ, ਜਿਨ੍ਹਾਂ ਨੂੰ ਬਚਾਉਣ ਲਈ ਟੈਂਕਰ ਵੱਸੋਂ ਬਾਹਰ ਹੋ ਗਿਆ ਅਤੇ ਇਕ ਮਕਾਨ ਦੀ ਕੰਧ 'ਤੇ ਪਲਟ ਗਿਆ, ਜਿਸ ਨਾਲ ਮਕਾਨ ਦੀ ਕੰਧ ਟੁੱਟ ਗਈ ਅਤੇ ਟੈਂਕਰ ਨੂੰ ਨੁਕਸਾਨ ਪੁੱਜਾ।
ਬਾਅਦ 'ਚ ਹੋਰ ਟੈਂਕਰ ਲਿਆਂਦਾ ਗਿਆ, ਜਿਸ 'ਚ ਦੁੱਧ ਪਲਟ ਲਿਆ ਗਿਆ। ਲੋਕਾਂ ਨੇ ਦੱਸਿਆ ਕਿ ਅਵਾਰਾ ਢੱਠਿਆਂ ਦੀ ਗਿਣਤੀ ਵਧਣ ਕਰ ਕੇ ਰੋਜ਼ ਹਾਦਸੇ ਵਾਪਰ ਰਹੇ ਹਨ ਪਰ ਪ੍ਰਸਾਸ਼ਨ ਦਾ ਕੋਈ ਧਿਆਨ ਨਹੀਂ ਹੈ। ਪਸ਼ੂਆ ਦੀ ਸੰਭਾਲ ਨੂੰ ਲੈ ਕੇ ਇਕ ਚਿੰਤਾ ਦਾ ਵਿਸ਼ਾ ਬਣ ਚੁੱਕਾ ਹੈ। ਇੱਥੋਂ ਤੱਕ ਕਿ ਸਰਕਾਰ ਵਲੋਂ ਗਊ ਸੈਸ ਲਿਆਂ ਜਾਂਦਾ ਹੈ, ਫਿਰ ਵੀ ਸੰਭਾਲ ਕਰਨ ਤੋਂ ਸਰਕਾਰ ਭੱਜ ਰਹੀ ਹੈ।